Read Runyoro - rutooro Mik 5 Bible Online

Mik 5 - Runyoro - rutooro bible

Mik 5

¹Inywe abantu ba Yerusaalemu, Musorooze amahe ganyu! Abanyanzigwa batwehinguliriize ira! Mbabo nibaseesira omwebembezi wa Isirairi.

²MUKAMA naagamba ati: Iwe Beterehemu ey'Efurata, anyakukirra kimu obuke omu nganda za Yuda, omuli iwe, nuho halindugira omuntu, ow'alirema Isirairi, ow'endugirro eya ira, eyatandikire omu businge obwa kara.

³Habweki, alibaleka okuhika omukazi ogu arukurumwa obu alikazaara omwana we ow'obwojo. Mukama abantu be talibalekera abanyanzigwa baabu, hanyuma, abaliba basigaireho ha bagenzi be, nubwo baligaruka omu bantu aba Isirairi.

⁴Alyemerra aliise igana lye habw'amaani ga MUKAMA, n'omu kitiinisa ky'ibara lya MUKAMA Ruhanga we. Abantu baligwagwana, habwokuba omu kasumi ako, ensi yoona erimuha ekitiinisa.

⁵Abasiriya obu balituseesiira omunsi yaitu, bakarubata ha itaka lyaitu, tukaimukya abaliisa musanju n'abanyoro b'abantu munaana ab'okubarwanisa, obu nubwo buliba obusinge;

⁶abo nubo balirema Asiriya n'empirima, ensi Nimuroodi bagiremese ekyoogi ky'empirima. Abasiriya obu balituseesira omunsi yaitu, bakarubata ha mutaano gwaitu, nubo balibatujuna.

⁷Abasigaireho ha bantu ba Yakobbo, hagati y'amahanga amaingi, obu nubwo balisisana nk'orume orunyakuruhuura, orunyakutwekerwe MUKAMA ruruhuule amahanga maingi, balisisana obutonyatonya bw'enjura, obunyakugwera ebibyarwa ebirukukura, baliba batarukwesiga bantu, kandi baliba batarukunihira kumalirwa omuntu.

⁸Baliraranga omu mahanga, balisisana nk'entale erukuhiiga ebyokulya omwirungu, rundi nk'ekisole ky'entale omu igana ly'entaama, igana ezigwera, ezitaagataagura-tihabaho muntu aziginagisa.

⁹Isirairi alisingura abanyanzigwa be boona abahwerekereze.

¹⁰Mukama naagamba ati: Ha kiro eki, ndibaihaho embaraasi zanyu, mpwerekereze n'ebigaali byanyu;

¹¹embuga ez'omunsi yanyu ndizihwerekereza, ebigo byanyu mbiseese.

¹²Ndicwa oburogo omunsi yawe, tindikulekera muraguzi n'omu;

¹³ndicwacwana ebisisani eby'abacwezi bawe, ntemateme enyomyo zawe, toligaruka kuramya ebintu ebi oyekoliire n'emikono yawe;

¹⁴ndifuuhiza kimu Asera omucwezi wawe mmukwiheho, mpwerekereze embuga zawe.

¹⁵Amahanga agatarampuliire ndigahorra enzigu, nyina ekiniga n'obukaya.