Read saamia Esabbuli 31 Bible Online

Esabbuli 31 - saamia bible

Esabbuli 31

¹Eyiri omweemberesi. Esabbuli ya Daudi. Ewe Omwaami, niiwe yi njiruhiraho ningoonya obweyikamo; otaleha esoni chaandiiraho kata nabudiidi; mu buluungifu bwao, monie!

²Tekeeresa, mani wumonie maangu! Niiwe ohoyere ohubechaanga obwiiruhiro bwaange bwomiifu, olukaka lw'amaani oluumonia!

³Eee, niiwe olwaanda lwaange haandi olukaka lwaange; hulw'oluyaali lw'eliita lyao, nyimiriremo haandi wuunjekese engira,

⁴monie omuteego ku batekere, olwohuba niiwe obweyikamo bwaange.

⁵Mu muhono kwao nimwo mu nda obulamu bwaange; Ewe Omwaami Nasaae owadyeeri, omalire ohumonia.

⁶Ewe haba soodaha abo abeenamira ebiloongaloongwe; nae ese ndeesika Omwaami.

⁷Njia ohwehoyaanga haandi sangaalire mu buheeri bwao butaakama, olwohuba obweene ohusaanda hwaange, omanyire ebidinyu byaange,

⁸haandi haba siwafukiirira omusuku waange ohumaamba; wamberesa ehabi ohukeenda wosi-woosi yi ndaha.

⁹Ewe Omwaami ngwiire esisa, olwohuba ndi mu bidinyu; emoni chaange chihoohere olw'amasika, kata omubiri kwaange neende omwooyo kwaange kwosi.

¹⁰Obulamu bwaange bumaliire mu budinyu, kata emyaaka kyaange kyosi kiwereere mu hwayuuya; amaani kambweeremo hulw'engisa, haandi amakuumba kaange kosi kadeembuuhe.

¹¹Ndeholere esyohucheha eyiri abasuku baange, esitiisa eyiri abasyaange, esiindu si tiisa eyiri abeecha baange beene; abo abaambona ni ndi hu ngira baanjiruha-bwiiruha.

¹²Ndamala ohwiibirirwa koti omuundu wamala ohufwa hale; ndamala ohweehola ndi koti endamu yaadiha.

¹³Eee, mbulira abaandu baangi nimemoonya bati ebidinyu bimwebodoohaanie bateesera alala ebidiiraho, nibakiiya ohudyamo olukwe.

¹⁴Nae ndeesika ewe Omwaami, mboola endi, “Niiwe Nasaae waange.”

¹⁵Obulamu bwaange buli mu mahono kao; monie ohutula mu mahono k'abasuku baange neende abo abangiiya ohunjiita!

¹⁶Tingaala omuhalaabani wao neende esisa; mani wumonie ohweema hu obuheeri bwao butaakama!

¹⁷Ewe Omwaami otaandeha esoni chadiira, olwohuba ese husaba; leha abahola-mbi esoni chibadiire, leha bachie emakoombe nibabuleerere.

¹⁸Leha eminwa mibacha kiwumumale, ekyo ekilomaloma obubi hu baluungifu bao nibehuduumbasa neende esuunga.

¹⁹Ewe Omwaami, obulai bwao buungi muno, buwabiihira abo abahwiisamo oluyaali, neende ebiindu by'oholera abahweesika, buli muundu abibona!

²⁰Obakisa yooli mani wabawonia ehobo ch'abaandu; obaliindira abuundu wao alai bahaye ohunyekwa.

²¹Omwaami ofumisibwe, olwohuba wanjekesa obuheeri bwae buwukisa abasuku nibali bandebodoohaanie.

²²Ndaboola neende obuti endi, “Mbano njiruuswe ohutula mu moni wao.” Nae ewe wawulira amaliro kaange, nindahusaba ohuhoonya.

²³Eng'we aboolerefu, mudahe Omwaami! Omwaami niye oliinda abamweesika, nae asaandya abehuduumbasa.

²⁴Eng'we abeesika Omwaami, mugume, emyooyo kyeeng'we kitawaamo amaani!