Read saamia Esy'Abaleefi 3 Bible Online

Esy'Abaleefi 3 - saamia bible

Esy'Abaleefi 3

¹Omuundu yeesi nayaanaanga esiyaanwa silala hu ng'oombe chae koti esiyaanwa sy'ohukobola alala, sihoyere ohubechaanga esiyaanwa sy'esurusi oba edwaasi, eyitaaliho obufwoolwa bwoosi.

²Omuundu oyo ahoyere ohuchichaanga ageeng'a omuhono hu mutwe kw'esisolo esyo, mani asiitira hu siruwa sy'Eyeema ly'Ohubaao hw'Omwaami. Mani hu mulaamisi w'Arooni yeemeo achie anyulaanyuse amabaanga ako hu nyaande chine choosi ech'alutaari

³hwaamala ayira ebituundu bino biti, ohuba ebiyaanwa by'ebyohulya eyiri Omwaami, amasinya koosi akaba hu bituundu by'omuukati,

⁴efuko choombi alala neende amasinya kaahwo, haandi neende ebituundu bihiramo obulai eby'esini.

⁵Abalaamisi bahoyere ohuchichaanga baasaambira bino byoosi hu alutaari, alala neende ebiyaanwa bisaambe. Olwohuba esaami y'esiyaanwa sino esy'ebyohulya, yisangaasa Omwaami.

⁶Nikali mbwe ni ekoondi nilyo, oba niyiri embusi niyo eyehoonyeerwe koti esiyaanwa sy'ohukobola alala, mani lihoyere ohubechaanga emiiku, oba ehole, oba edwaasi, nae bihoyere ohubechaanga nibitaaliho obufwoolwa bwoosi.

⁷Nae nikali mbwe omuundu oyo ayaana ekoondi,

⁸ahoyere ohutechaanga omuhono kwae hu mutwe kwalyo oba okwayo, mani aliitira oba ayiitira mu moni w'Eyeema. Ao abalaamisi bahoyere ohuchichaanga mani baanyulaanyusa amabaanga hu nyaande chine choosi echa alutaari

⁹mani bamala bayira ebituundu bino biti eby'esisolo ohuba koti esiyaanwa sy'esyohulya eyiri Omwaami, amasinya, eseembe enulu lyoosi liheengerwa aambi neende esikuumba sy'olugoongofuma, haandi neende amasinya koosi akabwihaanga hu bituundu byoosi ebiba mukati,

¹⁰efuko alala neende amasinya kachibaaho, haandi neende ebituundu bihiramo obulai eby'esini.

¹¹Mani omulaamisi oli ohuhulira omulimo okwo, niye oba ahoyera ohuchichaanga mani asaambira ebituundu bino byoosi hu alutaari, koti esiyaanwa sy'esyohulya eyiri Omwaami.

¹²Nae nikali mbwe omuundu oyo ayaana embusi,

¹³aba achia ohutechaanga omuhono kwae hu mutwe kwaayo, mani ayiitireenge mu moni w'Eyeema. Abalaamisi bahoyere ohuchichaanga baanyulaanyusa amabaanga ako hu nyaande chine choosi ech'alutaari

¹⁴mani bamala bayira ebituundu bino biti, ohuba koti esiyaanwa sy'esyohulya eyiri Omwaami, amasinya koosi akali hu bituundu by'omuukati,

¹⁵efuko choosi, haandi neende amasinya akachiriho koosi, haandi neende ebituundu by'esini bihiramo obulai.

¹⁶Omulaamisi achia ohusaambiraanga bino byoosi hu alutaari koti esiyaanwa sy'esyohulya esisangaasa Omwaami. Amasinya koosi k'Omwaami niko.

¹⁷ Kuno muduunga kuhoyere ohwelondaangamo enjibulo cheeng'we choosi, yi muba munabechaanga nimwamenya yoosi, nimutalichaanga amasinya kata amabaanga.