Read saamia Esabbuli 116 Bible Online

Esabbuli 116 - saamia bible

Esabbuli 116

¹Ndaheera Omwaami, olwohuba yaambulira; haandi awulira esaala chaange.

²Olwohuba atekeeresa esaala chaange, sakira njia ohumusabaanga mu bulamu bwaange bwoosi.

³Obudinyu bw'ohufwa bwali nibuundebodoohanie; obuchuuni bw'emagoombe bwadiira, obuti neende oluteengo byali biinjita.

⁴Mani niisaba Omwaami endi, “Ewe Omwaami, husaba wumonie!”

⁵Omwaami w'esisa haandi muluungifu; Nasaae weefwe akwiira esisa.

⁶Omwaami aliinda abaloonga; ese nindali mu masira, mani n'amonia.

⁷Mani mwooyo kwaange yomiira, olwohuba Omwaami yangwiriire esisa.

⁸Omwaami yaamonisye ohufwa; yanieyere amasika; haandi yaakera ndahaya ohusyeluluha ndaakwa aasi.

⁹Mani sakira ngeendera mu moni w'Omwaami ni ndi mu syaalo sy'abalamu.

¹⁰Ndemeeda ohufukiirira, kata ndahaboola endi, “Saandire muno”;

¹¹haandi kata ndahaboola endi, “Abulao omuundu yeesikihwa.”

¹²Siina syeene sindahaberese Omwaami hulw'ebilai byoosi bi yaholera.

¹³Njia ohukiinga esikoombe sy'obuwonia, ohweebasa Omwaami olw'ohumonia.

¹⁴Njia ohumuberesa si ndamusuubisa mu lwiichuule lw'abaandu bae.

¹⁵Mu moni w'Omwaami, ohufwa hw'aboolerefu bae hw'engaanga y'aakulu muno.

¹⁶Ewe Omwaami, ese ndi omuhalaabani wao; koti lu maakoo yaange yali; omoniisye ohufwa.

¹⁷Njia ohuhuberesa esiyaanwa sy'ohuhweebasa mani hwekongooye ewe Omwaami.

¹⁸Njia ohuberesa Omwaami ebiindu bi ndeeyama mu moni w'abaandu bae boosi,

¹⁹mu lwaanyi lw'enyuumba y'Omwaami, akatikaati wao, ewe Yerusalemu. Kinie Omwaami!