Read Runyoro - rutooro Mara 4 Bible Online

Mara 4 - Runyoro - rutooro bible

Mara 4

¹MUKAMA ow'amahe naagamba ati, ekiro ekituumiire kimu nk'ekyoto nikiija, obu kirihika, abeekuliiriza boona hamu n'enkozi z'ebibi zoona, balisisana nk'ebisunga; MUKAMA ow'amahe naagamba ati, ekiro eki ekiriija, kirisiiriiriza kimu embuba ezi, nukwo haleme kusigaraho ekikoro rundi akababi.

²Baitu inywe abanyakumpurra, obusobozi bwange obunyakujuna oburukusisana nk'izoba, bulibahikaho, bubatambire nk'amaranga g'izooba. Muliba n'obusinge kandi mulisemererwa muno nk'enyana ezinyakwihirwe omu kihongole.

³MUKAMA ow'amahe naagamba ati, ha kiro eki obu ndyoleka obusobozi bwange mulirubaatirra ababi, omumaiso balisisana nk'ecuucu hansi y'ebigere byanyu.

⁴“Mwijukege ebiragiro by'omwiru wange Musa, n'ebigambo ebi namugambiriire ha rusozi Holebu, nti bikwatwege Isirairi yoona.

⁵“Ekiro kya MUKAMA eki eky'ekitiinisa kandi ekirukukanga kitakahikire, ndituma Eriya omurangi.

⁶Nuwe alihindura emitima eya ba ise baana agite ha baana baabo, kandi ahindule emitima y'abaana agite haba isebo, nukwo ndeke kwija kukyena ensi.”