Read Runyoro - rutooro 2Tim 1 Bible Online

2Tim 1 - Runyoro - rutooro bible

2Tim 1

¹Nyowe Paulo, Ruhanga ou yakomere kuba mukwenda wa Kristo Yesu, okurangirra obwomeezi obwaraganiziibwe obu tutungira omu Kristo Yesu,

²ninkuhandiikira, iwe Timoteho omwana wange omugonzibwa: Ninkugondeza emigisa, embabazi, n'obusinge ebiruga hali Ruhanga Isiitwe na Kristo Yesu MUKAMA waitu.

³Ninsiima Ruhanga ou mpeereza n'omutima gumu, nka baisenkurunyowe oku baakozire, obu nkwijuka bwona omu kusaba kwange.

⁴Obu nyijuka okurra kwawe, nyegomba kukurora ekiro na nyamusana, nukwo nsemerererwe kimu.

⁵Ninyijuka okwikiriza kwawe okw'amananu, okwikiriza okwatandikiire omu nyokwenkuru Loyisi na nyoko Ehuniike, kandi hati ningumya na iwe oinakwo.

⁶Nikyo ndukukwijukiza kwimukya buhyaka ekisembo kya Ruhanga ekiri omuli iwe, eki waatungire obu nakutaireho emikono.

⁷Ningira Ruhanga atatuhe mutima ogw'obutiini, baitu akatuha ogw'amaani, ogw'engonzi, kandi ogw'okwetanga.

⁸Nukwo nu, otakwatwa ensoni okujurra MUKAMA waitu, noobwakuba nyowe omunyankomo we. Kandi na iwe ikiriza okubonesibwa habw'Amakuru Amarungi, nookonyerwa amaani ga Ruhanga.

⁹Nuwe ayatujunire kandi yatweta kuba bantu be, atarukusigikira ha bikorwa byaitu, baitu naasigikira ha ntegeka ye na ha mbabazi ezi yatugiriire ira omu Kristo Yesu.

¹⁰Kandi na hati azoolekiire omu kwija kw'Omujuni waitu Kristo Yesu, ayahwerekeriize, yayolekera obwomeezi obutahwaho omu Makuru Amarungi.

¹¹Amakuru Amarungi ago, nugo nakomiirwe kuranga, ndi mukwenda kandi mwegesa,

¹²kandi hati nikyo ndukubonera nti enaku. Baitu tindukukwatwa nsoni, habwokuba nimmanya ou naikiriize, kandi ningumya nkooku asobora kulinda ekisembo eki yankwasize okuhika ha Kiro kiri.

¹³Na iwe ikara ohondere ekyokurorraho ky'ebigambo ebirungi ebi nakugambiire, ogumire omu kwikiriza n'omu kugonza ebinyakuli omu Kristo Yesu.

¹⁴Ekirungi eki wahairwe, kirinde nookonyerwa Mwoyo Ahikiriire anyakwikara omuli itwe.

¹⁵Omanyire boona abali omu Asiya, nkooku bandugireho. Omuli abo nuho hali Fiijelo na Herumojene.

¹⁶MUKAMA agirre embabazi eka ya Onesiiforo habwokuba akampuumuza emirundi nyingi, atankwatirwe nsoni ndi hanu omu njegere,

¹⁷n'obu yahikire Rooma akanserra aina ekihika, yanzoora.

¹⁸MUKAMA amuhe kugirirwa embabazi ha Kiro eki! Na iwe omanyire kurungi byona ebi yankoliire ndi Efeeso.