Read Runyoro - rutooro Yos 20 Bible Online

Yos 20 - Runyoro - rutooro bible

Yos 20

¹Nubwo MUKAMA yagambiire Yoswa ati:

²“Gambira abantu ba Isirairi oti: ‘Mukome embuga ez'obwirukiro ezi nabagambiireho nintuma Musa.

³Nukwo anyakwisire omuntu atagenderiire rundi habw'obutandwa, oku nuho airukirege; embuga ezi ziraabaga zanyu z'obwirukiro, nukwo muleke kuhoorwa enzigu.

⁴Omuntu airukirege omu rumu ha mbuga ezi kandi ayemerrege hagati omwirembo ly'orubuga, asoborre bakuru b'orubuga oru omusango gwe; nukwo bamutwale omu rubuga, bamuhe ekiikaro, aikale nabo.

⁵Kakuba omuhoozi w'enzigu aija naamwirukya, batalimumuha, habwokuba akaita omuntu omutaahi habw'obutandwa, akaba atamwinaho obunyanzigwa omubusumi obw'enyuma,

⁶aikale omu rubuga okuhika obwalikeemerra omumaiso g'ekitebe ky'abantu kucwerwa omusango, nyakatagara owakaba ali mukuru obwalimara kufa, kiita omuntu ogu, nubwo asobole kugaruka omurubuga orw'owabo, oruyarugiremu.’ ”

⁷Nubwo baasorooramu embuga: Kedesi orunyakuli Galiraaya omunsi ey'ensozi eya Nafutaali, Sekemu, omunsi ey'ensozi eya Efuraimu, Kiryasi-araba (nurwo Hebburoni) omunsi ey'ensozi eya Yuda.

⁸Nseeri y'ekyambu Yorudaani Buturukaizooba bwa Yeriko, bakakomayo Bezeri orunyakuli omwirungu, ensi enyakuterekeriire, rukaihwa omunsi ey'oruganda rwa Rubbeni; Ramoosi orwa Giryadi, omunsi ey'oruganda rwa Gaadi, kandi baakoma Gorani orunyakuli Basani, oru rukaruga omu ruganda rwa Manaase.

⁹Ezi nizo embuga ezaakomiirwe abantu ba Isirairi n'omusuuhuuki ayaikaraga nabo nukwo weena ayaitaga omuntu atagenderiire, aleke kwitwa omuhoozi w'enzigu okuhikya obuyakeemerraga kucwerwa omusango omumaiso g'ekitebe ky'abantu.