Read Runyoro - rutooro 2Tim 3 Bible Online

2Tim 3 - Runyoro - rutooro bible

2Tim 3

¹Baitu kinu okyetegereze: omu biro ebya ha mpero, halibaho obuzibu obw'akabi.

²Habwokuba abantu balyegonza, balirurukira sente, balyekuliriza, balyekunika, balijuma abandi, tibaliihurra bazaire baabo, baliba ntasiima, abatafaaho buhikiire,

³abataina mbabazi, abataganyira, abahangirra, abaseesaseesa ebyabo, abatiinisa abandi, abanoba oburungi,

⁴baliba ngobya, ntabiganya, abahingurana okwekuza, bantu abagonza okwesemeza bonka okukira kugonza Ruhanga,

⁵nibahikiriza emikoro y'ediini baitu nibanga obusobozi bwayo. Abantu nk'abo obeetantale!

⁶Omuli abo nuho hali abataaha amaju bakahamba abakazi abataina maani g'omutima, abalemeriirwe ebibi byabu kandi abarukutwarwa okwegomba okwa buli mulingo.

⁷Abakazi abalihuliriza buli mwegesa, baitu batarukusobora kumanya amazima.

⁸Abantu ba ira Yane na Yambere nkooku baahakaniize Musa, abasaija banu nabo nukwo barukuhakaniza amazima--nubo bantu abaramaire ebiteekerezo kandi okwikiriza kwabo kw'obugobya.

⁹Baitu tibalihika hara, habwokuba obudoma bwabo bulimanywa boona, nk'obw'abasaija bali ababiri.

¹⁰Baitu iwe Timoteho, hati omazire kwetegereza enyegesa yange, eki ndukugenderra omu bwomeezi bwange, okwikiriza kwange, okugumiisiriza kwange, engonzi zange, okuguma kwange,

¹¹okuhiiganizibwa kwange n'okubonesibwa kwange. Noomanya ebyangweriire omu Antyokiya, Ikoniyo, na Lisitura; okuhiiganizibwa kwona oku naagumiisiriize! Baitu ebi byona MUKAMA akabinjuna.

¹²Mazimakwo boona abarukwenda kukuza obwomeezi baahairwe Ruhanga nibakuraatira Kristo Yesu, bali b'okuhiiganizibwa.

¹³Omu kasumi ako abantu enkozi z'ebibi kandi engobya balyeyongera kuba babi, nibabiiha abandi kandi nabo nibabiihwa.

¹⁴Baitu iwe ogumire hali ebi wayegere kandi ebi waikiririize kimu, noomanya ayabikwegeseze.

¹⁵Okuruga omu buto, Ebihandiiko Ebirukwera bikakumanyisa ebisobora kukuhabura bikakuhikya ha kujunwa okuleetwa okwikiriza Kristo Yesu.

¹⁶Ebihandiiko Ebirukwera byona bihandiikisibwa Ruhanga, kandi bigasa omu kwegesa eby'amazima, omu kuhana abahabire, okuhabura, n'okutendeka abantu omu buhikiriire,

¹⁷nukwo omuntu wa Ruhanga azooke nkooku ayegesebwa kwo, aina byona ebirukwetaagwa okukora omulimo gwona omurungi.