Read Runyoro - rutooro Hab 1 Bible Online

Hab 1 - Runyoro - rutooro bible

Hab 1

¹Binu nibyo ebigambo MUKAMA ebi yamanyisize Habbakuuki omurangi.

²Ai MUKAMA ndaahikya nkaha kukutaagira ninkusaba onkoonyere nooyanga kumpurra? Rundi kukwamirra nti: “okukorwa kubi kutuhinguraine!”, Okalema kutujuna?

³Habwaki noikiriza mpikweho ebibi n'emihito? Ntegeriize kuhwerekerra n'okukorwa kubi; enkungani n'empaka nibyo birukwimuka.

⁴Ebiragiro nikyo bitarukugirra busobozi, kandi obwinganiza nikyo burukwehugulirwa. Habwokuba ababi nubo barukukira abarungi, obwinganiza nukwo kwehugurwa.

⁵Murole amahanga, mwetegereze muhunirre kandi mutangaale. Habwokuba nyina ekintu eki ndukwija kukora omu biro byanyu, noobu baakukibagambira, timusobora kukiikiriza.

⁶Dora, ninyimukya Abakaludaaya ihanga eri erisaaliire kandi erirukwanguha ihanga erirukurabanganamu omunsi yoona, linyage ebiikaro by'okwikaramu ebitali byabo.

⁷Abantu abo bakanga kandi batiinisa; obwinganiza n'ekitiinisa kyabo mali bonka.

⁸Embaraasi zaabo irahuka okukira engo, z'ekiniga okukira emyaga erukurumwa enjara; abatembi b'embaraasi zaabo baruga hara nibahurruka nk'isamba erirukugwera ekisoro kyalyo.

⁹Boona eki barukwizirra kiri kimu kyonka nukwo kunyaga, wena anyakubarora nibaija bamutiinisa. Banyaga abantu baingi nk'omusenyi.

¹⁰Bagaya abakama; basekereza abalemi bagaya buli kigo kyona habwokuba batema itaka nibalituuma kandi nibalitwara.

¹¹Hanyuma abantu abo ababi, abafoora amaani gaabo ruhanga wabo, nubwo barabaho, nibateera nk'omuyaga, bagenda omumaiso!

¹²MUKAMA kurugira kimu hakubanza oba Ruhanga. Ai MUKAMA Ruhanga wange, arukwera wange. Ai Ruhanga, okataho abantu abo, babe kintu ky'okurorraho eky'obwinganiza; wabagumya dai nk'omwandara, nukwo bafubirege abandi.

¹³Iwe ow'amaiso agahinguraine oburungi agatasobora kurora ekintu ekibi, osobora ota kurolerra kwonka, kandi kunu abantu nibakora eby'obugobya, noculeera ota, kandi kunu abantu ababi nibahwerekereza abarukubakira oburungi?

¹⁴Habwokuba, abantu obasisaniza nk'encu ez'omu nyanja, obasisaniza nk'ebintu ebirukwekurra ebitagira mulemi.

¹⁵Boona abakwasa irobo abaihisamu akatimba ke, abasorooleza omu kitimba kye; nukwo akyanganuka kandi ayebuga.

¹⁶Nikyo bahongereerra akatimba kaabo ekyonzira, nukwo kwokeza ekitimba kyabo obubbaani; habwokuba omu nuho baiha eby'okwesemeza nubwo buliiro bwabo.

¹⁷Nukwo balikaikara bati, nibaiha omu katimba kaabo ebi bakwasize, kandi nibaita obutalekerra?