Read saamia Omuyaali 1 Bible Online

Omuyaali 1 - saamia bible

Omuyaali 1

¹Chino nicho emboosi omuyaali, omwaana wa Daudi, owali omutuki mu Yerusalemu.

²Bihaya byeene, nilwo lu Mweekesa aboola, bihaya byeene! Byoosi bihaya.

³Ngaanga siina yi muundu anyoola muhudidiihana hw'adidiihaniramo mu syaalo?

⁴Olwiibulo lutulao, haandi olwiibulo luundi lweechao, nae esyaalo sidoong'ao endaalo choosi.

⁵Elyuuba litula, haandi elyuuba lyaakwa, haandi lyeeruha bwaangu ohukobola abuundu yi rituliramo.

⁶Omuyaka kuwuucha nikuchiira emwaalo, haandi kwebodoohania nikuchiira emukulu; omuyaka kwebodoohania haandi kwebodoohania, mani kwawuucha nikuchiira yi kwatulira.

⁷Emyaalo kyoosi kihulukusa nikichuha mu nyaanja, nae enyaanja haba siyichula daawe; amaachi kakobola yi kasoohera, mani kachaaka ohuhuluukusa haandi.

⁸Ebiindu byoosi bijoong'ya; mani byaheehera omuundu yateteng'ala. Emoni haba sichijoong'a ohubona, noomba amatwi kajoong'a ohuwulira.

⁹Ebyaliwo nibyo haandi ebyahabeeo, ebyaholwa nibyo haandi ebyahaholwe; mani sibulao esiindu siyaaha hu syaalo.

¹⁰Siluwo esiindu sibanyala ohulomalomaho nibaboola bati, “Bone, sino siyaaha nisyo”? Esyo syaliwo hale, mu ndaalo cha hale efwe nihusisiiri ohubaao.

¹¹Ebiindu bya hale haba sibichuliswa daawe, haandi ebyahabeeo haba sibyahechuliswe, neende abo abahabeeo, nibimalire ohukwaao.

¹²Ese, Omweekesa ndali wa Yisiraeli mu Yerusalemu.

¹³Ndataaho muno omwooyo, haandi ndehoonyera amakesi kaange ohukoonyeresa neende ohumanya buli siindu syeholehana hu syaalo, mani ninyoola endi kwoosi mulimo mudinyu haandi omwomeranu, ku Nasaae yateerao abaandu ohunyahana nakwo.

¹⁴Ndatingaala emirimo kyoosi ekiholwa hu syaalo; mani bone, byoosi bihaya byeene, huli koti ohwiirusa omuyaka okudiire.

¹⁵Esiindu syekoda haba sisinyala ohukololwa daawe, haandi esitaaliwo haba sisinyala ohubalwa daawe.

¹⁶Ndabaasa mu mwooyo kwaange mani nimboola endi, “Ndeeholere omuundu w'oluyaali lw'aakulu muno, omukesi muno ohuhira abo boosi abataangira ohutuka mu Yerusamu. Mubwadyeeri bweene, nyoolere amakesi maangi neende ohumanya huungi.”

¹⁷Ndataaho muno omwooyo ohumanya ebidiira hu makesi, neende ohumanya ebidiira hu lalu n'obusiru. Mani ndabona endi syosi siri koti ohwiiruwa omuyaka okudiire.

¹⁸Olwohuba koti lu wemeeda ohuba neende amakesi maangi, nilwo lu wemeeda ohuheeherwa, haandi oyo owemeeda ohumanya ebiingi, nilwo lu yemeeda ohuba neende engisa.