Read Runyoro - rutooro Yos 12 Bible Online

Yos 12 - Runyoro - rutooro bible

Yos 12

¹Ganu nugo amabara g'abakama ab'ensi, abantu ba Isirairi ababasingwire kandi baatunga ensi yabo obuseeri bwa Yorudaani oroleeriire Buturukaizooba, kurugirra omukihanga kya Arunooni kuhika harusozi Herumooni na Araba yoona ha bukiizi bwa Buturukaizooba.

²Abakama abo nibo, Sihoni omukama w'Abamooni ayaikaraga Hesiboni kandi ayalemaga kuruga Aroheri, orunyakuli ha nsaro y'ekihanga kya Arunooni: kuruga hagati y'ekihanga eki okuhikira kimu ha kisaaru Yabboki, omutaano gw'Abamooni nukwo kugamba kimu kya kabiri kya Giryadi.

³Agende na Araba okuhika harubaju rwa Buturukaizooba bw'enyanja ya Kineroti obukiizi bwa Besi-Yesimosi okuhika hanyanja ya Araba, enyanja y'ekisura, ha bukiizi bw'obulyo ehika hansi ha nteentebuko ya Pisiga.

⁴Ow'akabiri nuwe Ogi, omukama wa Basani omu ha Balefaimu abaasigaireho, ayaikaraga Asitaroosi na Adereyi

⁵Kandi yalemaga orusozi Herumooni, Saleka na Basani yoona okuhika ha mutaano gw'Abagesura n'ogw'Abamakasi kandi n'ekicweka ekya Giryadi okuhika ha mutaano gwa Sihoni omukama wa Hesiboni.

⁶Abakama abo ababiri bakasingurwa Musa omuheereza wa MUKAMA n'abantu ba Isirairi; kandi Musa omuheereza wa MUKAMA ensi yabo yagiha ab'oruganda rwa Rubbeni nab'oruganda rwa Gaadi n'ekicweka ky'oruganda rwa Manaase ebe nsi yabo.

⁷Banu nibo abakama b'ensi abasingwirwe Yoswa n'abantu ba Isirairi harubaju rwa Bugwaizooba bwa Yorudaani, kuruga Baali-gaadi omukihanga kya Lebbanooni okuhika ha rusozi Haraki, oruroleriire Seyiri, ensi yabo akagiha enganda za Isirairi bube butaka bwabo nkooku baabugabiirwe.

⁸Ensi enu ekaba netwara ensozi ezitungamire, ensi ya ifo omu masirimuka, omwirungu noomu Negebbu. Ensi ey'Abahiiti, Abamooli, Abanyakanaani, Abaperezi, Abahiivi n'Abayebusi.

⁹Yoswa n'abantu ba Isirairi bakasingura abakama b'ensi zinu: Omukama wa Yeriko; omukama wa Ai enyakuherraine Beseri.

¹⁰Omukama wa Yerusaalemu, omukama wa Hebburoni,

¹¹Omukama wa Yaramusi, omukama wa Lakisi, omukama wa Egironi.

¹²Omukama wa Gezere,

¹³omukama wa Debiri, omukama wa Gederi.

¹⁴Omukama wa Horuma, omukama wa Aradi,

¹⁵omukama wa Libuna, omukama wa Aduraamu.

¹⁶Omukama wa Makeda, omukama wa Beseri,

¹⁷omukama wa Tapuha, omukama wa Heferi,

¹⁸omukama Afeeki, omukama wa Lasaroni.

¹⁹Omukama wa Madoni, omukama wa Hazora,

²⁰omukama wa Simuroni-meroni, omukama wa Akisaafu.

²¹Omukama wa Taanaki, omukama wa Megido,

²²omukama wa Kedesi, omukama wa Yokinamu enyakuli Karameri.

²³Omukama wa Dora enyakuli Nafasi-dora, omukama wa Goimu enyakuli Galiraya,

²⁴omukama wa Tiriza. Boona hamu, baali bakama asatu n'omu.