Read Runyoro - rutooro 1 Abakor 2 Bible Online

1 Abakor 2 - Runyoro - rutooro bible

1 Abakor 2

¹Bagenzi bange, obu naizire owanyu, ntaije nimbarangirra ensita za Ruhanga omu bigambo ebi mutasobora kwetegereza.

²Habwokuba nkamalirra kutamanya kindi kyona omuli inywe, kwihaho Yesu Kristo, ogu ayambambirwe ha musaraba.

³Obu nahikire owanyu nkazooka ndi muceke, ninkyatiina, kandi nintukumira.

⁴Orubazo rwange n'okwegeza kwange bikaba bitali by'amagezi ag'okusoonasoona abantu; baitu byayolekaga amaani ga Mwoyo Ahikiriire.

⁵Nukwo okwikiriza kwanyu kuleke kusigikira ha magezi g'abantu, baitu kusigikire ha maani ga Ruhanga.

⁶Inywe abagumire omu kwikiriza, twina amagezi ag'okubacwera, noobu garaaba gatali g'obusinge bunu rundi g'abalemi ab'obusinge bunu abali b'okuhwaho.

⁷Baitu itwe tumanyisa ensita ya Ruhanga kandi amagezi ge agaserekerwe, niyo ntegeka Ruhanga ei yataireho kutuhaisa ekitiinisa amahanga goona gatakahangirwe.

⁸Busaho mulemi n'omu ow'obusinge bunu aragyetegeriize. Kakuba baagyetegeriize, tibaakubambire ha musaraba MUKAMA ow'ekitiinisa.

⁹Baitu kikahandiikwa kiti: “Eriiso ebi litakaroraga, n'okutu ebi kutakahurraga, kandi n'ebitakataahaga omu mutima gw'omuntu, nibyo Ruhanga yateekaniriize abarukumugonza.”

¹⁰Ebi, Ruhanga akabitusuukururra omu Mwoyo Ahikiriire, Habwokuba Mwoyo atindura buli kintu kyona noobu ziraaba ziri nsita za Ruhanga.

¹¹Muntu ki arukumanya ebiteekerezo by'ondi, kwihaho omutima gwa mukama wabyo? Nukwo kiti, busaho arukumanya ebiteekerezo bya Ruhanga kwihaho Mwoyo wa Ruhanga.

¹²Itwe, tutaheebwe mwoyo w'ensi enu, baitu tukaheebwa Mwoyo anyakuruga hali Ruhanga, nukwo twetegereze ebisembo Ruhanga ebi yatugabiire.

¹³Ebi nibyo tusoborra omu bigambo ebitaruga omu magezi g'abantu, baitu ebi twegesibwa Mwoyo. Abo abaina Mwoyo, tubasoborra amagezi ga Mwoyo.

¹⁴Baitu omuntu ataina Mwoyo tatunga bisembo bya mwoyo wa Ruhanga. Abyeeta by'obudoma kandi tasobora kubyetegereza, habwokuba byetegerezibwa abaina mwoyo.

¹⁵Anyakwina Mwoyo ayetegereza byona, baitu uwe tayetegerezibwa muntu weena.

¹⁶“Nooha aramanyire ebiteekerezo bya MUKAMA, nooha si aramuhanuliire?” Baitu itwe tuteekereza ebiteekerezo bya Kristo.