Read saamia Esabbuli 81 Bible Online

Esabbuli 81 - saamia bible

Esabbuli 81

¹Yeembe neende ekono ly'aakulu eyiri Nasaae otukairira; mweembere Nasaae wa Yakobbo nimusangaala!

²Tandiike olweembo, hubbe nyaangili,

³Hubbe eturumbete hu sidyaalo, sy'omwoosi muyaaha, omwoosi nikwahaboneha, haandi omwoosi nikwangaale.

⁴Lino nilyo elako mu Yisiraeli, esilagiro sya Nasaae wa Yakobbo.

⁵Yasilagira Yosefu koti lu yaseeta esyaalo sy'e Misiri. Mbulira ekono litaamanyire nilimboola liti,

⁶“Ndabadwiihula omugugu hu mabeka; ndabawonia ohukiinga ebikono.

⁷Nimwali mu bidinyu biingi, mwanaanga mani ndabawonia. Ndahukobolamu ni ndeekisire mu hwaaduluhana hw'ekulu. Ndabateemaho nimuli hu myaalo kya Meribba.

⁸Baandu baange, tekeerese mbakerakire; Yisiraeli, oba n'ofukiirira mani waambulira!

⁹Mutabechaangaho neende nasaae wuundi yi mwiinamira; mutenamiraanga nasaae muteende.

¹⁰Niise Omwaami Nasaae weeng'we, owabatusa mu syaalo sy'e Misiri. Mwaasamye omunwa kweeng'we, mani njia ohubeekusa.

¹¹“Nae abaandu baange haba sibatekeeresa ekono lyaange; Yisiraeli siyawulira daawe.

¹²Mani syesi ndabaleha ohuloonda emyooyo kyaabwe ky'esyeejo, mani bahole bi badaha byoosi.

¹³Ndahadahire abaandu baange batekeeresa si mboola! Ndahadahire Yisiraeli ahole si ndagira!

¹⁴Ndahanguuye ohubawonia abasuku baabwe, neende ohuyiingira ababalwaania.

¹⁵Abo abatadaha Omwaami baheename mu moni wae; mani bahasaandisibwe endaalo choosi pe.

¹⁶Nae ndahabaliise engaano ndai mani ndaabekusa neende obuuhi bw'enjuhi chomu siino.”