Read saamia 1 Ebyomubiha 26 Bible Online

1 Ebyomubiha 26 - saamia bible

1 Ebyomubiha 26

¹Bano nibo Abaleefi abali nibabeereswa omulimo kw'ohuliindaanga mu Nyuumba ya Nasaae. Ohutula mu nono ya Koora yaliwo Meselemia omwaana wa Koora owomu nyuumba ya Asafu.

²Meselemia wuno yali neende abaana basyaani bataanu-na-babiri, nibo bano ohuloondehana neende obuhuluundu bwaabwe: Sakaria, Yediyaeli, Sebbadia, Yatinieli,

³Elamu, Yehohanani, neende Eliyehowenai.

⁴Yaliwo Obbededomu yesi, yi Nasaae yaberesa ehabi yohuba neende abaana basyaani bataanu-na-badatu, nibo bano ohuloondehana neende obuhuluundu bwaabwe: Semaya, Yehosabbadi, Yowa, Sakari, Netaneeli,

⁵Amieli, Yisakari, neende Pewuletai.

⁶Haandi omwaana wae Semaya yesi yali neende abaana basyaani abalichiingi abatuki bomu madaala ka bakuuka yaabwe, olwohuba bali abaandu b'amaani muno.

⁷Abaana ba Semaya nibo bano: Otini, Refaeli, Obbedi, neende Elisabbadi, alala neende bamwanaang'ina Elihu neende Semakia.

⁸Abo boosi bali abomu nyuumba ya Obbededomu, abo neende abaana baabwe alala neende bamwanaang'ina bali abasaacha b'amaani haandi abahalaabani balai b'emirimo. Boosi alala bali amahumi kasasaaba neende babiri.

⁹Meselemia yali neende abaana basyaani bane alala neende bamwanaang'ina, abasaacha b'amaani ehumi neende bataanu-na-badatu (18).

¹⁰Ab'enono ya Merari yaluwo Hosa. Hosa yali neende abaana basyaani bane: Simiri yi laatang'ene yahola ohuba omwiimirisi, kata ayahaba mbwe haba siniye owali omwaana waamberi.

¹¹Hilikia niye owali owohubiri, Tebbalia owohudatu, neende Sakaria owohune. Abaana basyaani ba Hosa alala neende bamwanaang'ina boosi bali ehumi neende badatu (13).

¹²Abaliindi b'Enyuumba ya Nasaae bali nibakabulwamo emikaanda ohuloondehana neende amadaala kaabwe koti lukabechaanga, mani nibabeereswa emirimo kyomu Nyuumba ya Nasaae, koti lu Baleefi baandi bosi balichiingi.

¹³Mani buli daala, n'otakeraniisye hu buhoongo bwaalyo, bahubbaanga eha ohumanya esiruwa siina syeene esyali nisihoyeere ohuba mu bunyala bwaabwe.

¹⁴Selemia yoobba eha mani n'anyoola esiruwa sy'ebukwe, nae Sakaria owali omwaana wae, haandi owali omusaacha wakerakaanga bulai muno, yoobba eha mani naanyoola esiruwa sy'emukulu.

¹⁵Nae Obbededomu yadiiswa esiruwa sy'emwaalo, nae abaana bae nabo babereswa ohuliindaanga ebibiihiro.

¹⁶Supimu neende Hosa babereswa esiruwa sy'emuumbo neende esiruwa silaangwa Salekeeti esyali hu ngira yiniina emukulu. Abaliindi bali nibatingilaane.

¹⁷Olwaande lw'ebukwe, lwaliindwaanga neende Abaleefi basaasaba buli ludaalo, olwaande lw'emukulu, balichiingi bane, olwaande lw'emwaalo lwosi balichiingi bane buli ludaalo. Abaliindi bane bali nibateebwa ali ebibiihiro, babiri buli ludaalo.

¹⁸Aambi neende esibaanja sy'emuumbo, yaliwo yosi abaliindi bane, nae babiri baandi nabo abali mu esibaanja bweene.

¹⁹Yino niyo eyali engaba y'emirimo ky'abaliindi ab'enono ya Koora, neende enono ya Merari.

