Read saamia Esabbuli 16 Bible Online

Esabbuli 16 - saamia bible

Esabbuli 16

¹Ewe Nasaae niinde, olwohuba niiwe obwiiruhiro bwaange.

²Mboolera Omwaami endi, “Niiwe Omwaami waange; mbula esiindu syoosi esilai ohumalaho ewe.”

³Nae aboolerefu bomu syaalo, nibo abahunuufu, abo nimwo omuli esangaalo lyaange lyoosi.

⁴Abo abekoomba banasaae baandi beleetera ebidinyu biingi ese haba siinjia ohweyiingisa mu biyaanwa by'ohwiidisa amabaanga byaabwe oba ohutuumbula ameeta ka banasaae abo.

⁵Omwaami yeeng'ene niye omukabo kwaange; niiwe oli neende ebiindu bi ndaha byoosi.

⁶Omukabo ku wumbereese mulai muno; eee, nyoolere omukabo mulai.

⁷Ese fumia Omwaami olwohuba niye owungerakaanga bulai; nae mu siro mwoosi, omwooyo kwaange kuunjekesa.

⁸Njichulisa Omwaami buli siha; olwohuba niye amaani kaange, mani sibulao esiindu si njia ohutya.

⁹Sakira omwooyo kwaange kwehoya, mani ndaasangaala; omubiri kwaange kwosi kuli bulai.

¹⁰Olwohuba ewe haba siwundehere emakoombe, oba waaleha omwoolerefu wao yaafwa.

¹¹Niiwe owunjekesa engira y'obulamu; yooli niyo eyiri esangaalo lyeene, niyo eyiri esangaalo litaakama.