Read saamia Ohubala 7 Bible Online

Ohubala 7 - saamia bible

Ohubala 7

¹Hu ludaalo lu Musa yamaliirisira elalira ohwoombaha Eyeema ly'Ohubaao hw'Omwaami, yalichuhaho amafuta mani yalyaawula yaaliyaana alala neende ebiindu byalyo byoosi, neende alutaari, neende ebichiiraho byoosi, eyiri Omwaami.

²Mani bulaanu, abahoongo b'enono abali nibahola koti abeemirisi mu njia cha Yisiraeli, abasaacha beene bala abali nibo ababalaanga abaandu,

³baleeta ebiyaanwa byaabwe eyiri Omwaami: ebigaari by'eng'oombe bisaasaba neende eng'oombe ndaawu ehumi neende chibiri, esigaari silala hu buli beemirisi babiri, neende endaawu ndala hu buli mwiimirisi. Mani nibamala ohubileeta,

⁴Omwaami yaboolera Musa ati,

⁵“Ewe bukaanira sa ebiyaanwa bino, byehoonyerweenge mu mulimo kuchia ohuholwa hu Yeema lino; biberese Abaleefi ohweema hu buli mulimo ku baba nibachia ohuhola.”

⁶Musa yabukula ebigaari ebyo alala neende endaawu echio yaabiberesa Abaleefi.

⁷Yakaba ebigaari bibiri neende endaawu chine Abagerisoni,

⁸haandi neende ebigaari bine alala neende endaawu chitaanu-na-chidatu Abameraari. Emirimo kyaabwe kino kyoosi kyali eky'ohuholwa aasi w'obwiimirisi bwa Yitamaari omwaana wa Arooni.

⁹Nae Musa yeecha yaahaya ohukabaho esigaari syoosi kata neende endaawu yoosi, Abakohati, olwohuba ebiindu bilafu bi bali nibachia ohuliindaanga byali nibihoyere ohukiingirwaanga hu mabeka.

¹⁰Abeemirisi bano haandi baleeta ebiyaanwa biindi eby'ohwehoonyera mu huhusa ohuyaanayo hw'alutaari. Mani nibali nibamalire ohweetekeha ohuyira ebiyaanwa hu alutaari,

¹¹Omwaami yaboolera Musa ati, “Baboolere oti buli ludaalo, ohumala esiha sy'endaalo ehumi neende chibiri, mulala hu beemirisi ahoyere ohuyiraanga ebiyaanwa byae eby'ohuyaanayo alutaari.”

¹²Oyo owayaanaho esiyaanwa syae hu ludaalo lutaangira yali Nahasoni omwaana w'Aminadabbu, ow'enyuumba ya Yuda;

¹³nae esiyaanwa syae syali, olusaani lulala olw'efeesa olw'obusito bwoola sekeli emia ndala neende amahumi kadatu (130), ebbeseeni y'efeesa ey'obusito bwoola sekeli amahumi kataanu-na-kabiri, ohweema hu sekeli chali mu sanduuku ly'emigaati ky'Omwaami, kyoombi kino kyali nikiichuule obusye bunyuhe bweene obusasaaniiswe neende amafuta ohuba esiyaanwa sy'emere;

¹⁴endiisi ndala ey'esaabbu ey'obusito bwoola sekeli ehumi, eyichuule obubbaani;

¹⁵eng'oombe surusi njere, ekoondi emiiku lala, ekoondi hole yere ely'omwaaka mulala okw'obuhuluundu, hulw'esiyaanwa sisaambwa syaakwa ekohe;

¹⁶embusi hole ndala hulw'esiyaanwa sy'esyonoono;

¹⁷haandi neende hulw'esiyaanwa sy'ebiyaanwa by'ohukobola alala, eng'oombe ndaawu chibiri, amakoondi mamiiku kabiri, embusi hole chitaanu, haandi neende amakoondi mayere mamiiku kataanu ak'omwaaka mulala obuhuluundu. Sino syoosi alala nisyo esyali esiyaanwa sya Nahasoni omwaana w'Aminadabbu.

¹⁸Hu ludaalo lwa habiri, yali Netaneeli omwaana wa Suari, omwiimirisi wa Yisakari, yoobba esiyaanwa;

¹⁹yoobba koti esiyaanwa syae, olusaani lulala olw'efeesa, olw'obusito bwoola sekeli emia ndala neende amahumi kadatu (130), ebbeseeni ndala ey'efeesa ey'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere;

²⁰endiisi ndala ey'esaabbu ey'obusito bwoola sekeli ehumi, niyichuule obubbaani;

²¹esurusi njere ndala, ekoondi miiku lala, ekoondi lala doto ehole ely'omwaaka mulala obuhuluundu, hulw'esiyaanwa sisaambwa syaakwa ekohe;

²²embusi ehole ndala hulw'esiyaanwa sy'esyonoono;

²³neende hulw'esiyaanwa sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, haandi neende amakoondi mahole mayere kataanu ak'omwaaka mulala obuhuluundu. Mani sino alala nisyo esyali esiyaanwa sya Netaneeli omwaana wa Suari.

