Read Runyoro - rutooro Baf 1 Bible Online

Baf 1 - Runyoro - rutooro bible

Baf 1

¹Nyowe Paulo na Timoteho, abaheereza ba Kristo Yesu, nituhandiikira abantu ba Ruhanga boona aba Filipi abali omu Kristo Yesu, hamu n'abaroleerezi n'abaheereza bunyu. [1]

²Nitubagondeza emigisa n'obusinge ebiruga hali Ruhanga Isiitwe na MUKAMA waitu Yesu Kristo.

³Obu mbaijuka bwona, nsiima Ruhanga wange.

⁴Kandi omu kusaba kwange kwa butoosa mbasabira inywena nyina omuhimbo.

⁵Nyikara nimbasiima habw'okunkoonyera okurangirra Amakuru Amarungi okuruga ha kubanza okuhika na hati.

⁶Kandi ngumiza kimu nti: Ruhanga ayatandikire omulimo omurungi omuli inywe, aligumaliriza ha Kiro Yesu Kristo nambere aligarukira.

⁷Nyowe kimpikiriire okubateekerezaaho nti inywena. Ningira mbaikaza ha mutima, habwokuba inywena mubagana na nyowe ha migisa Ruhanga ei yampaire, obu mba ndi omu nkomo hanu rundi nindwanirra Amakuru Amarungi kandi ningagumya.

⁸Ruhanga nuwe kaiso wange, amanyire nkooku mbainaho ekihika, nimbagonza nka Kristo Yesu oku abagonza.

⁹Kandi eki ndukusaba nkinu: engonzi zanyu zigende nizeeyongera muno omu kumanya n'omu kwetegereza kwona,

¹⁰nukwo musobole kusiima ebirukukirra kimu oburungi kandi muhike ha Kiro kya Kristo musemiire kandi mutaina kamogo,

¹¹mwijwire abikorwa by'obuhikiriire ebireetwa Yesu Kristo, nukwo muhaise Ruhanga ekitiinisa kandi mumunyumize.

¹²Bagenzi bange, ninyenda mumanye ebyambaireho nkooku byakonyiire kwo kurarangya Amakuru Amarungi.

¹³Kandi ekyarugiremu nukwo abaserikale abarukulinda ekikaali n'abandi boona kumanya nkooku naboherwe habwa Kristo.

¹⁴Okukwatwa kwange kunu kukaleetera baingi muno omu bagenzi baitu kwesiga MUKAMA, bakeeyongera muno obumanzi obw'okwegesa ekigambo kya Ruhanga batarukutiina.

¹⁵Mazimakwo abamu barangirra Kristo habw'ihali n'okuhakana; baitu abandi bamurangirra n'omutima murungi.

¹⁶Abo bakikora habw'engonzi, nibamanya nkooku nakwasirwe habw'okurwanirra Amakuru Amarungi.

¹⁷Baitu bali, barangirra Kristo habw'okurwanirra orubaju rwabu, hatali habw'amazima; kandi nibagenderra kunyongera obusaalizi ndi hanu omu nkomo

¹⁸Hati, eki nikiita ki? Ekikuru kiri kimu kyonka, Kristo arangirirwe omu miringo yoona: rundi omu kwesisaniriza, rundi omu mazima. Ogu nugwo muhimbo gwange.

¹⁹Ego, kandi ndaikaraga n'omuhimbo, habwokuba mmanyire okusaba kwanyu n'obukoonyezi bwa Mwoyo wa Yesu Kristo nkooku birindugiramu okutaisurwa.

²⁰Eki nikyo ndukutegereza n'ekihika kingi, kandi nikyo ndukunihira, nkooku ntalikwatwa nsoni naakake, baitu habw'obumanzi bwingi obu nyinabwo hati, kandi obu nabaire nabwo kara koona, Kristo araaheebwaga ekitiinisa omu mubiri gwange, nkyayomiire rundi nfire.

²¹Habwange okwomeera ni Kristo, kandi okufa nugo magoba.

²²Okwikara omu mubiri gunu, obu kuraaba nikundugiramu okukora eby'omugaso, nabwo eki ndaakomaho kindemere.

²³Ebintu ebi ebibiri bindemeseze. Nyowe ekinakugondeze nukwo kuruga omunsi, ngende nyikale na Kristo; habwokuba eki nikyo kirukukiraho oburungi.

²⁴Baitu okwikara omu mubiri gunu, nikyo kirukukira kubagasira inywe.

²⁵Eki nkimanyiire kimu, nahabweki ninyija kwikara n'okwongera kuba nainywe, nukwo mweyongere omu kwikiriza n'omu kusemererwa.

²⁶Kandi obu ndigaruka kwija owaanyu, eki kiribakoonyera muno okuhaisa Kristo Yesu ekitiinisa.

²⁷Kyonka enyikara yanyu esemeriire kuhikaana n'Amakuru Amarungi ga Kristo, nukwo obu ndiija kubarora, rundi ntaizireyo, nsobole kuhurra nkooku mugumire mwina omwoyo gumu n'ebiteekerezo bimu, nimwekambira hamu habwokuba mukaikiriza Amakuru Amarungi,

²⁸mutarukutiinisibwa kintu kyona ekirukuleetwa abanyazigwa banyu. Eki nikiija kwolekera kimu bbo nkooku balihwerekerra, baitu inywe nkooku mulijunwa; kandi eki kiriruga hali Ruhanga.

²⁹Habwokuba mutaheebwe mugisa gw'okwikiriza Kristo kwonka, baitu n'ogw'okubonabonesibwa habwe,

³⁰nimurwana obulemu oburukusisana buli, obu mwarozire nindwana, kandi obu murukuhurra ninkyarwana na hati.