Read saamia Esabbuli 46 Bible Online

Esabbuli 46 - saamia bible

Esabbuli 46

¹Nasaae niye obwiiruhiro bweefwe, haandi amaani keefwe, mwetekefu muno ohutuhoonya mu bidinyu.

²Sakira haba sihuchia ohutya daawe kata esyaalo syahadubuuha, kata engulu chahadengaane mani chaakwa ebusiba w'enyaanja;

³kata enyaanja yahaya mani efwiinda chaahubba, kata engulu chahadengaane enyaanja niyiiyire.

⁴Kuluwo omwaalo ku masaga kakwo kaleetera esiko sya Nasaae esangaalo, obwiihalo bwoolerefu bw'oyo oli Aakulu Muno.

⁵Nasaae ali akatikaati w'esiko esyo, haba sisicha ohunyeenywa; Nasaae yaanguyaho muno ohusihoonya.

⁶Nasaae n'atusa omulaanga kwae, ebyaalo bitiiririra, obwaami budengaana; esyaalo sihamyuuha.

⁷Omwaami w'Obunyala ali naafwe; Nasaae wa Yakobo niye obwiiruhiro bweefwe.

⁸Mwiiche, mubone Omwaami bi aholere, koti lu aholere ebiindu biwukisa hu syaalo.

⁹Akera amaye kawaao ohutula hu syaalo; afunaka obuyiingo, haandi yakodia efumo, mani yahubula omuliro hu ngabo.

¹⁰“Mulehere ao ohulwaana, mani mumanye muti niise Nasaae. Fumisibwa mu byaalo byoosi, fumisibwa mu syaalo!”

¹¹Omwaami w'obunyala ali naafwe; Nasaae wa Yakobo niye obwiiruhiro bweefwe.