Read Runyoro - rutooro Bag 1 Bible Online

Bag 1 - Runyoro - rutooro bible

Bag 1

¹Nyowe Paulo omukwenda-ataratairweho bantu noobu kwakuba kutumwa omuntu, baitu ayakomerwe Yesu Kristo na Ruhanga Ise ayamuhumbwire omu bafu

²na bagenzi baitu boona aba ndi nabo, nituhandiikira ebitebe by'abaikiriza abali Galatiya.

³Nitubagondeza omugisa n'obusinge ebiruga hali Ruhanga Isiitwe na hali MUKAMA waitu Yesu Kristo,

⁴ayayehaireyo kutujuna ebibi byaitu naatwiha omu businge bunu obubi nkooku Ruhanga Isiitwe yagondeze.

⁵Ruhanga ogu aheebwe ekitiinisa ebiro n'ebiro Amiina.

⁶Nimpunirra kurora nimuruga bwango hali Ogu ayabeesire habw'embabazi za Kristo, nimwikiriza amakuru agandi.

⁷Tikuli kugira ngu, haroho amakuru amarungi agandi, baitu haroho abamu abarukubatuntuza kandi nibenda kuramaza Amakuru Amarungi aga Kristo.

⁸Kakuba itwe, rundi malaika anyakuruga omu iguru akabarangirra amakuru agandi agatali ago aga twabarangiriire kara, ogu akyenwe.

⁹Nkooku twabagambiire kara, na hati nikyo ndukwongera kubagambira nti: Kakuba omuntu abarangirra amakuru amarungi agatali ago aga mwaikiriize, ogu akyenwe.

¹⁰Mara nyowe ninserra kusiimwa abantu Ruhanga? Rundi si ningenderra abantu basiime ebi ndukukora? Obu naakubaire ninkyakora ebirukusiimwa abantu, tinaakubaire muheereza wa Kristo.

¹¹Nahabweki bagenzi bange, ninyenda mumanye ngu, Amakuru Amarungi aga narangiriire tigarugire mu bantu.

¹²Nyowe ntagaheebwe muntu kandi ntageegesebwe, baitu nkagasuukulirwa Yesu Kristo.

¹³Na inywe mukahurra eby'obwomeezi bwange obwabandize, nkyali omu diini ey'Ekiyudaaya: nkooku naahiiganiize muno ekitebe ky'abaikiriza Ruhanga, ninyekamba kukihwerekeeza.

¹⁴Kandi nkeeyongera muno omu diini ey'Ekiyudaaya, nakira baingi omu bantu ab'ihanga lyange aba nainganaga nabo emyaka, nkeekambira muno emirwa ey'abaisenkuru itwe.

¹⁵Baitu ayansoroire ntakazairwe, yanyeta habw'embabazi ze,

¹⁶akasiima okunsuukurra Omwana we, nukwo nsobole kumurangirra omu Banyamahanga, nteehanuuze abantu,

¹⁷kandi ntagende Yerusaalemu kwehanuuza hali abo abambandize kuba bakwenda; baitu nkagenda Arabiya, hanyuma nagaruka Damasiko.

¹⁸Obu haahingwireho emyaka esatu, nagenda Yerusaalemu kurora Keefa, namara nawe ebiro ikumi na bitaano.

¹⁹Ntarole n'omu ha bakwenda abandi kwihaho Yakobbo, mugenzi wa Mukama waitu.

²⁰(Omuli ebi ndukubahandiikira, nindahira omu maiso ga Ruhanga nkooku ntarukubiiha bisuba!)

²¹Nubwo naagenda omu bicweka bya Siriya na Kilikiya.

²²Obu, ebitebe by'abaikiriza Kristo ab'omu Bayudaaya bakaba batakandoraga;

²³kyonka bakahurra abantu nibagamba bati: “Ogu ayatuhiiganizaaga, hati nuwe arukurangirra enyikiriza ei yalengahoga ira kuhwerekereza.”

²⁴Nukwo bbo kukugiza Ruhanga habwange.