Read saamia Esabbuli 136 Bible Online

Esabbuli 136 - saamia bible

Esabbuli 136

¹Mweebase Omwaami, olwohuba mulai niye; olwohuba obuheeri bwae butakaama bw'endaalo choosi.

²Mweebase Nasaae muhunuufu ohira banasaae boosi; olwohuba obuheeri bwae butakaama bw'endaalo choosi.

³Mweebase oyo Omwaami w'abaami; olwohuba obuheeri bwae butakaama bw'endaalo choosi.

⁴Oyo yeeng'ene niye ohola ebyamayia bihiramo obuhunuufu; owohuba obuheeri bwae butakaama bw'endaalo choosi.

⁵Ekulu yalihola neende amakesi; olwohuba obuheeri bwae butakaama bw'endaalo choosi.

⁶Yaala esyaalo hu maani k'olusiba; olwohuba obuheeri bwae butakaama bw'endaalo choosi.

⁷Yahola ebyaaduha bihoongo; olwohuba obuheeri bwae butakaama bw'endaalo choosi.

⁸Elyuuba litukeenge esideete; olwohuba obuheeri bwae butakaama bw'endaalo choosi.

⁹Omwoosi neende eng'ining'ini bitukeenge esiro; olwohuba obuheeri bwae butakaama bw'endaalo choosi.

¹⁰Yeeta abaana baamberi b'Abamisiri; olwohuba obuheeri bwae butakaama bw'endaalo choosi.

¹¹Yatusa Abaisiraeli mu Misiri; olwohuba obuheeri bwae butakaama bw'endaalo choosi.

¹²Yehoonyera omuhono kwae omukolole kw'amaani; olwohuba obuheeri bwae butakaama bw'endaalo choosi.

¹³Yaataniamo Enyaanja Enjahanyu; olwohuba obuheeri bwae butakaama bw'endaalo choosi.

¹⁴Yahalanisya Abaisiraeli akatikaati wayo; olwohuba obuheeri bwae butakaama bw'endaalo choosi.

¹⁵Nae yasihirisa Faraao neende amaye kae mu Nyaanja Njahanyu; olwohuba obuheeri bwae butakaama bw'endaalo choosi.

¹⁶Yeemirira abaandu bae baahalakania mu siparara; olwohuba obuheeri bwae butakaama bw'endaalo choosi.

¹⁷Yeeta abatuki b'amaani muno; olwohuba obuheeri bwae butakaama bw'endaalo choosi.

¹⁸Yeeta abatuki bamanyihana muno; olwohuba obuheeri bwae butakaama bw'endaalo choosi.

¹⁹Sihooni, omutuki w'Abaamoori; olwohuba obuheeri bwae butakaama bw'endaalo choosi;

²⁰neende Ogu, omutuki wa Bbasani; olwohuba obuheeri bwae butakaama bw'endaalo choosi.

²¹Esyaalo syaabwe mani n'asiberesa abaandu bae; olwohuba obuheeri bwae butakaama bw'endaalo choosi.

²²Yasiberesa Yisiraeli, omuhalaabani wae; olwohuba obuheeri bwae butakaama bw'endaalo choosi.

²³Yatwiichulisa nihuyiingiirwe; olwohuba obuheeri bwae butakaama bw'endaalo choosi.

²⁴Yatwaabina hu basuku beefwe; olwohuba obuheeri bwae butakaama bw'endaalo choosi.

²⁵Aberesa ebyohulya ebiloonge bilamu byoosi; olwohuba obuheeri bwae butakaama bw'endaalo choosi.

²⁶Mweebase Nasaae owomu kulu; olwohuba obuheeri bwae butakaama bw'endaalo choosi.