Read saamia 1 Ebyomubiha 7 Bible Online

1 Ebyomubiha 7 - saamia bible

1 Ebyomubiha 7

¹Yisakari yali neende abaana basyaani bane: Toola, Puwa, Yasubbu, neende Simirooni.

²Toola yali neende abaana basyaani basaasaba: Wusi, Refaya, Yerieli, Yahumai, Yibbusaami, neende Semueli. Bano bali abeemirisi b'amadaala k'enono ya Toola haandi bali abalwaani b'eye bamanyihana muno. Mu biha by'Omutuki Daudi, abeechuhulu baabwe bali beengiya niboola elifu amahumi kabiri neende chibiri neende emia chisaasaba (22,600).

³Wusi yali neende omwaana mulala, Yisirahia. Yisirahia alala neende abaana bae bane, Mikaeli, Obbadia, Yoeli, neende Yisia; boosi bali abeemirisi b'amadaala.

⁴Badeehya abahasi baangi muno haandi nibeebula abaana baangi, mani mu beechuhulu baabwe batulamo abasaacha elifu amahumi kadatu neende chisaasaba (36,000) ohuhola emirimo ky'eye.

⁵Ebyandiiko byomiiswa ebidiira hu madaala k'enono ya Yisakari byali byandiikwa abasaacha elifu amahumi kataanu-na-kadatu neende bataanu-na-babiri (87,000) ohuhola emirimo ky'eye.

⁶Bbenjamini yali neende abaana basyaani badatu: Bbela, Bbekeri, neende Yediyaeli.

⁷Bbela yali neende abaana basyaani bataanu: Esibbooni, Wusi, Wusieli, Yerimooti, neende Yiri. Bano boosi bali abeemirisi b'amadaala mu nono yaabwe, haandi boosi bali ab'amaye bamanyihana muno. Abeechuhulu baabwe balimo abasaacha elifu amahumi kabiri neende chibiri neende amahumi kadatu neende bane (22,034) abanyala ohuhola emirimo ky'eye.

⁸Bbekeri yali neende abaana basyaani bataanu-na-bane: Semira, Yoasi, Elieseeri, Elionai, Omuri, Yeremooti, Abbija, Anatooti, neende Alemeeti.

⁹Ebyandiiko bihuluundu ebidiira hu beechuhulu baabwe koti lu baloondehana mu madaala byalimo abasaacha elifu amahumi kabiri neende emia chibiri (20,200) abanyala ohuhola emirimo ky'eye.

¹⁰Yediyaeli yali neende omwaana musyaani mulala, Bbilihaani, nae Bbilihaani yali neende abaana basyaani bataanu-na-babiri: Yewusi, Bbenjamini, Ehudi, Kenaana, Sesaani, Tarisiisi, neende Ahisahari.

¹¹Abaandu bano boosi balichiingi abeemirisi b'amadaala mu nono yaabwe, haandi balichiingi abalwaani bomu maye bamanyihana muno. Abeechuhulu baabwe bali neende abasaacha elifu ehumi neende chitaanu-na-chibiri neende emia chibiri (17,200) abanyala emirimo ky'eye.

¹²Supimu neende Hupimu bosi bali ab'enono yino. Daani yali neende omwaana musyaani mulala, Husimu.

¹³Nafutaali yali neende abaana basyaani bane: Yahisieli, Guni, Yeseri neende Saluumu (Abo bali abeechuhulu ba Bbiliha[3]).

¹⁴Manaase yeebula mu muhasi w'erwaanyi Omuaramea, abaana basyaani babiri, Asirieli neende Makiri. Makiri niye laatang'ene Gileadi.

¹⁵Makiri yanyoolera Hupimu omuhasi haandi n'anyoolera Supimu yesi omuhasi. Eliita lya mboochoong'ene lyali Maaka. Omuhasi wa Makiri wohubiri yali Selofehaadi. Selofehaadi yeebula abaana bahaana boong'ene.

¹⁶Maaka, Omuhasi wa Makiri, yeebula abaana basyaani babiri, babakuliha Peresi neende Seresi. Peresi yali neende abaana basyaani babiri, Wulamu neende Rekemu.

¹⁷Wulamu yali neende omwaana musyaani olaangwa Bbedaani. Mani bano nibo abeechuhulu ba Gileadi, omwaana wa Makiri haandi omwiichuhulu wa Manaase.

