Read Runyoro - rutooro Bir 13 Bible Online

Bir 13 - Runyoro - rutooro bible

Bir 13

¹“Omuli inywe kakuba hazookamu omurangi, rundi omuntu arukuroota ebirooto akabakorra eby'amahano rundi ekihuniriza,

²ekyamahano rundi ekihuniriza eki arukubagambira kikabaho kwo, kandi akagamba ati: ‘Tuhondere ebigambo eby'embandwa inywe ezimutakamanyaga, nizo tuheereze’

³Omurangi ogu mutalimuhuliriza, habwokuba MUKAMA Ruhanga wanyu naabalenga, amanye obumuraaba nimumugonza n'omutima gwanyu gwona n'omwoyo gwanyu gwona.

⁴Muhondere MUKAMA Ruhanga wanyu kandi mumutiinege, mukwate ebiragiro bye, mumuhurrege; mumukorrege kandi mumugumirehoga.

⁵Baitu omurangi ogu rundi kalibirooto ogu, aitwe, habwokuba akabanga, nukwo abaiheho MUKAMA Ruhanga wanyu ayabaihire omunsi Misiri, nambere mukaba mutungirwe muli bairu, nukwo abahabise abaihe omumuhanda MUKAMA Ruhanga wanyu ogu yabaragiire.

⁶“Kakuba mugenzi wawe, omwana wa nyoko rundi mutabani wawe, rundi muhara wawe, rundi omukazi ou orukukira kugonza, rundi munywani wawe nfanfe akusoonasoona naagamba ati: ‘Tugende tuheereze embandwa baisenkuru inywe ezi bataramanyire,

⁷embandwa ezimu abantu ababeehingulirize, abanyakubali haihi rundi hara orubaju n'orubaju’

⁸mutalimwikiriiza rundi kumuhuliriza, otalimugirra embabazi rundi kumuganyira.

⁹Baitu omwite, niiwe obanze kumukoraho ha kumwita, nukwo hongereho abandi.

¹⁰Mumuteeze amabaale afe, habwokuba akagonza kubaiha hali MUKAMA Ruhanga wanyu, ayabaihire omunsi Misiri, yabaiha omu bwiru.

¹¹Abaisirairi boona obubalihurra, nubwo balitiina, baleke kwongera kukora ekibi nkeeki omuli inywe.

¹²“Omu rumu hambuga zanyu MUKAMA Ruhanga wanyu ezi arukugenda kubaha kwikaramu, kakuba muhurra ngu

¹³abantu ababi ab'ihanga lyawe nubo baahabisize abaikazi abomurubuga oru nibagamba bati: ‘Tugende tuheereze embandwa, inywe ezi mutarukumanya,’

¹⁴obu, mukagulirizege kandi murondereze, mwekambe kukaguza, obukirizooka gali mananu kandi kihikire ngu ekintu eky'omuziro kikakorwa omuli inywe,

¹⁵Abaikazi ab'omurubuga oru mubaise empirima muruhwerekerereze kimu n'amagana gaamwo.

¹⁶Ebintu byarwo mubisoroleze omukiikaro ekigalihire, orubuga n'ebintu byarwo mubyokye bibe nk'ekihongwa ekihikiriire ekyokiibwe, kyahongerwa MUKAMA Ruhanga wanyu. Orubuga obusumi bwona, rwikale ruli ntuumo rutaligaruka kwombekwa.

¹⁷Mutalyesigaliza ekintu na kimu ekyaragiirwe kuhwerekerezibwa.

¹⁸Baitu kakuba muhurra MUKAMA Ruhanga wanyu mukakwata ebiragiro bye ebindukubaragira hati, mukakora ebyagonza, obu nubwo alirugwaho ekiniga, abakwatirwe embabazi, kandi abakanyise nkooku yarahiire baisenkuru inywe.