Read Runyoro - rutooro 1 Sam 27 Bible Online

1 Sam 27 - Runyoro - rutooro bible

1 Sam 27

¹Kiro kimu, Daudi akateekereza ati: “Saulo naija kunyita. Hati ekisemeriire, nukwo kwiruka nkagenda omunsi y'Abafirisiti; Saulo nubwo alireka kwongera kunserra omu Isirairi, buli, ndiba mmutabukire.”

²Daudi nukwo kwimuka, hamu n'abasaija rukaaga aba kaba ainabo, baagenda omba Akisi mutabani wa Mahoki omukama wa Gaasi.

³Daudi yaikara na Akisi omunsi Gaasi hamu n'abasaija be, buli muntu hamu neeka ye, Daudi aina bakazi be babiri: Ahinohamu owa Yezereeri, na Abigairi owa Karumeeri, omufaakati muko mubule Nabbali.

⁴Saulo obuyahuliire ngu Daudi airukiire Gaasi, yalekera aho kumuserra.

⁵Daudi akakaguza Akisi ati: “Obworaaba oli munywani wange, mpa ekiikaro omurubuga rumu hambuga ez'omu byaro, nuho nyikale; tindukwenda kwikara na iwe omurubuga orw'obukama.”

⁶Ha kiro eki, Akisi yaha Daudi orubuga Zikiraga habw'obulyo obu, Zikiraga rukafooka rw'abakama ba Yuda okuhika na hati.

⁷Daudi akamara omunsi y'Abafirisiti omwaka gumu n'ameezi ana.

⁸Omu kasumi ako, Daudi n'abasaija be bakaramagira Abagesura, Abagiruzi, n'Abamaleki; habwokuba abo okuruga ira lyona, nubo bakaba bali basi b'ensi egi, okuhikira kimu Sura, okuhikira kimu hansi ya Misiri.

⁹Ensi yagihwerekereza, yaita abasaija n'abakazi: entaama, enimi enkaina, engamiya, endogoyi, yagaruka hali Akisi.

¹⁰Akisi obuyakaguzaaga ati: “Hati, oramagiire oha?” Daudi yagarukamuga ati: “Ndamagiire Negebbu eya Yuda,” rundi “Negebbu eya Yerameeri,” rundi “eya Kanaani.”

¹¹Yaitaga boona, abasaija n'abakazi, nukwo haleke kubaho omuntu agarra amakuru Gaasi; kuranga uwe n'abasaija eki bakozire. Akasumi koona aka yamazire omunsi y'Abafirisiti, nukwo yakoraga ati:

¹²Akisi yayesiga Daudi, akateekereza ati: “Nkooku ayenobeseze muno abantu be Abaisirairi, naija kumpereza obwomeezi bwe bwona.”