Read Runyoro - rutooro Bir 14 Bible Online

Bir 14 - Runyoro - rutooro bible

Bir 14

¹“Mu baana ba MUKAMA Ruhanga wanyu, mutalyesarasara rundi kwemwa isoke habw'abantu abafiire.

²Habwokuba hali MUKAMA Ruhanga wanyu, muli ihanga erirukwera, kandi MUKAMA akabakoma mube bantu be bweremera, yabaiha omubantu boona abanyakwikara omunsi.

³“Mutalirya ekintu kyona ekinugwa.

⁴Binu nibyo ebisoro ebimurukwikirizibwa kulya: ente, entaama, embuzi

⁵ensama, ensa rundi empara, na kyona ekyasize enkangaasi kandi kinyina obukangaasi, kandi ekinyakwekuuma.

⁶Omu bisoro nimwikirizibwa kulya ekisoro kyona ekyasize enkangaasi, kandi ekinyakwekuuma.

⁷Nabwo omuli ebi ebinyakwekuuma kandi ebinyakwina enkangaasi, mutalirya binu: engamiya, wakame, entahuurra, habwokuba byekuuma baitu tibyasize nkangaasi, habweki nibizirwa.

⁸Kandi empunu, noobu eraaba eyasize enkangaasi baitu habwokuba teyekuuma, nayo neezirwa. Mutalirya enyama y'ebisoro ebi, kandi mutalikwata ha mitumbi yabyo.

⁹“Omu bintu byona ebinyakuli omu maizi, binu nibyo mulyeege; kyona ekinyakwina omusuti n'ebigamba, mukiryege.

¹⁰Kandi ekitaina musuti n'ebigamba, mutalikirya nikibazira.

¹¹“Ebinyonyi byona ebitarukuzira mubiryege.

¹²Baitu binu nibyo ebi ebimutasemeriire kulya: isamba, esega, enunda,

¹³gahiiraha, ekigeera n'ebindi ebirukubisisana,

¹⁴buli mulingo gw'ekingoora;

¹⁵maaya, ehudu, ekisomabwire n'empungu zoona eza buli mulingo;

¹⁶ensindizi na kabyasi, enyange;

¹⁷enzikeeri, esega birooto;

¹⁸ekidongodongo, enyawaawa ez'emiringo yoona, ekiisamuhana n'ekihuguhugu.

¹⁹Ebihuka byona eby'amapapa nibizira, tibiri by'okuliibwa.

²⁰Ebintu byona ebiine amapapa ebitarukuzira mubiryege.

²¹Ekintu kyona ekyefeera, mulekege kukirya, mukirekere omunyaihanga arukwikara na inywe omurubuga, nuwe akirye, rundi, haakire, mukimuguze, habwokuba inywe hali MUKAMA Ruhanga wanyu, muli ihanga erirukwera. Ekyana ky'embuzi otalikicumbisa amata ga nyina kyo.

²²“Buli mwaka oyahulege kimu kya ikumi ekya byona ebi oyereze, hanyuma ogende, omumaiso ga MUKAMA, kandi

²³omukiikaro MUKAMA Ruhanga wawe eki yayegomboize kumuramiza, nuho oliirege kimu kya ikumi eky'ebyokulya byawe, ekyamagita gawe, eky'emizigaijo ey'igana ery'ente zawe, ery'entaama n'ery'emburabuzi, kandi nuho onywerege kimu kya ikumi eky'evini yawe, nukwo oyege kwikara nootiina MUKAMA Ruhanga wawe.

²⁴“Kakuba orugendo rukubeera rukooto otarukusobora kuleeta kimu kya ikumi eky'ebi oyereze, MUKAMA Ruhanga wawe ebiyakuhairemu omugisa, ekiikaro MUKAMA Ruhanga wawe eki yakomere kumuramizaamu, habw'okukuba hara muno,

²⁵obu, kimu kya ikumi eky'eby'okulya noikirizibwa kuhingisaamu sente. Sente ezi ogende ozikwasire omungaro, ogende omukiikaro MUKAMA ekiyakomere kumuramizaamu,

²⁶oziguze ekintu kyona ekyorukugonza: ente, entaama, rundi ekyokunywa eky'amaani, oku nuho oliriira, kandi osemererwe neeka yawe omumaiso ga MUKAMA.

²⁷Kandi Omuleevi anyakuli omumbuga z'owanyu, otalimwebwa, habwokuba uwe tanyina mugabo rundi ensi ei yagabaine na inywe.

²⁸Buli myaka esatu obweraahwahoga, omu mwaka ogu gwonka, oleeteremuga kimu kya ikumi ekya byona ebi wakeeza, obituume omurubuga balye kandi baigute; nukwo MUKAMA Ruhanga wanyu abahe omugisa omu bintu byona ebi mutaho engaro.

²⁹“Baitu Omuleevi habwokuba nuwe atagira mugabo rundi itaka eriyabagaine na inywe n'omunyaihanga enfuzi n'omufakati abanyakuli omumbuga z'owanyu balye baigute, omu bintu byona ebi mutaho engaro, MUKAMA Ruhanga wanyu nubwo abahe omugisa.”