²⁰Hu Baleefi basyaabwe, Ahija niye owali neende obunyala bw'ohuliinda emyaandu ky'Enyuumba ya Nasaae neende ebiseenge by'ebibiihiro by'ebiyaanwa byali nibyeeyamwa eyiri Nasaae.

²¹Ladani, mulala hu baana basyaani ba Gerisoni, niye owali kukaang'ene emikaanda miingi ky'amadaala, n'oyiriiremo neende edaala ly'omwaana wae, Yehiyeeli.

²²Abaana basyaani ba Yehiyeeli, Setamu neende Yoeli mwanaang'ina, nibo abali neende obunyala bw'emyaandu ky'Enyuumba ya Nasaae.

²³Emirimo kiindi kyakabwa abeechuhulu ba Amuraamu, Yisihaari, Hebburoni, neende Wusiyeeli.

²⁴Sebbweli, otula mu nono y'omwaana wa Musa olaangwa Gerisoni, niye owali omuhoongo w'abaliindi b'emyaandu ky'Enyuumba ya Nasaae.

²⁵Sebbueli yali omwiiho wa Elieseeri mwanaang'ina Gerisoni. Elieseeri yali omwiiho wa Selomiiti. Elieseeri niye laatang'ene Rehabbiya. Rehabbia yeebula Yesaya, Yesaya niyeebula Yoramu, Yoramu niyeebula Sikiri, Sikiri niyeebula Selomoti.

²⁶Selomoti wuno alala neende bamwanaang'ina nibo abalichiingi neende obunyala bw'ebiyaanwa byoosi ebyalichiingi nibyeeyamirwa Nasaae neende Omutuki Daudi, neende abeemirisi b'amadaala kaabwe, abeemirisi b'emikaanda ky'enono, bali alala neende abanamaye bahoongo baandi.

²⁷Hu biindu biyaayirwe mu biita, nihwo hubanatuseenge ebiyaanwa bw'ohweyamira Omwaami neende eby'ohuliinda Enyuumba ya Nasaae.

²⁸Selomiiti alala neende ab'edaala lyae nibo abali neende obunyala bw'ohuliinda buli siindu syoosi esyalichiingi nisyayirwa ohwehoonyerwa mu Nyuumba ya Nasaae, haandi n'oteereho neende ebiyaanwa byalichiingi nibyaleetwa neende omunabbi Samueli, Omutuki Saulo, neende Abbuneeri omwaana wa Neeri, haandi neende Yoabbu omwaana wa Seruya.

²⁹Mu beechuhulu ba Yisihaari, Kenania alala neende abaana basyaani bae bali nibabeereswa emirimo kitaali ekyomu Nyuumba ya Nasaae, ohutusaho okw'obutuki mu Yisiraeli, ohuba abaami neende abakayi b'emisaango.

³⁰Ohutula mu beechuhulu ba Hebburoni, Hasabbia alala neende abeeho bae elifu ndala neende emia chitaanu-na-chibiri (1,700), boosi bali abasaacha b'amaani, nibo ababereswa obunyala bwohwemereraanga Abaisiraeli mu hwiinamiraanga Omwaami, neende ohuhalaabaniraanga omutuki mu bituundu bya Yisiraeli ebiri emuumbo w'Omwaalo kwa Yorodaani.

³¹Yeria niye owali omwiimirisi w'abeechuhulu ba Hebburoni boosi, koti lu bali nibaandiikirwe ohuloondehana neende amadaala ka bakuuka yaabwe. Mu mwaaka kw'amahumi kane, Daudi naali omutuki, wabaao ohuteeberesa hu lwiibulo lutulaho abeechuhulu ba Hebburoni bano. Mani nibanyoolamo abasaacha b'amaani muno Yaseeri mu situundu sya Gileadi.

³²Omutuki Daudi yadoolamo Yeria neende abo abaliho olwiiho nae, abasaacha b'esinani elifu chibiri neende emia chitaanu-na-chibiri (2,700), mani naabata mu bunyala bw'ohutukaanga amadaala ka bakuuka yaabwe, ohutukaanga Abarubbeeni neende Abagaadi, neende silala syohubiri esy'enono ya Abamanase hu biindu bidiira hu diini neende ohuhalaabanira omutuki mu Yisiraeli, ebiri ebukwe niwambuuhe Omwaalo kwa Yorodaani.