Read Runyoro - rutooro 1 Abakor 3 Bible Online

1 Abakor 3 - Runyoro - rutooro bible

1 Abakor 3

¹Bagenzi bange, nyowe nkaba ntarukusobora kubeegesa nk'abantu abarukulemwa omwoyo, baitu nk'abarukulemwa omubiri, kandi abaana abato omu Kristo.

²Nkabanywisa amata, bitali byokulya ebigumire; habwokuba mukaba mutakahikire kubirya: kandi na hati hoona timukahikire, ningira nimukyalemwa omubiri.

³Obu muraaba mukyaina ihali n'empaka, timukyalemwa omubiri, nimukora nk'abantu kwonka?

⁴Omu, obu agamba ati: “Nyowe ndi wa Paulo”, n'ondi ati: “Nyowe ndi w'Apolo”, muba mutakyali bantu kwonka?

⁵Hati Apolo nuw'oha? Na Paulo nuw'oha? Bbo baheereza abaabaleetiire okwikiriza, buli omu MUKAMA nkooku yamuhaire.

⁶Nyowe nkabyara, Apolo yaitirra amaizi, baitu Ruhanga nuwe akuza.

⁷Nahabweki arukubyara n'arukwitirira tibali b'omugaso, kwihaho Ruhanga wenka anyakukuza.

⁸Arukubyara n'arukwitirra nibainganaingana, kandi buli omu alisasurwa naalengerwa ha mulimo ogu yakozire.

⁹Habwokuba tuli bakozi abarukukorra hamu na Ruhanga; inywe muli musiri gwa Ruhanga. Muli kyombeko kya Ruhanga.

¹⁰Na nyowe nk'omwombeki ow'amagezi, habw'ekisembo Ruhanga yampaire, nkataho omusingi, ondi yagwombekaho. Leka buli muntu arukugwombekaho ayegendereze.

¹¹Habwokuba busaho musingi ogundi omuntu ogu asobora kutaho, kwihaho gunu ogwatairweho, nuwe Yesu Kristo.

¹²Ha musingi ogu kakuba omuntu aimukizaho ekyombeko kya zaabbu, efeeza, amabaale g'omuhendo, emiti, obunyansi, rundi embuba

¹³omulimo gwa buli omu gulirorwa; habwokuba omurro gw'Ekiro kya ha mpero gulyoleka omulimo gwa buli omu nkooku guli.

¹⁴Ekyombeko omuntu eki yayombekere ha musingi obu kitaligwa, uwe alitunga empeera.

¹⁵Baitu mukama w'ekyombeko ekirihya, alifeerwa; noobu alijunwa, baitu aliba nk'anyakurabire omu murro.

¹⁶Timurukumanya nkooku muli Nju ya Ruhanga kandi Mwoyo wa Ruhanga nkooku aikara omuli inywe?

¹⁷Weena anyakuhwerekereza Enju ya Ruhanga, nawe Ruhanga alimuhwerekereza; habwokuba Enju ye neeyera, kandi Enju egi ninywe.

¹⁸Haleke kubabo weena arukwebiiha, obu haraaba haroho omuli inywe arukweyeta ow'amagezi omu businge bunu, leka afooke mudoma, nukwo hanyuma abe w'amagezi.

¹⁹Habwokuba amagezi g'ensi enu, Ruhanga ageeta budoma. Nkooku kyahandiikirwe kiti:

²⁰“MUKAMA naamanya ebiteekerezo by'abanyamagezi nkooku bitarumu mugaso.”

²¹Nahabweki haleke kubaho omuntu arukwenyumiriza omu bikorwa by'abantu. Habwokuba ebintu byona byanyu,

²²noobu araaba ali Paulo, rundi Apolo, rundi Keefa, rundi ensi yoona, rundi obwomeezi, rundi okufa, rundi ebiroho, rundi ebiriija, byona byanyu;

²³na inywe muli ba Kristo: kandi Kristo wa Ruhanga.