Read Runyoro - rutooro Zek 1 Bible Online

Zek 1 - Runyoro - rutooro bible

Zek 1

¹Omu kwezi kwa munaana omu mwaka ogwa kabiri, omu bulemi bwa Daliyo, MUKAMA akagambira Zekaliya mutabani wa Berekiya mwijukuru wa Ido omurangi ati,

²“MUKAMA akabiihirirwa muno baaswenkuru.

³Hati nu obagambire oti MUKAMA ow'amahe naagamba ati: Mungarukire na nyowe nukwo mbagarukire.

⁴Mutasisana nka ba isenkuruinywe, abarangi aba ira nubo baateeriire omuranga bati, ‘MUKAMA ow'amahe naagamba ati, mucwe engeso zanyu embi, kandi mufuuhye ebikorwa byanyu ebibi.’ Baitu MUKAMA naagamba ati, batampurre kandi batanfeeho.

⁵Ba isenkuruinywe abo, hati balinkaha?

⁶Nkaraba omu bairu bange abarangi, naha ba isenkuruinywe ebiragiro kandi nabahabura, baitu ebi batabiteho mutima, baarora ekyarugiremu. Nubwo baayegarukiremu, baikiriza nyowe MUKAMA ow'obusobozi bwona nkooku nkaba mbafubiire nkooku bakaba basemeriire kufubirwa, kandi nkooku nkaba ncwiremu kubafubira.”

⁷Ha kiro eky'amakumi abiri na bbina eby'okwezi okwa ikumi na kumu, nukwo okwa Sebati, omu mwaka ogwa kabiri omu bulemi bwa Daliyo, MUKAMA akagambira Zekaliya mutabani wa Berekiya mwijukuru wa Ido omurangi; Zekariya yagamba ati,

⁸“Ekiro nkarora omusaija atembere embaraasi erukutukura! Omusaija ogu akaba ayemeriire omu kahanga hagati y'emiti emikadasi; enyuma ye hakaba haliyo embaraasi ezirukutukura, eza mayenje, n'ezirukwera.

⁹Namukaguza nti, waitu taata, embaraasi ezi ziina makuru ki? Yangarukamu ati, ‘Ninyija kukumanyisa amakuru gaazo.’

¹⁰Omusaija ow'akaba ayemeriire hagati y'emiti emikadasi yangarukamu ati, embaraasi ezi, MUKAMA nizo atumire okuraba omunsi yoona.

¹¹Embaraasi zaagarukamu malaika wa MUKAMA ow'akaba ayemeriire omu miti emikadasi ziti: ‘Ensi yoona tugirabiremu, ina obusinge kandi eteekaine’

¹²Malaika wa MUKAMA nubwo yagambire ati, ‘Ai MUKAMA ow'amahe, olimara kasumi ki kuganyira Yerusaalemu n'embuga za Yuda ezi wabiihiriirwe okumara emyaka nsanju enu?’

¹³MUKAMA yagarukamu malaika ow'akaba naabaza na nyowe, ebigambo eby'embabazi kandi ebirukuhuumuza.

¹⁴Malaika ogu nubwo yandagiire ati, MUKAMA ow'amahe naagamba ati, Rangirra oti: ‘Ningonza muno kandi nintunturra Yerusaalemu orubuga rwange orurukwera.

¹⁵Baitu mbiihirirwe embuga ezinyakuculiire, kandi ezinyakwina obusinge. Habwokuba obu nkaba ninkeehya ekiniga kyange ha bantu bange, amahanga ago gakongera kubabonesa.

¹⁶Habweki MUKAMA ow'amahe naagamba ati, ningaruka Yerusaalemu nyina embabazi; Enju yange eraagaruka eyombekwe buhyaka, n'orubuga rulengwe.

¹⁷Malaika yagaruka yandagira ati, ranga oti: MUKAMA Ow'obusobozi bwona naagamba ati, embuga ze zirigaruka zitunge obusinge, aligaruka akoonyere Yerusaalemu, arwete rubuga rwe habwe.’”

¹⁸Obu naimukize amaiso, narora amahembe ana!

¹⁹Nakaguza malaika ou nabazaaga na we nti, “Binu biki?” Yangarukamu ati, “Ago nugo amahembe agaararangize Yuda, Isirairi na Yerusaalemu.”

²⁰Hanyuma MUKAMA yaanyoleka abaheesi bbana.

²¹Nakaguza nti, “Banu nibaija kukora ki?” Yangarukamu ati, “Abo baizire kukanga n'okuhwerekereza amahanga agaataagwire ensi ya Yuda, gaararangya abantu baayo.”