Read Runyoro - rutooro 2Yoh 1 Bible Online

2Yoh 1 - Runyoro - rutooro bible

2Yoh 1

¹Nyowe omukuru, nindamukya Omugole ayakomerwe Ruhanga, hamu n'abaana be aba ngonza omu mazima. Tali nyowe nyenka arukubagonza, baitu na boona abamanyire amazima.

²Ninkuramukya habw'amazima agali omuli itwe kandi agalitwikaramu ebiro byona.

³Emigisa, embabazi, n'obusinge ebiruga hali Ruhanga Isiitwe na hali Yesu Kristo Omwana we, biikalege na itwe omu mazima n'omu ngonzi.

⁴Nkasemererwa muno okurora abamu ha baana baawe nibahondera amazima nkooku twaragiirwe Ruhanga Isiitwe.

⁵Hati nu, ninkwesengereza Mugole wange, ntali nk'arukukuhandiikira ekiragiro ekihyaka, baitu eki kyonyini eki twahuliire okuruga kara ekirukugamba ngu, tugonzangane.

⁶Kandi okugonza nukwo kunu: itwe okukwata ebiragiro bya Ruhanga. Kinu nikyo ekiragiro eki mwahuliire okuruga omu kubanza, ekirukugamba kiti: Mwikale mwina engonzi.

⁷Abarukubiihabiiha abantu bakanyire omunsi, nubo abo abatarukwikiriza Kristo nkooku yafookere muntu. Weena anyakugamba ati, nuwe mubiihi w'ebisuba kandi munyanzigwa wa Kristo.

⁸Mwerinde, mutaikara kufeerwa ebi mwakoliire, baitu mutunge empeera enyakuhikire.

⁹Omuntu weena anyakwekiza ha nyegesa ya Kristo, taba wa Ruhanga; kandi ogu anyakugumira ha nyegesa ye, aina bombi: Isiitwe na Mwana.

¹⁰Kakuba omuntu aija nambere muli atarukwegesa nyegesa enu, mutalimutaahya omunju, n'okumuramukya mutalimuramukya.

¹¹Ogu anyakumuramukya buli ateeraine nawe omu bikorwa bye ebibi.

¹²Noobu ndaba nyina bingi eby'okubahandiikira, tindukwenda kukozesa orupapura na bwino, baitu ninihira kwija kubarora n'okubaza na inywe niturorangana, nukwo okusemererwa kwaitu kuhikirre.

¹³Abaana b'owanyoko ayakomerwe Ruhanga, nibakuramukya.