Read Runyoro - rutooro Zek 3 Bible Online

Zek 3 - Runyoro - rutooro bible

Zek 3

¹MUKAMA yagaruka yaanyoleka Yoswa Nyakatagara Omukuru ayemeriire omumaiso ga malaika wa MUKAMA, na Sitaani amwemeriire ha mukono gwe ogw'obulyo amunyegerre.

²Malaika wa MUKAMA yagambira Sitaani ati, iwe Sitaani, “MUKAMA akusingise omusango MUKAMA anyakugonza Yerusaalemu akusingise omusango. Omusaija omu, naasisana nk'ekicumuro ekinyakubakwirwe omu murro”

³Yoswa akaba ayemeriire omumaiso ga malaika, ajwaire engoye endofu.

⁴Malaika yaragira abo abakaba bamwemeriire omumaiso ati, “Mumujuule engoye ezi endofu.” Nubwo yagambira Yoswa ati, “Nkwihireho ebibi byawe, kandi ninyija kukujweka eby'okujwara ebirungi.”

⁵Yaragira ati, “Bamujweke ha mutwe ekitambaara ekihyaka.” Baakimujweka, baamujweka n'ebyokujwara; obu malaika wa MUKAMA ayemeriire haihi aho.

⁶Malaika wa MUKAMA yagambira Yoswa ati,

⁷“MUKAMA ow'amahe naagamba ati: Obwolikora ebi ndukugonza kandi okakwata ebi nkuragiire, nubwo olirema enju yange orolerre n'ebikaali byange, kandi ndikuha obusobozi obw'okutaaha omuli abo abanyakwemeriire hanu.

⁸Iwe Yoswa Nyakatagara Omukuru, iwe na baywani bawe abanyakukwikaliire omumaiso, mutege amatu, habwokuba banywani bawe abo, nubo karorwaho ek'ebirungi ebinyakuli omumaiso, ninyija kuleeta omuheereza wange, ibara lye nuwe Itaagi.

⁹Habwokuba MUKAMA ow'amahe naagamba ati, ha ibaale eri ntaire omumaiso ga Yoswa, ha buli ibaale erinyakwina embaju musanju, ninyija kulijeerengaho ekihandiiko kyalyo kandi omusango ogw'ensi enu, ndigigwihiraho ekiro kimu.

¹⁰MUKAMA ow'amahe naagamba ati, ha kiro eki, omu omuli inywe, aliraaliza omutaahi, mwikarre hansi y'omuti omuzabbibbu n'omuzaituuni.”