Read saamia Nehemia 10 Bible Online

Nehemia 10 - saamia bible

Nehemia 10

¹Owataangira ohwiisaho omuhono yali gafana, Nehemia omwaana wa Hakalia, mani haandi Sedekia yesi yeecha yeesaho. Abaloondaho bano boosi beemao beesaho amahono:

²Seraya, Asaria, Yeremia,

³Pasihuuri, Amaria, Milikiya,

⁴Hatuusi, Sebbania, Maluku,

⁵Harimi, Meremooti, Obbadia,

⁶Danieli, Ginetooni, Bbaruku,

⁷Mesulamu, Abbija, Mijamini,

⁸Maasia, Bbiligai neende Semaya.

⁹Yesua omwaana wa Asania, Bbinui ow'enono ya Henadaadi, Kadimieli,

¹⁰neende abaana baabwe, Sebbania, Hodia, Kelita, Pelaya, Hanani,

¹¹Miika, Rehobbu, Hasabbia,

¹²Sakuuri, Serebbia, Sebbania,

¹³Hodia, Bbani neende Bbeninu.

¹⁴Abahoongo b'abaandu bano: Parosi, Pahati-Moabbu, Elamu, Saatu, Bbani,

¹⁵Bbuuni, Asigaadi, Bbebbai,

¹⁶Adonija, Bbigifai, Adiini,

¹⁷Ateeri, Hesekia, Asuuri,

¹⁸Hodia, Hasumu, Bbesai,

¹⁹Harifu, Anatooti, Nebbai,

²⁰Magipiasi, Mesulamu, Hesiiri,

²¹Mesesabbeli, Sadoki, Yadua,

²²Pelatia, Hanani, Anaya,

²³Hosea, Hanania, Hasibbu,

²⁴Haloheesi, Piliha, Sobbeki,

²⁵Rehumu, Hasabbina, Maseya,

²⁶Ahia, Hanani, Anani,

²⁷Maluku, Harimu, Bbaana.

²⁸Efwe, abaandu ba Yisiraeli, abalaamisi, Abaleefi, abaliindi bomu Nyuumba ya Nasaae, abeembi bomu Nyuumba ya Nasaae, abahalaabani bomu Nyuumba ya Nasaae, alala neende abaandu baandi boosi abo ohweema hu buwulisi bw'Amalako ka Nasaae banyala ohwehalaka hu bateende abali nibamenya mu syaalo syeefwe, efwe alala neende abahasi beefwe alala neende abaandu beefwe boosi abahuluundu banyala ohumanya,

²⁹ano bweene hweenya ohweyambaania neende abeemeresi beefwe mu sichubo sino, esiriho esibwaabo nikali mbwe husihalaka, mbwe huchia ohumenyaanga nihuloondakana neende Amalako ka Nasaae, ka Nasaae yatusa n'abitira mu Musa omuhalaabani wae; mbwe efwe huhoyere ohukafukiiriramo koosi koti lu Omwaami, Omwaami weefwe, atulagira; haandi ati efwe huchia ohwooseresaanga amalako kae koosi neende ebidahibwa byoosi.

³⁰Efwe haba sihuchia ohudeehisaniaanga neende abateende abamenya mu syaalo syeefwe sino.

³¹Nikali mbwe abateende bachia ohuleetaanga emere, kata sa esiindu siindi syoosi ohutukusa hu ludaalo lwa Sabbaato, kata hu ludaalo luundi olwoolerefu, efwe haba sihuchia ohukanya ohubakulaangaho daawe. Buli mwaaka kwa hataanu-na-habiri haba sihuchia hulimaangaho eloba lino daawe, haandi huchia ohusangulaanga amakobi kefwe koosi.

³²Buli mwaaka, buli muundu yeesi achia ohutosaanga buli silala sya munaane esya guraamu ndala ey'efeesa ohuhonyaanga ohutuunga ebyehoonyerwa mu Nyuumba ya Nasaae.

³³Efwe huchia ohuyaaniraanga amasabo komu Nyuumba ya Nasaae ebiindu bino: Omugaati mulafu, ebiyaanwa by'emere bya buli nyaanga, ebisolo by'ohusaambwangwa buli ludaalo koti ebiyaanwa, ebiyaanwa bilafu eby'e Sabbaato, Ebidyaalo by'Omwoosi Muyaaha, haandi neende ebidyaalo biindi, ebiyaanwa biindi bilafu, ebiyaanwa bimalao ebyonoono bya Yisiraeli, neende buli siindu syoosi esidahibwa mu Nyuumba ya Nasaae.

³⁴Efwe, abaandu, abalaamisi, Abaleefi, fweesi huchia ohuubba eha buli mwaaka ohudoolaanga enono chiba ohuleetaanga eehwi ch'ohusambaanga ebiyaanwa bichiira Omwaami Nasaae weefwe, ohuloondakana neende Amalako.

³⁵Efwe huchia ohuyiraanga mu Nyuumba ya Nasaae buli mwaaka esiyaanwa sy'ekesa ly'emere sitaangira sihukesa haandi neende ebyaamo bitaangira ohwengaanga hu misaala kyeefwe.

³⁶Buli mwaana musyaani otaangira hu buli mulala hu efwe huchia ohumuyiraanga eyiri abalaamisi mu Nyuumba ya Nasaae, nihuba nihuli ebweene eyo, koti amalako kadahisa, huchia ohuyanaangayo eyiri Nasaae. Haandi huchia ohuyanaangayo buli moosi yitaangira ohwiibulwa hu buli ng'oombe dwaasi yeefwe, alala neende ekoondi meeme litaangira neende embusi meeme yitaangira eyiibulwa hu buli koondi oba embusi.

³⁷ Huchia ohuyiraanga eyiri abalaamisi abali mu Nyuumba ya Nasaae engaano engaande ohutula hu mwo yitaangira ohukeswa ey'engaano buli mwaaka alala neende ebiyaanwa byeefwe biindi eby'efiini, amafuta k'enaasi, alala neende buli mbya y'ebyaamo. Huchia ohuyiriraanga Abaleefi, abasolosaanga silala sy'ehumi mu ngoongo cheefwe nimi, ebiba nibyeyamirwe ohutula hu buli sirime sichia ohumeraanga hu loba lyeefwe.

³⁸ Abalaamisi baba nibatulana hu lwiibulo lwa Arooni bahoyere ohubechaanga alala neende Abaleefi nibasolosa silala sy'ehumi, nae eby'ohwehoonyera mu Nyuumba ya Nasaae, Abaleefi nibo abachia ohubiyiraanga mu byaaki by'Enyuumba ya Nasaae eyo silala sy'ehumi hu bilala by'ehumi biba nibi solooswe.

³⁹Abaandu ba Yisiraeli alala neende Abaleefi bachia ohubukulaanga emere, efiini, alala neende amafuta k'enaasi ebinabechaanga nibyuubbiirwe Enyuumba ya Nasaae mu byaaki yi biindu byehoonyerwaanga mu Nyuumba ya Nasaae yi bibihwaanga haandi yi balaamisi baliindirira ohuhola emirimo esiha syaabwe nisitoola, neende abaliindi bomu Nyuumba ya Nasaae, alala neende abeembi bomu Nyuumba ya Nasaae bali neende amayuumba ka bamenyamo. Efwe haba sihuchia ohujwaang'a Enyuumba ya Nasaae weefwe daawe.