Read saamia 1 Ebyomubiha 25 Bible Online

1 Ebyomubiha 25 - saamia bible

1 Ebyomubiha 25

¹Omutuki Daudi neende Abaleefi beemeresi badoola hu basyaani ba Asafu, aba Hemani neende aba Yedutuuni ohwiimirira eby'ohwiinamira. Bano balaangiriraanga emboosi ya Nasaae nibehoonyera enyembo ch'obuhana neende nyaangili. Abadoolwa ohuhola omulimo okwo nibo bano:

²Hu baana basyaani ba Asafu bano: Sakuuri, Yosefu, Netania, neende Asarela. Asafu niye owemerera abaana bae abo, mani naabayaaliraanga emboosi y'Omwaami nibeemba.

³Abaana basyaani ba Yedutuuni bali basaasaba: Gedalia, Seeri, Yesaya, Simei, Hasabbia, neende Matitia. Bano bali nibeemiriirwe neende laata yaabwe ohuyaalanga emboosi y'Omwaami nibeemba enyembo ch'ohumwebasa neende ch'ohumukinia, haandi niboobberaho obuhana.

⁴Abaana basyaani ehumi neende bane ba Hemani nibo bano: Bbukia, Matania, Wusieli, Sebbueli, Yerimooti, Hanania, Hanani, Eliata, Gidaliiti, Romamiiti Eseeri, Yosibbekasa, Malooti, Hotiiri, neende Mahasiyooti.

⁵Abo boosi bali abaana ba Hemani abamwiisamo oluyaali. Hamani yali omunabbi w'omutuki olakula ebidiira hu Nasaae. Nasaae yaberesa Hamani abaana basyaani ehumi neende bane, neende abaana bahaana badatu.

⁶Abaana basyaani bano boosi bahubbaanga nyaangili neende obuhana nibeemiriirwe neende laata yaabwe, mu miduunga ch'ohuhalaabanira Nasaae mu Nyuumba y'Omwaami, koti lu omutuki yali n'alagiire Asafu, Yedutuuni, neende Hemani.

⁷Abasaacha amahumi kabiri neende bane bano boosi, alala neende Abaleefi basyaabwe abali nibeekeswa bulai muno mu by'ohweemberaanga Omwaami, bali emia chibiri neende amahumi kataanu-na-kadatu neende bataanu-na-badatu (288).

⁸Bano boosi, abahuluundu neende abayere, abamanyirifu neende abasyeeka emirimo, boosi bobberwaanga eha, ohudoolwa babereswe emirimo.

⁹Eha yitaangira hu Asafu, yakwiira Yosefu; eyohubiri yakwiira Gedalia. Gedalia neende bamwanaang'ina alala neende abaana bae, bali ehumi neende babiri.

¹⁰Eha yohudatu yakwiira Sakuuri. Sakuuri neende bamwanaang'ina alala neende abaana bae bali ehumi neende babiri.

¹¹Eha yohune, yakwiira Yisiri. Yisiri neende bamwanaang'ina alala neende abaana bae bali ehumi neende babiri.

¹²Eha yohutaanu yakwiira Netania. Netania neende bamwanaang'ina alala neende abaana bae bali ehumi neende babiri.

¹³Eha yohusaasaba yakwiira Bbukia. Bbukia neende bamwanaang'ina alala neende abaana bae bali ehumi neende babiri.

¹⁴Eha yohutaanu-na-chibiri yakwiira Yesarela. Yesarela neende bamwanaang'ina alala neende abaana bae bali ehumi neende babiri.

¹⁵Eha yohutaanu-na-chidatu yakwiira Yesaya. Yesaya neende bamwanaang'ina alala neende abaana bae bali ehumi neende babiri.

¹⁶Eha yohutaanu-na-chine yakwiira Matania. Matania neende bamwanaang'ina alala neende abaana bae bali ehumi neende babiri.

¹⁷Eha y'ehumi yakwiira Simei. Simei neende bamwanaang'ina alala neende abaana bae bali ehumi neende babiri.

¹⁸Eha y'ehumi neende ndala yakwiira Wusiyeeli. Wusiyeeli neende bamwanaang'ina alala neende abaana bae bali ehumi neende babiri.

¹⁹Eha y'ehumi neende chibiri yakwiira Hasabbia. Hasabbia neende bamwanaang'ina alala neende abaana bae bali ehumi neende babiri.

²⁰Eha y'ehumi neende chidatu yakwiira Subbei. Subbei neende bamwanaang'ina alala neende abaana bae bali ehumi neende babiri.

²¹Eha y'ehumi neende chine yakwiira Matitia. Matitia neende bamwanaang'ina alala neende abaana bae bali ehumi neende babiri.

²²Eha y'ehumi neende chitaanu yakwiira Yeremooti. Yeremooti neende bamwanaang'ina alala neende abaana bae bali ehumi neende babiri.

²³Eha y'ehumi neende chisaasaba yakwiira Hanania. Hanania neende bamwanaang'ina alala neende abaana bae bali ehumi neende babiri.

²⁴Eha y'ehumi neende chitaanu-na-chibiri yakwiira Yosibbekasa. Yosibbekasa neende bamwanaang'ina alala neende abaana bae bali ehumi neende babiri.

²⁵Eha y'ehumi neende chitaanu-na-chidatu yakwiira Hanani. Hanani neende bamwanaang'ina alala neende abaana bae ehumi neende babiri.

²⁶Eha y'ehumi neende chitaanu-na-chine yakwiira Malooti. Malooti neende bamwanaang'ina alala neende abaana bae bali ehumi neende babiri.

²⁷Eha ya amahumi kabiri yakwiira Eliata. Eliata neende bamwanaang'ina alala neende abaana bae bali ehumi-na-babiri.

²⁸Eha ya amahumi kabiri neende ndala yakwiira Hotiiri. Hotiiri neende bamwanaang'ina bali ehumi-na-babiri.

²⁹Eha ya amahumi kabiri neende chibiri yakwiira Gidaliiti. Gidaliiti neende bamwanaang'ina alala neende abaana bae bali ehumi-na-babiri.

³⁰Eha y'amahumi kabiri-na-chidatu yakwiira Mahasiyooti. Mahasiyooti neende bamwanaang'ina alala neende abaana bae bali ehumi-na-babiri.

³¹Eha ya amahumi kabiri-na-chine yakwiira Romamutiyeeseri. Romamutiyeeseri neende bamwanaang'ina alala neende abaana bae bali ehumi-na-babiri.