Read Runyoro - rutooro Yos 16 Bible Online

Yos 16 - Runyoro - rutooro bible

Yos 16

¹Ensi ey'ahairwe baijukuru ba Yosefu, yarugirraga ha kyambu Yorudaani haihi na Yeriko, Burugaizooba obw'akasaaaru ka Yeriko, yataaha omwirungu. Yaruga Yeriko yairrayo okuhika omunsi ey'ensozi, okuhikira kimu Beeseeri;

²yaruga Beeseeri yairrayo okuhika Luzi, yayeyongerayo okuhika Atarosi ensi ey'Abakuti.

³Yairrayo ha bukiizi obwa Bugwaizooba, yahika hansi ey'Abayafuleti, yagendera kimu okuhika hansi eya Besi-horoni eya ifo, yahika Gezere yagarukira ha nyanja.

⁴Abaana ba Yosefu, Manaase na Efuraimu, bakaheebwa obugwetwa bwabo.

⁵Ensi ey'abaana ba Efuraimu, nkooku ebika byabo bikaba biri, ekagenda eti: omutaano ogw'itaka lyabo ha bukiizi obwa Burugaizooba, gukarugirra Atarosi-adara, gwagendera kimu okuhika Besi-horoni ey'eruguru,

⁶gwairrayo okuhika ha nyanja. Habukiizi obw'emoso, Mikimesasi nugwo omutaano; kandi ha bukiizi obwa Burugaizooba, gwekuba gugenda Taanasi-siro, guhinguraho guhika Yanoha ha bukiizi obwa Burugaizooba.

⁷Guruga Yanoha gusirimuka okuhika Atarosi na Naara, gukwataho Yeriko, gugarukira ha kyambu Yorudaani.

⁸Guruga Tapuha gutoma ha bukiizi obwa Bugwaizooba, guhika ha kasaaru Kana, gugarukira ha nyanja. Egi niyo ensi eyahairwe oruganda orw'abaana ba Efuraimu, nkooku ebika byabo biri,

⁹hamu n'embuga n'ebyaro byazo ezikaba ziri omwitaka lya Manaase.

¹⁰Baitu Abanyakanaani abaikaraga Gezere batababinge okuhikya na hati, bakyali hamu n'abaana ba Efuraimu, kyonka bairu ab'okukora emirimo ey'amaani.