Read Runyoro - rutooro Zek 8 Bible Online

Zek 8 - Runyoro - rutooro bible

Zek 8

¹MUKAMA ow'amahe akangambira ati,

²“Nkaitanira kukoonyera Yerusaalemu, habw'engonzi enyingi ezi nyina h'abantu baarwo, engonzi ezi nizo zandeetiire kubiihirirwa abanyanzigwa barwo.

³Ndigaruka Yerusaalemu orubuga rwange orurukwera, nuho nyikale. Rulyetwa rubuga orw'obwesige, kandi orusozi rwa MUKAMA ow'obusobozi bwona, rulyetwa rusozi orurukwera.

⁴MUKAMA ow'amahe naagamba ati: Abagurusi n'abakaikuru, abaliba bakuzire balikarra omu nguudo za Yerusaalemu.

⁵Enguudo ziriijura aboojo n'abaisiki abarukwizaaniramu.

⁶MUKAMA ow'amahe naagamba ati: Ha bantu ab'ihanga linu abaasigaireho biro binu, eki nikizooka nk'ekyamahano, na hali nyowe nukwo kiraaba?

⁷MUKAMA ow'amahe naagamba ati: ndijuna abantu bange, mbaihe omunsi eza Burugaizooba n'eza Bugwaizooba.

⁸Ndibagarra baikale hagati ya Yerusaalemu; baliba bantu bange na nyowe mbe Ruhanga wabo omu bwesige n'omu buhikiriire.”

⁹MUKAMA ow'amahe naagamba ati: “Mugume, inywe abataaha nimuhurra ebigambo abarangi ebi baagambire okurugirra ha kiro omusingi gw'enju ya MUKAMA eki gwatandikiirweho, enju nukwo egaruke eyombekwe buhyaka.

¹⁰Ebiro ebi obu bikaba bitakahikire, omuntu tiyasasurwaga mpeera ye, rundi ekisoro kusasurwa empeera yakyo, kandi habw'abanyanzigwa, omuntu arukugenda rundi arukugaruka tiyabaga na businge; habwokuba abantu nkaboohera kuhiigangana.

¹¹MUKAMA ow'amahe naagamba ati, baitu hati abasigaireho h'abantu ab'ihanga linu, tindukwija kubakora nkooku nakozire omu biro ebyahingwiire.

¹²Habwokuba nihaija kubaho kusiga obusinge; emizaituuni eryana ebijuma, ensi erimeza ebyokulya, iguru lirinaga enjura; ebi byona ndibiha, abasigaireho ha bantu ab'ihanga linu.

¹³Iwe enju ya Yuda n'eya Isirairi, nkooku rwabaire rufumo orucwibwa ha mukyeno omu mahanga goona, hati ninyija kubajuna, ninywe mufooke mugisa. Mugume, muleke kutiina.”

¹⁴MUKAMA ow'amahe naagamba ati: “Nkooku nacwiremu kubaganyira ba isenkuruinywe obu bambiihiize, tinagira mbabazi,

¹⁵na hati omu biro binu, nukwo mmaliriire kukorra ebirungi Yerusaalemu n'enju ya Yuda; muleke kutiina.

¹⁶Binu nibyo ebintu ebi musemeriire kukora: Mubalizangane amazima, mucwe emisango ey'amananu, eki nikyo kireeta obusinge.

¹⁷MUKAMA naagamba ati, Muleke kucwa amagezi ag'okukorrangana kubi, kandi mutalyetaho, endahiro ez'ebisuba habwokuba ebintu ebi byona timbigonza.”

¹⁸MUKAMA ow'amahe akangambira ati,

¹⁹okusiiba okw'omu kwezi kwa kana, okwa kataanu, okwa musanju n'okwa ikumi ha Yuda, eraabaga myaka y'omuhimbo n'okusemererwa, biro bikuru eby'okuhuumuzibwa; habweki mugonze amazima n'obusinge.

²⁰MUKAMA ow'amahe naagamba ati: “Akasumi kalihika, abantu n'obwakubaire enzarwa ez'omu mbuga enyingi aka baliiziramu;

²¹enzarwa ez'orubuga rumu baligenda omu rubuga orundi nibagamba bati, ‘Turahuke tugende kwesengereza MUKAMA kandi tuserre MUKAMA ow'amahe, nanyowe ningenda’.

²²Abantu baingi n'amahanga ag'amaani, baliija Yerusaalemu kuserra n'okwesengereza MUKAMA.

²³MUKAMA ow'amahe naagamba ati: Omu biro ebi, abasaija ikumi abarukuruga omu mahanga aga buli ngambo, balikwata ha mujwaro gw'Omuyudaaya bamugambire bati, ‘Tugende hamu, habwokuba tuhuliire ngu Ruhanga aikara na iwe.’ ”