Read saamia Esabbuli 52 Bible Online

Esabbuli 52 - saamia bible

Esabbuli 52

¹Lwasiina wehuduumbasa, ewe omuundu w'amaani, hulw'ebibi by'ohola abaandu ba Nasaae? Oludaalo lwoosi

²otekehaanga ohusihirisa abaandi. Olulimi lwao luli koti olumwo lwooki, odaha muno eby'obubacha.

³Waheera ebibi ohuhiraho ebilai, haandi waheera obubacha ohuhiraho ohulomaloma obwadyeeri.

⁴Ewe haandi waheera ohuwumisaanga abaasyo neende emboosi, omubacha ewe!

⁵Nae Nasaae achia ohuhusihirisa endaalo choosi, achia ohuhusobolayo ahutuse mu yeema lyao, mani amale ahubosyoolemo ebituundu; achia ohuhwiiya ahutuse mu syaalo sy'abalamu.

⁶Abaluungifu bachia ohuhubona mani batye, haandi bachia ohuhucheha nibaboola bati,

⁷“Bone omuundu otanyala ohubukula Nasaae ohuba obwiiruhiro bwae, nae oweesikaanga obuungi bw'emyaandu kyae, haandi owakonyaanga ohweesika obuyiinda bwae!”

⁸Nae ese ndi koti omusaala museituuni okwa bunyaasi okwahulira mu nyuumba ya Nasaae. Ndesikaanga obuheeri bwa Nasaae butaakama endaalo neende endaalo choosi pe.

⁹Ese njia ohuhweebasaanga endaalo choosi pe, olwohuba ewe niiwe owasiiholera otyo. Ese njia ohuyalaanga eliita lyao mu moni w'abaandu bao, olwohuba lai nilyo.