Read Runyoro - rutooro Bar 13 Bible Online

Bar 13 - Runyoro - rutooro bible

Bar 13

¹Buli muntu weena ayorobere abalemi abarukumulema, habwokuba tiharoho busobozi na bumu rundi buli burugire hali Ruhanga; kandi abalemi abaroho bakateebwaho Ruhanga.

²Habweki, ogu anyakweremera abalemi, aba ayeremiire ekyatairweho Ruhanga. Kandi abeereme abo, beereetera omusango.

³Habwokuba abalemi tibatiinisa bantu abakora kurungi, baitu batiinisa abakora kubi. Iwe nooyenda kutatiina ow'obusobozi? Hati nu, kora ebirungi, nukwo nawe akusiime.

⁴Ningira uwe muheereza wa Ruhanga arukukora habw'oburungi bwawe. Baitu kakuba okora kubi, otiine; habwokuba ekitara takihagatiirra busa. Nuwe muheereza wa Ruhanga ow'okufubira anyakukora kubi.

⁵Nahabweki omuntu asemeriire kworoba, tikuli habw'okwetantara obukaya bwa Ruhanga kwonka, baitu na habw'okuhaburwa omutima gwe eki gumugambira.

⁶Nikyo muheera emisoro, habwokuba abalemi baheereza ba Ruhanga, abarukukora omulimo agw'okusorooza emisoro.

⁷Musasule boona ebi barukubatonga: abarukusorooza omusoro, mugubahe; abarukutonga obusuuru, mububahe; ab'okutiinwa, mubatiine; ab'ekitiinisa, mubahe ekitiinisa.

⁸Mutaliba n'ibanja ha muntu weena, okwihaho ibanja ery'okugonzangana; habwokuba ogu anyakugonza mutaahi we, aba ahikiriize Ebiragiro.

⁹Nibyo Ebiragiro ebigamba biti: “Otalisiihana, otaliita, otaliiba, otalyegomba kubi” n'ebiragiro ebindi, byona bifunzibwa omu kigambo ekirukugamba kiti: “Ogonzeege mutaahi waawe nkooku oyegonza wenka.”

¹⁰Anyakwina egonzi takora kubi mutaahi we; nahabweki engonzi nizo ihikiriza Ebiragiro.

¹¹Okwongera hali eki, mumanyire akasumi nkooku kali haihi kandi kahikiire kimu, inywe kusisiimuka omu turo; habwokuba okujunwa, hati kutwiriire haihi okukira nambere twabandize kwikiriza.

¹²Obwire buli haihi kukya, n'izooba liri haihi kuturuka. Habweki, tuleke ebikorwa eby'omwirima, tukwate eby'okurwanisa omu musana.

¹³Tukole kurungi nk'abali omu musana, tutarukurarraana omu magenyi kandi tutarukutamiira, tutarukusiihana n'okukora eby'obugwagwa, tutarukukungana n'okugirrangana ihali.

¹⁴Baitu MUKAMA Yesu Kristo nuwe mufoole ngabu yanyu, muleme emibiri yanyu, ereke kukora ebi erukwegomba.