Read Runyoro - rutooro Nah 2 Bible Online

Nah 2 - Runyoro - rutooro bible

Nah 2

¹Nineve, omuhwerekereza aizire. Leta abalinzi linda oruguudo, weteege, weeteekanize orwane

²(MUKAMA ali haihi kugarraho ekitiinisa kya Isirairi, nkooku kikaba kiri, abanyanzigwa be batakakimunyagireho).

³Engabwa ze ziina engabu ezirukutukura abaserikale be bajwaire ebijwaro ebya kahuukya, ebigaali obu birukuba byemereziibwe kurungi, nibyengeengeta nk'omurro! Embaraasi nizikina.

⁴Ebigaali nibiirukira kimu nibiraba omu nguudo, nibitwarwa hanu na hali omu makuute; nibimyalikya nk'omurabyo.

⁵Abakuru baayetwa, baagenda nibatabaijuka baaruhuka bahika ha kisiika, baasimba engabu.

⁶Amalembo aga haihi n'ekisaaru gakingwirwe, ekikaali kimazirweho enkizi;

⁷omukamakati bamujunjwire, baamwihaho baamutwara, abazaana be nibarra, nibahuruguma nk'amaiba, nibeterra ebifuba.

⁸Abantu nibahurumuka nibaruga Nineve nk'amaizi nk'amaizi agahagwire ekisiika. Abantu abandi nibabeeta bati: “Mwemerre, mwemerre!” Baitu busaho n'omu arukukubuutuka.

⁹Munyage efeeza, munyage ezaabbu itungo eri omu tiriina nambere lirukugarukira, kandi obuguuda obw'ebintu ebya buli muhendo, tibiina mutaano.

¹⁰Nineve ruhwerekeriire, kifuruka kandi itongo! Abantu obutiini bw'okubaita, amaju nigatukumira, abantu tibaina maani; amaiso nigabeera hwe.

¹¹Orubuga orukaba nirusisana obwingira bw'entale, orwalisizibwamuga entale, ensigazi, orwaikarwamuga entale enimi n'ezigija, ebyana byazo nambere byatungiraga obusinge, hati ruli nkaha?

¹²Entale enimi ekaitira ebyana byayo enyamaiswa ezirukumara, zinu yainigira enkazi yayo, amaingira yagaijuza ebisoro eb'isire. Amaina yagaijuza enyama ezitangataagwire.

¹³MUKAMA ow'amahe naagamba ati: Ndi munyanzigwa wawe, ebigaali byawe ninyija kubyokya bicuuke omwika, entale zawe ensigazi empirima erigeehiira; ebisoro byawe ndibihwerekereza mbimale omunsi, kandi abakwenda bawe tibaligaruka kugamba.