Read Runyoro - rutooro Baheb 6 Bible Online

Baheb 6 - Runyoro - rutooro bible

Baheb 6

¹Nahabweki tulekere aho kwegesa engiga enkuru ez'enyegesa za Kristo ezi twabandiizeho, baitu tugende ha nyegesa ez'abantu abakuru, tutagaruka kutaho omusingi ogw'okuhindukira Ruhanga, rundi ogw'okuzira ebikorwa byaitu ebifiire.

²Tulekere aho kwegesa ha mirwa y'okwezibwa, ha kuteebwaho emikono, ha kuhumbuuka kw'abafu, n'okucwerwa omusango okwa ha mpero.

³Ebi tulibibazaaho Ruhanga obu alisiima.

⁴Abo abaarugire ha kwikiriza basobora bata kugarurwa ha kuzira obwa kabiri? Haroho abamu abaamazire kujwerwa omusana gwa Ruhanga, abaaroleze ha burungi bwa Ruhanga, abaabagaine ha Mwoyo Ahikiriire

⁵kandi abaakengere oburungi obw'ekigambo kya Ruhanga n'eby'amaani eby'ebiro ebirukwija.

⁶Abo obu bagwa bakaruga ha nyikiriza yabo, tikisoboka kubagarra bakeegarukamu obwa kabiri, habwokuba bbo bonka beebambira Omwana wa Ruhanga ha musaraba kandi bamukwasa ensoni.

⁷Bali nk'itaka Ruhanga eri aha mugisa nalinagira enjura emirundi nyingi nukwo limereze abalimi ebimera ebirungi.

⁸Baitu obu limeza amahwa n'amatojo, liba litakyaina mugaso, liri haihi kukyenwa; empero yalyo, nukwo kwokebwa.

⁹Noobu turaaba nitubaza tuti, baitu inywe abagonzibwa, nimumanya ebyanyu birungi okukiraho, kandi biraabahikya ha kujunwa.

¹⁰Ruhanga mwinganiza, tarukwija kwebwa ebikorwa byanyu n'engonzi ezi mwayolekere habwe nimuheereza abantu ba Ruhanga nkooku murukukora hati.

¹¹Kandi nitwenda buli omu omuli inywe ayoleke obwekambi nk'obu okuhika ha mpero, nubwo ebi arukunihira kutunga birihikirizibwa.

¹²Muleke kuturumuka, baitu mukuraatire abo abagwetiirwe ebyaraganiziibwe habw'okwikiriza n'okugumiisiriza kwabo.

¹³Ruhanga, obu yaraganiize Abburahamu, habw'okutabaho ondi arukumukira obukuru ow'okurahira, akeerahira wenka,

¹⁴naagamba ati: “Mazimakwo ndikuha omugisa kandi nkukanyise.”

¹⁵Aho Abburahamu, obu yamazire kugumiisiriza, akatunga eki yaraganiziibwe.

¹⁶Mazimakwo abantu barahira ogu arukubakira ekitiinisa kandi okurahira kubamara empaka zaabo zoona.

¹⁷Ruhanga nawe obu yagondeze kunanurra kimu abagweterwa endagaano nkooku atahindura ntegeka ye, akagigumya n'ekirahiro.

¹⁸Nukwo habw'ebintu ebi ebibiri ebitahinduka: entegeka ye n'ekirahiro nambere Ruhanga atasoborra kubiiha bisuba, itwe abaamwebingire tusobora kugarurwamu omutima nitunihirra kimu kutunga ebi yaturaganiize.

¹⁹Okunihira oku twinakwo kuli nk'enyomyo egumire kandi etarukutengeeta enyakusibikwaho omwoyo. Nukwo okunihira okurukututaahya omu kiikaro ekirukwera omu nda, enyuma y'enyigamo,

²⁰nambere Yesu yagenzire habwaitu naatwebembera, amazire kufooka nyakatagara omukuru ow'ebiro n'ebiro ow'omulingo gwa Melikizedeki.