Read saamia Ohuchaaka 36 Bible Online

Ohuchaaka 36 - saamia bible

Ohuchaaka 36

¹Bano nibo abeechuhulu b'Esau (oba, Edomu).

²Esau yadeehya abahasi bae ohutula mu Kanani: Ada omuhaana wa Eloni Omuhiiti, Oholibbama omuhaana wa Ana omwaana wa Sibbeoni Omuhiifi,

³neende Bbasemaati, omuhaana wa Yisimaeli, mboochoong'ene Nabbayooti.

⁴Ada yeebula Esau, Elifaasi, Bbasemati neende Reweli.

⁵Oholibbama yeebula Yewusi, Yalamu, neende Koora. Bano nibo abaana basyaani b'Esau yeebula naali mu syaalo sya Kanani.

⁶Esau yabukula abahasi bae, abaana bae basyaani, abaana bae bahaana, neende abomu nyuumba yae boosi, eng'oombe chae choosi, ebisolo byae byoosi, neende emyaandu ki yali n'anyoolere mu syaalo sya Kanani kyoosi; mani yaachia mu syaalo siindi, naatula hu Yakobbo mwaanang'ina.

⁷Olwohuba ebiindu bi bali nabyo byali ebiingi muno, byabakayira ohumenya alala. Esyaalo si bamenyamo koti bawalukeendwa haba sisyali nisibamala alala neende eng'oombe chaabwe.

⁸Esau yamenya mu syaalo sy'engulu sya Siyiri; Esau niye Edomu.

⁹Bano nibo abeechuhulu b'Esau, kuuka w'Abedomu, mu syaalo sy'engulu sya Seeiri.

¹⁰Kano niko ameeta k'abaana basyaani b'Esau: Elifaasi yi Esau yeebula mu muhasi wae Ada, Reweli yi Esau yeebula mu muhasi wae Bbasimati.

¹¹Abaana basyaani ba Elifaasi bali Temani, Omari, Sefo, Gatamu neende Kenasi.

¹²(Timuna yali omuhasi w'erwaanyi wa Elifaasi, omwaana wa Esau; Timuna yeebulira Elifaasi omwaana olaangwa, Amaleki.) Bano nibo abaana basyaani ba Ada, omuhasi wa Esau.

¹³Bano nibo abaana basyaani ba Reweli: Nahati, Seera, Saama, neende Misa. Bano nibo abaana basyaani ba Basimati, omuhasi wa Esau.

¹⁴Bano nibo abaana basyaani ba Oholibbama, omuhaana wa Ana omwaana wa Sibbeoni, muha Esau, yeebulira Esau Yewusi, Yalamu, neende Koora.

¹⁵Mu baana b'Esau, bano nibo abeemirisi. Abaana ba Elifaasi, omwaana waamberi wa Esau, abeemirisi nibo Temani, Omari, Sefo, Kenasi,

¹⁶Koora, Gatamu, neende Amaleki; bano nibo abeemirisi ba Elifaasi abali mu syaalo sya Edomu; nibo abaana basyaani ba Ada.

¹⁷Bano nibo abaana basyaani ba Reweli, omwaana wa Esau, abeemirisi nibo Nahati, Sera, Saama, neende Misa, nibo abaana basyaani ba Basimati, omuhasi wa Esau.

¹⁸Bano nibo abaana basyaani ba Oholibbama, omuhasi wa Esau, abeemirisi nibo Yewusi, Yalamu, neende Koora; bano nibo abeemirisi b'Esau yeebula mu muhasi wae Oholibbama omuhaana wa Ana.

¹⁹Bano nibo abaana basyaani b'Esau (oba, Edomu). Enjia chino choosi chatula mu Esau.

²⁰Bano nibo abaana basyaani ba Seeiri Omuhori, abamenya mu syaalo sya Edomu: Lotani, Sobbali, Sibbeoni, Ana,

²¹Disoni, Eseri, neende Disani. Bano nibo abeemirisi b'Abaahoori, abaana basyaani ba Seeiri mu syaalo sy'Edomu.

²²Abaana ba Lotani nibo Hoori neende Hemani; nae mboochoong'ene Lotani yali, Timuna.

²³Bano nibo abaana basyaani ba Sobbali: Alufwaani, Manahati, Ebbali, Seefo, neende Onamu.

²⁴Bano nibo abaana basyaani ba Sibbeoni: Ayiiya neende Ana; wuno niye Ana owanyoola esulo cha amaachi mabafu mu siparara, niyali niyaaya esuhiri cha Sibbeoni laatang'ene.

²⁵Bano nibo abaana ba Ana: Disoni neende Oholibbama omuhaana wa Ana.

²⁶Bano nibo abaana ba Disoni: Hemidani, Esibbaani, Yiturani, neende Kerani.

²⁷Bano nibo abaana basyaani ba Eseri: Bbalihaani, Safwaani, neende Akani.

²⁸Bano nibo abaana ba Disani: Wuusi neende Arani.

²⁹Bano nibo abeemirisi b'Abaahoori: omwiimirisi Lotani, Sobbali, Sibbeoni, Ana,

³⁰Disoni, Eseri, neende Disani; bano nibo abeemirisi b'Abaahoori, ohuloondakana neende enono chaabwe mu syaalo sya Seyiri.

³¹Bano nibo abatuki batuka mu syaalo sy'Edomu, omuutki yeesi nataatuka Abaisiraeli.

³²Bbela omwaana wa Bbeori yali omutuki mu Edomu, eliita ly'esiko syae nilyo, “Dinihabba.”

³³Bbela niyafwa, Yobbabbu omwaana wa Seera ohutula Bbosira niye owakaluuha mu makulu kae.

³⁴Yobbabbu niyafwa, Husamu ohutula mu syaalo sy'Abatemani, niye owakaluha mu makulu kae.

³⁵Husamu niyafwa, mani Hadadi omwaana wa Bbedadi, owayiingira Midia mu syaalo sya Moabbu, niye owakaluha mu makulu kae, eliita ly'esiko syae nilyo Afiiti.

³⁶Hadadi niyafwa, mani Samila ohutula Masireka niye owakaluha mu makulu kae.

³⁷Samila niyafwa, mani Sauli ohutula Rehobbooti esiri aambi neende omwaalo kwa Ewufuraate, niye owakaluha mu makulu kae.

³⁸Sauli niyafwa, mani Bbalihanani omwaana wa Akibbori niye owakaluha mu makulu kae,

³⁹Bbali-hanani omwaana wa Akibbori niyafwa, Hada niye owakaluha mu makulu kae, eliita ly'esiko syae nilyo “Pawu.” Eliita ly'omuhasi wae lyali, Mehetabbeli, omuhaana wa Matiredi, omuhaana wa Mesahabbu.

⁴⁰Kano niko ameeta k'abeemirisi b'Esau, ohuloondehana neende amadaara kaabwe neende mu bituundu bi bamenyamo, ohuloondehana neende ameeta kaabwe, abeemirisi nibo Timuna, Alufwa, Yeteti,

⁴¹Oholibbama, Ela, Pinoni,

⁴²Kenasi, Temani, Mibbisari,

⁴³Magidieli, neende Yiramu; bano nibo abeemirisi b'Edomu (ab'Esau, laatang'ene Edomu), ohuloondakana neende mu bituundu bi bamenyamo mu syaalo si banyoola.