Read saamia Engaado 2 Bible Online

Engaado 2 - saamia bible

Engaado 2

¹Mwaana waange, noota omwooyo hu mboosi chaange, mani wadiira amalako kaange mu bulamu bwao,

²noowuliraanga emboosi ch'amakesi, haandi omwooyo kwao nikuteemaho ohubimanya;

³eee, niwekongooya ohunyoola amakesi haandi wasiingisa ekono lyao aakulu ohunyoola ohumanya,

⁴nokoonya amakesi koti lu wahakoonya efeesa mani wakakoonya koti lu wahakoonya engaanga yakiswa;

⁵ao mani wahamanye ohutya Omwaami haandi wahanyoole ohumanya Nasaae.

⁶Olwohuba Omwaami niye oberesa amakesi; ohumanya neende ohuchwichwiisa, ebitula mu munwa mwae;

⁷abiihira abaluungifu amakesi kadyeeri; mani yaliinda abo abebwaaba ohwonoona,

⁸anyale ohuliindaanga obwadyeeri haandi ohulehaangao abo abahola bi adaha.

⁹Ao mani ochia ohumanya obuluungifu neende obwadyeeri neende obutakwiira omuundu, neende buli siindu sy'ohoyera ohuhola;

¹⁰olwohuba makesi achia ohwiicha mu mwooyo kwao, haandi ohumanya huchia ohusaangaasa obulamu bwao.

¹¹Ohubaasa bulai huchia ohuhuliinda; ohumanya huchia ohuhuliinda;

¹²huhuwonie ohuhola ebiindu bibi, huhuwonie abaandu balomaloma ebiindu bidoondobania abaandu.

¹³Abo abalehana neende engira ch'obuluungifu hu bakeendere mu ngira ch'esiirima,

¹⁴abasangaalira mu huhola ebyonoono haandi abeehoyera mu budoondobanu bw'ebibi;

¹⁵abaandu bahyaamu haandi abataali neende obweesikwa.

¹⁶Ochia ohuwona omuhasi mucheke, oteemaho ohuhusendaseenda neende ahalimi hae halai.

¹⁷Omuhasi w'engeri eyo aleka omusaacha wae wo buraaga mani yeebirira bi Nasaae yawulirisania nae.

¹⁸Ohuchia mu nyuumba yae, oba wekoonyera emakoombe, engira chae chihuyira mu hufwa;

¹⁹Abulao owamukeniya yaakobola naali bulai noomba baakobola hu ngira y'obulamu.

²⁰Mani loondakanaanga neende esyohuboneraho sy'abaandu balai haandi liindaanga esaambo ch'abaandu baluungifu.

²¹Olwohuba abaluungifu nibo abachia ohuyira esyaalo, haandi abasaacha batali badoondobanu nibo abachia ohudoong'a mu syaalo.

²²Nae abahola-mbi bachia ohumalwa hu syaalo, haandi ababi bachia ohwiiywamo koti lu baheeya ebilime mu loba.