Read Runyoro - rutooro Yos 21 Bible Online

Yos 21 - Runyoro - rutooro bible

Yos 21

¹Nubwo bakuru b'ebika eby'oruganda rw'Abaleevi, bagendiire Eryeza nyakatagara, Yoswa mutabani wa Nuuni, n'abakuru b'enganda za Isirairi:

²baabagambirra omukiikaro Siiro bati: “MUKAMA akatuma Musa yaragira ngu, tuheebwe embuga ez'okwikaramu, hamu n'amaliisizo gaazo ag'okuliisizaamu amagana gaitu.”

³Habweki nkooku MUKAMA yaragiire, Abaisirairi baaha Abaleevi embuga zinu hamu n'amaliisizo, nibaabiiha ha migabo yabo.

⁴Akaruuru kaakwata ab'oruganda rw'Abakohasi. Abaleevi abo abakaba bali baijukuru ba Arooni nyakatagara abaakwasirwe akaruuru, baakatunga embuga ikumi na isatu, ezaihirweho ab'oruganda rwa Yuda, orwa Simyoni n'orwa Benyamiini.

⁵Kandi Abakohasi abaasigaireho abaakwasirwe akaruuru, bakatunga embuga ikumi ezaihirweho ab'oruganda rwa Efuraimu, ab'oruganda rwa Daani n'ekicweka eky'oruganda rwa Manaase.

⁶Ab'oruganda rwa Geresoni abaakwasirwe akaruuru, bakatunga embuga ikumi na isatu, ezaihirweho ab'oruganda rwa Isakara, orwa Aseri, orwa Nafutaali n'ekicweka eky'oruganda rwa Manaase mu Basani.

⁷Baijukuru ba Merali nkooku bali omu bika byabo, bakatunga embuga ikumi na ibiri, ezaihirweho ab'oruganda rwa Rubbeni, orwa Gaadi, n'orwa Zeburuni.

⁸Embuga ezi n'amaliisizo gaazo, Abaisirairi bakaiha Abaleevi abaakwasirwe akaruuru, nkooku MUKAMA yaragiire Musa.

⁹Ha b'oruganda rwa Yuda n'orwa Simyoni, bakaihaho embuga,

¹⁰ezaahairwe baijukuru ba Arooni, ekimu ha bika eby'Abakohasi ab'oruganda rw'Abaleevi, habwokuba nubo baabandize kukwatwa akaruuru.

¹¹Abo bakabaha Kiryasi-araba, (Araba ogu, nuwe ise Anaki) nurwo Hebburoni, orunyakuli omunsi ey'ensozi eya Yuda, hamu n'amaliisizo agarwehinguliriize.

¹²Baitu emisiri ey'omu rubuga n'ebyaro byarwo, bikaheebwa Kalebbu, mutabani wa Yefune abitunge.

¹³Baijukuru ba Arooni nyakatagara, bakabaha Hebburoni hamu n'amaliisizo garwo orubuga orw'okwirukirwamuga abaisi b'abantu. Ab'engaanda zinu ibiri Yuda na Simyoni bakaihwaho Libuna,

¹⁴Yatiri, Esitemoha,

¹⁵Horoni, Debiri,

¹⁶Aini, Yuta, Besi-semesi hamu n'amaliisizo gaazo, nizo embuga mwenda n'amalisizo gaazo.

¹⁷Hanyuma oruganda rwa Benyamiini rwaihwaho Gibbyoni hamu n'amaliisizo gaarwo, Geba hamu n'amaliisizo garwo,

¹⁸Anasosi na Arumooni hamu n'amaliisizo gazo zoona hamu embuga ina.

¹⁹Embuga eza baanyakatagara baijukuru ba Arooni, hamu n'amaliisizo gazo zoona hamu ikahika ikumi na isatu.

²⁰Abakohasi abaasigaireho, ab'ebika eby'Abakohasi Abaleevi, bakaheebwa embuga ezaihirweho oruganda rwa Efuraimu.

²¹Bakaheebwa Sekemu, orubuga orwairukirwamuga abaisi b'abantu, hamu n'amaliisizo garwo,

²²Kibuzaimu, hamu n'amaliisizo garwo, Besi-horoni hamu n'amaliisizo garwo, embuga ina.