¹⁸Mboochoong'ene Gileadi Hamoleketi yali neende abaana basyaani badatu: Yisoodi, Abbieseeri, neende Mahila.

¹⁹(Semida yali neende abaana basyaani bane: Ahiani, Sekemu, Liki, neende Aniamu.)

²⁰Bano nibo abeechuhulu ba Efuraimu ohutula hu buli lwiibulo ohwoola lwiibulo luundi: Efuraimu yeebula Suteela, Setula niyeebula Bberedi, Bberedi niyeebula Tahati, Eleada niyeebula Tahati, Tahati niyeebula,

²¹Sabbadi, Sabbadi niyeebula Suteela. Efuraimu haandi yali neende abaana basyaani baandi babiri: Eseri neende Eleadi, abeetwa neende Abagaati abali nibateemaho ohwiiba ebyaayo byaabwe.

²²Efuraimu laata yaabwe yabalira ohumala endaalo nyiingi muno, mani abeeho bae bosi nibechia ohumugumia omwooyo.

²³Efuraimu haandi yaba neende omuhasi wae ehabi liindi, mani nanyoola amabaanga, niyeebula omwaana musyaani. Efuraimu naamukuliha ati, Bberia[4], ohweema hu bidinyu byali nibyakwa hu daala lyaabwe.

²⁴Efuraimu yali neende omwaana muhaana olaangwa, Seera. Omuhaana wuno niye owoombaha ebiko Bbeeti Horooni byoombi, neende Wuseeni Seera.

²⁵Efuraimu haandi yali neende omwaana omusyaani olaangwa, Refa. Refa niye owebula Reseefu, Reseefu niyeebula Tela, Tela niyeebula Tahani, Tahani niyeebula

²⁶Ladani, Ladani niyeebula Amihuudi, Amihuudi niyeebula Elisama, Elisama niyeebula

²⁷Nuuni, Nuuni niyeebula Yosua.

²⁸Esituundu sy'esyaalo si bayira mani nibamenyamo mwalimo Bbeteli neende ebiko byasyebodoohania, ohwoola Narani esiri ebukwe haandi ohwoola Geseri esiri emuumbo, alala neende ebiko bisyebodoohaanie. Esituundu esyo haandi syalimo ebiko bino: Sekemu neende Aya, neende ebiko bibyebodoohaanie.

²⁹Abeechuhulu ba Manaase nibo abatukaanga ebiko bya Bbeeti Saani, Tanaaki, Megido, neende Doori, alala neende ebiko bibyebodoohaanie. Bino byoosi nibyo ebituundu bi beechuhulu ba Yosefu omwaana wa Yakobbo bali nibamenyamo.

³⁰Bano nibo abali abeechuhulu ba Aseri. Aseri yali neende abaana basyaani bane: Yimina, Yisifa, Yisifi, neende Bberia; neende omwaana muhaana mulala yeeng'ene, Seera.

³¹Bberia yali neende abaana babiri: Hebberi neende Malikieli. (Malikieli niye owachaakisa esiko sya Bbirisaiti.)

³²Hebberi yali neende abaana basyaani badatu: Yafuleeti, Someri, neende Hotamu; neende omwaana muhaana mulala yeeng'ene, Sua.

³³Yafuleeti yesi yali neende abaana basyaani badatu: Pasaki, Bbimuhaali, neende Asufaati.

³⁴Someri mwanaang'ina yesi yali neende abaana basyaani badatu: Rohiga, Yehuba, neende Aramu.

³⁵Hotamu mwanaang'ina yesi yali neende abaana basyaani bane: Sofa, Yimuna, Selesi, neende Amali.

³⁶Abeechuhulu ba Sofa bali Sua, Harunefeeri, Suali, Bbeeri, Yimura,

³⁷Bbeseeri, Hoodi, Sama, Silisa, Yituraani, neende Bbeera.

³⁸Abeechuhulu ba Yeteeri bali Yefune, Pisipa, neende Ara.

³⁹Abeechuhulu ba Wula bali Ara, Hanieli, neende Risia.

⁴⁰Bano boosi bali abeechuhulu ba Aseri. Balichiingi abeemirisi b'amadaala, bali abasaacha balwaani abamanyihana muno; haandi abeemirisi aba aakulu muno. Abeechuhulu ba Aseri balimo abasaacha aboola elifu amahumi kabiri neende chisaasaba (26,000) abahoyera omulimo kw'eye.