Read Runyoro - rutooro Yos 15 Bible Online

Yos 15 - Runyoro - rutooro bible

Yos 15

¹Ensi eyahairwe oruganda orw'abaana ba Yuda, ebika byabo nkooku byagendaga nibikuratana, yarugirraga ha mutaano ogwa Edomu, okugarukira ha irungu lya Ziini, ha bukiizi obwa ha mukono ogw'obulyo.

²Omutaano gwabo gukagendera kimu okuhika ha Nyanja ey'Ekisura h'egarukira, ha mukono ogw'enyanja ogunyakuroleriire ha bukiizi obw'obulyo.

³Gwirrayo ha bukiizi obw'obulyo ha matemba aga Akurabbimu, gweyongera kuhika Ziini, gweyongerayo ha mukono ogw'obulyo obwa Kadesi-baraneya, gweyongerayo guraba haihi na Hezeroni, okuhika Addari, gukubutuka gugenda Karaka.

⁴Omutaano gweyongera guhika Azimoni, gugenda gusirimuka n'akasaaru ka Misiri, gugarukira ha nyanja. Ogu nugwo omutaano gwabo ogw'obukiizi obw'obulyo.

⁵Kandi omutaano ogwa Buturukaizooba, niyo Enyanja ey'Ekisura, okugarukira ekyambu Yorudaani hakitahirra omu nyanja. Omutaano ogwa ha bukiizi obw'obulyo, gurugirra ha mukono ogw'Enyanja, ekyambu Yorudaani nambere kitandikira;

⁶gugendera kimu okuhika Besi-hogura, gwirrayo hamatemba bwa Besi-araba; gugendera kimu okuhika ha ibaale erya Bohani mutabani wa Rubbeni.

⁷Gweyongera gwirrayo okuruga omu kihanga eky'Akora okuhika Debiri, okuhikira kimu ha bukiizi obw'emoso, gukubukira ha bukiizi obwa Girigaali, eny'akuroleeriire amatemba ga Adumimu, enyakuli ha bukiizi obw'obulyo obw'ekihanga. Gwirrayo okuhika h'amaizi ga Eni-semesi, gugarukira Eni-rogeri;

⁸gwirrayo, guraba ha kihanga ekya mutabani wa Hinomu ha bukiizi obw'obulyo obw'Abayebusi, (niyo Yerusaalemu). Gugendera kimu gugarukira ha mutaano ogw'orusozi orunyakuli ha bukiizi obwa Bugwaizooba obw'ekihanga ekya Hinomu, ha mutaano ogw'obukiizi obw'emoso obw'ekihanga ekya Refaimu.

⁹Omutaano ogu gweyongerayo okuruga ha mutwe ogw'orusozi okuhika akasaaru Nefutoli nambere katandikira, gugendera kimu okuhika ha mbuga z'orusozi Efuroni; aho gwekuba nigutoma Baara (niyo Kiryasi-yeyalimu).

¹⁰Ngugwo gwayehinguliriza Bugwaizooba bwa Baara okuhika ha rusozi Seyiri, gw'irrayo okuhika ha bukiizi obw'emoso obw'orusozi Yeyakimu (niyo Kesaroni) gwasirimuka okuhika Besi-semesi, gwagenda nigwekuusa Timuna.

¹¹Gwairrayo ha bukiizi bw'emoso bwa kasozi Ekuroni aho gwegema gutoma Sikeroni, gwairrayo ha rusozi Baara Yabuneeri; gugarukira ha nyanja.

¹²Omutaano ogwa Bugwaizooba, niyo Enyanja Enkooto n'omusa gwayo. Ogu nugwo omutaano ogw'ensi ezahairwe enganda eza batabani ba Yuda.

¹³Yoswa akaha Kalebbu mutabani wa Yefune omugabo ogw'abantu ba Yuda, nkooku MUKAMA yamuragiire. Akamuha Kiryasi-araba, niyo Hebburoni (Araba ogu nuwe ise Anaki).

¹⁴Kalebbu yabinga omunsi omu batabani ba Anaki basatu, nubo banu: Sesayi, Ahimani, na Tarumayi, abo nubo baijukuru ba Araba.

¹⁵Obuyarugire aho, yagenda kuseesira abantu aba Debiri; kara eyayetwaga Kiryasi-sefere.

¹⁶Nubwo Kalebbu yagambire ati: “Omusaija araarwanisa ensi Kiryasi-sefere akagihamba, ndaamuha muhara wange Akisa amuswere.”

¹⁷Osiniyeri mutabani wa Kenazi mugenzi wa Kalebbu yagihamba: Kalebbu yamuha muhara we Akisa yamuswera.