²³Kandi oruganda rwa Daani, rukaihwaho Eriteke hamu n'amaliisizo garwo, Gibesoni hamu n'amaliisizo garwo,

²⁴Aiyaroni, hamu n'amaliisizo garwo, Gaasi-rimoni hamu n'amaliisizo garwo, embuga ina.

²⁵Ekicweka eky'oruganda rwa Manaase kikaihwaho: Taanaki hamu n'amaliisizo garwo, na Gaasi-rimoni, hamu n'amaliisizo garwo embuga ibiri.

²⁶Embuga ez'ebika eby'Abakohasi abaasigaireho, hamu n'amaliisizo gazo zikahika ikumi.

²⁷Kandi aba Geresoni, ekimu ha bitabu bya Abaleevi, bakaheebwa embuga ibiri ezaihirweho ekicweka eky'oruganda orwa Manaase nizo zinu: Gorani orunyakuli Basani, hamu n'amaliisizo garwo, orubuga orw'okwirukirwamuga abaisi b'abantu, na Besitera hamu n'amaliisizo garwo, embuga ibiri;

²⁸Kandi Abaisakara bakaheebwa embuga ina ez'okwirukiramuga; Kisyoni n'amalisizo garwo, Deberaasi n'amalisizo garwo,

²⁹Yaramusi n'amalisizo garwo, na Eni-ganimu n'amalisizo garwo, nizo embuga ina.

³⁰Oruganda rwa Asere, rukaihwaho embuga ina, nizo zinu: Misali hamu n'amaliisizo garwo, Abudoni hamu n'amaliisizo garwo,

³¹Herukasi hamu n'amaliisizo garwo, na Rehobu hamu n'amaliisizo garwo, embuga ina.

³²Oruganda rwa Nafutaali rukaihwaho embuga isatu, nizo zinu: Kedesi orunyakuli Galiraaya, hamu n'amaliisizo garwo, orubuga orw'okwirukirwamuga abaisi b'abantu, Hamosi-dora hamu n'amaliisizo garwo, na Karatani hamu n'amalisizo garwo.

³³Embuga ez'oruganda rwa Geresoni n'ebika byarwo, zoona hamu, hamu n'amaliisizo gaazo zikahika ikumi na isatu.

³⁴Abaleevi abasigaireho, nubo ab'ekika kya Merali, bakaheebwa embuga ina ezaihirweho oruganda rwa Zeburuni. Embuga zinu nizo: Yokineyamu hamu n'amaliisizo garwo, Karata n'amaliisizo garwo,

³⁵Dimuna hamu n'amaliisizo garwo, Naharali hamun'amaliisizo garwo.

³⁶Oruganda rwa Rubbeni, rukaihwaho embuga ina, nizo zinu: Bezere hamu n'amaliisizo garwo, Yahazi hamu n'amaliisizo garwo,

³⁷Kedemosi hamu n'amaliisizo garwo, na Mefaasi hamu n'amaliisizo garwo.

³⁸Oruganda orwa Gaadi rukaihwaho embuga zinu: Ramosi enyakuli Giryadi hamu n'amaliisizo garwo, orubuga orw'okwirukirwamuga, abaisi b'abantu;

³⁹Hesiboni hamu n'amalisizo garwo, Yezere hamu n'amaliisizo garwo, zoona hamu embuga ina.

⁴⁰Embuga ezaahairwe ebika ebimu eby'oruganda orw'abaana ba Meraali abaasigaireho ha ruganda rw'Abaleevi, zoona hamu ikahika ikumi na ibiri.

⁴¹Embuga z'Abaleevi ezikaba ziri hagati y'itaka ly'abaana ba Isirairi hamu n'amaliisizo gazo, zoona hamu zikaba ziri makumi ana na munaana.

⁴²Embuga ezi zoona buli rumu rukaba rwehinguliriziibwe amaliisizo.

⁴³MUKAMA nukwo yahaire Abaisirairi ati ensi ei yarahiire kuha aba isenkuru bo.

⁴⁴Yabaha okugwagwana omunsi yabo yoona nkooku yarahiire ba isenkuru bo; hatabeho noomu ha banyanzigwa baabu ayasoboire kuberengerra, habwokuba MUKAMA akababasinguza.

⁴⁵Ebirungi byona MUKAMA ebiyanihiize Abaisirairi, hatabeho na kimu ekyabuzireho; byona bikahikirra.