Read Runyoro - rutooro 1Tim 2 Bible Online

1Tim 2 - Runyoro - rutooro bible

1Tim 2

¹Eky'okubanza, nimbateererra nti; Musabire abantu boona, nimubeesengereza, nimubatonganirra, kandi nimubasiimira.

²Musabire abakama n'abalemi boona, nukwo twikale tuteekaine, twina obusinge, nitutiina Ruhanga kandi nitwoleka engeso nungi omu byona.

³Eki kirungi kandi nikisiimwa Ruhanga ayatujunire.

⁴Nuwe anyakugonza abantu boona bajunwe kandi bamanye amazima.

⁵Ningira haroho Ruhanga omu, kandi n'omuteeraniza omu, nuwe muntu Yesu Kristo anyakuteeraniza Ruhanga n'abantu,

⁶Ayayehaireyo kuba ndehwa ya boona, kandi eki akakikora akasumi kaakyo obu kahikire.

⁷Eki nikyo nakomiirwe mbe murangirizi kandi mukwenda okwegesa Abanyamahanga eby'okwikiriza n'eby'amazima (na hati nimbaza amananu, tindukubaza bisuba).

⁸Ekindi eki ndukwenda, abasaija beebemberege okusaba omu biikaro byona, baimukize kurungi emikono yabo, bataina kiniga rundi enkungani.

⁹Kandi ninyenda abakazi bajwale ebyokujwara ebisemeriire kandi ebibahikire, batasibire isoke, noobwakuba kujwara eby'ezaabbu, eruuru, rundi ebijwaro by'omuhendo mwingi;

¹⁰baitu bejweke ebikorwa ebirungi nkooku kisemeriire abakazi abarukutiina Ruhanga.

¹¹Omu kasumi ak'okwegesibwa, omukazi aikale aculire kandi naayebundaaza.

¹²Tindukwikiriza mukazi kwegesa rundi kutegeka abasaija; baitu aikale aculiire.

¹³Ningira Adamu nuwe yabandize kubumbwa, nukwo haakurataho Eva.

¹⁴Kandi Adamu atabiihabiihwe, baitu omukazi nuwe yabiihabiihirwe, yagwa mu kibi.

¹⁵Kyonka omukazi alijunwa habw'okuzaara abaana, kakuba agumire omu kwikiriza, aina engonzi, oburukwera, hamu n'engeso nungi.