¹⁸Ha kiro Akisa eki yagabukiireho omwa Osiniyeri, yahambiriza Osiniyeri iba asabe isezaara ekibanja; nubwo yarugire ha ndogoyi ei akaba atembere, Kalebbu ise yamukaguza ati “Nooyenda ki?”

¹⁹Yamugarukamu ati: “Ompe ekisembo, nkooku ompaire omu Negebu, ensi eyomere, ompe amaziba g'amaizi.” Kalebbu yamuha amaziba ag'eruguru na ifo y'orubuga Hebburoni.

²⁰Enu niyo ensi eyahairwe abantu ab'oruganda rwa Yuda, ebe yabo, nkooku ebika byabo bikaba biri.

²¹Embuga ez'oruganda orw'abantu ba Yuda abakaba bali hara ha bukiizi obw'obulyo oroleriire omutaano gwa Edomu, nizo zinu: Kabuzeeri, Edere, Yagura;

²²Kina, Dimona, Adada,

²³Kedesi, Hazora, Itina,

²⁴Zifu, Feremu, Beeroti,

²⁵Hazora-hadata, Keryosi-hazeroni (niyo Hazora);

²⁶Amamu, Sema, Molada;

²⁷Hazara-gaada, Hesimoni.

²⁸Besi-pereti; Hazara-swali, Beeri-seba, Biziyosiya,

²⁹Baara, Yimu, Ezemu,

³⁰Eritoradi, Kesiri,

³¹Horama, Zikiragi, Madumana, Sansana;

³²Lebayosi, Sirihimu, Aini na Rimoni: zoona hamu mbuga makumi abiri na mwenda obaliiremu n'ebyaro byazo.

³³Kandi omukyeya hakaba harumu zinu: Esitayoli, Zora, Asina,

³⁴Zanoha, Eni ganimu, Tapuha, Enamu,

³⁵Yaramusi, Aduraamu, Soko, Azeka,

³⁶Saraimu, Adisaimu, Gedera, Gederotaimu: zoona hamu mbuga ikumi na ina obaliiremu n'ebyaro byazo.

³⁷Zenani, Hadasa, Migidali-gadi;

³⁸Dirini, Mizipe, Yokiseri,

³⁹Lakisi, Bozikasi, Eguroni,

⁴⁰Kabboni, Lamamu, Kitirisi;

⁴¹Gederosi, Besi-Dagoni, Naama na Makeda: embuga ikumi na mukaaga obaliiremu n'ebyaro byazo.

⁴²Libuna, Esere, Asani,

⁴³Ifuta, Asina, Nezibu,

⁴⁴Keyira, Akizibu, na Malesa: Embuga mwenda obaliiremu n'ebyaro byazo.

⁴⁵Ekuroni hamu n'embuga zaayo n'ebyaro byayo.

⁴⁶Okuruga Ekuroni okuhika ha nyanja, embuga zoona ezikaba ziheeriire Asidodi hamu n'ebyaro byazo.

⁴⁷Asidodi, embuga zaayo n'ebyaro byayo; Gaza, embuga zaayo n'ebyaro byayo; okuhikira kimu ha kasaaru ka Misiri n'Enyanja Enkooto, hamu n'omukungu gwayo.

⁴⁸Na zinu ezikaba ziri omunsi ey'ensozi: Samiri, Yatiri, Soko,

⁴⁹Dana, Kiryasi-sanina (niyo Debiri),

⁵⁰Anabu, Esitemo, Animu,

⁵¹Goseni, Horoni na Giro zoona hamu, embuga ikumi na rumu hamu n'ebyaro byazo.

⁵²Arabu, Duma, Esani,

⁵³Yanimu, Besi-tapuha, Afeka,

⁵⁴Humuta, Kiryasi-araba (niyo Hebburoni) na Ziyora: embuga mwenda hamu n'ebyaro byazo.

⁵⁵Mayoni, Karameeri, Zifu, Yuta,

⁵⁶Yezereeri, Yokideyamu, Zanoha,

⁵⁷Kaini, Gibeya, na Timuna: embuga ikumi hamu n'ebyaro byazo.

⁵⁸Halihuli, Besi-zura, Gedora,

⁵⁹Maarasi, Besi-anosi na Eritekoni: embuga mukaaga hamu n'ebyaro byazo.

⁶⁰Kiryasi-baali (niyo Kiryasi-yalimu) na Rabba: embuga ibiri hamu n'ebyaro byazo.

⁶¹Omwirungu hakaba harumu zinu: Besi-araba, Midini, Sekaka;

⁶²Nibusani orubuga orw'ekisura na Enigedi: embuga mukaaga hamu n'ebyaro byazo.

⁶³Baitu abantu ba Yuda, batasobole kubinga Abayebusi enzaarwa za Yerusaalemu, nabo bakyali Yerusaalemu hamu n'abantu ba Yuda okuhikya na hati.