²⁴Hu ludaalo lwa hadatu, yali Eliabbu omwaana wa Heloni, omwiimirisi w'abasaacha ba Sebbuluuni:

²⁵esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu (130), olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, bino byoombi byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere;

²⁶endiisi ndala ey'esaabbu, ey'obusito bwoola sekeli ehumi, haandi eyichuule obubbaani;

²⁷eng'oombe surusi njere, ekoondi miiku lala, ekoondi doto lala esurusi ely'omwaaka mulala obuhuluundu, hulw'esiyaanwa sy'ohusaamba sikwe ekohe;

²⁸embusi hole ndala hulw'esiyaanwa sy'esyonoono;

²⁹nae haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, haandi neende amakoondi mayere mamiiku kataanu, ak'omwaaka mulala obuhuluundu. Sino syoosi alala nisyo esyali esiyaanwa sya Eliabbu omwaana wa Heloni.

³⁰Hu ludaalo lwa hane, yali Elisuuri omwaana wa Sedewuri, omwiimirisi w'abasaacha ba Rubbeeni:

³¹esiyaanwa syae syali esy'olusaani lulala olw'efeesa, lu busito bwalwo bwali sekeli emia ndala neende amahumi kadatu (130), ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere;

³²endiisi ndala ey'esaabbu ey'obusito bwoola sekeli ehumi, eyichuule obubbaani;

³³eng'oombe ndala esurusi njere, ekoondi emiiku lala, neende ekoondi yere emiiku ely'omwaaka mulala, hulw'esiyaanwa sisaambwa syaakwa ekohe;

³⁴embusi hole ndala hulw'esiyaanwa sy'esyonoono;

³⁵haandi hulw'ohuyaanayo ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala okw'obuhuluundu. Mani sino nisyo esyali esiyaanwa sya Elisuuri omwaana wa Sedewuri.

³⁶Hu ludaalo lwa hataanu, yali Selumieli omwaana wa Surisadai, omwiimirisi w'abasaacha ba Simeoni

³⁷esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu (130), olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere;

³⁸endiisi ndala ey'esaabbu ey'obusito bwoola sekeli ehumi, eyichuule obubbaani;

³⁹eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe;

⁴⁰embusi hole ndala hulw'esiyaanwa sy'esyonoono;

⁴¹haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Selumieli omwaana wa Surisadai.

⁴²Hu ludaalo lwa hasaasaba, yali Eliasafu omwaana wa Dewela, omwiimirisi w'abasaacha ba Gaadi:

⁴³esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu (130), olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere;

⁴⁴endiisi ndala ey'esaabbu ey'obusito bwoola sekeli ehumi, eyichuule obubbaani;

⁴⁵eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe;

⁴⁶embusi hole ndala hulw'esiyaanwa sy'esyonoono;

⁴⁷haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Eliasafu omwaana wa Dewela.

⁴⁸Hu ludaalo lwa hataanu-na-habiri, yali Elisaama omwaana wa Amihudi, omwiimirisi w'abaandu ba Efuraimu:

⁴⁹esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu (130), olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere;

⁵⁰endiisi ndala ey'esaabbu ey'obusito bwoola sekeli ehumi, eyichuule obubbaani;

⁵¹eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe;

⁵²embusi hole ndala hulw'esiyaanwa sy'esyonoono;

⁵³haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Elisaama omwaana w'Amihudi.

⁵⁴Hu ludaalo lwa hataanu-na-hadatu, yali Gamalieli omwaana wa Pedasuuri, omwiimirisi w'abasaacha ba Manaase:

⁵⁵esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu (130), olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere;

⁵⁶endiisi ndala ey'esaabbu ey'obusito bwoola sekeli ehumi, eyichuule obubbaani;

⁵⁷eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe;

⁵⁸embusi hole ndala hulw'esiyaanwa sy'esyonoono;

⁵⁹haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Gamalieli omwaana wa Pedasuuri.

⁶⁰Hu ludaalo lwa hataanu-na-hane, yali Abbidaani omwaana wa Gideoni, omwiimirisi w'abasaacha ba Bbenjamini:

⁶¹esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu, olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere;

⁶²endiisi ndala ey'esaabbu ey'obusito bwoola sekeli ehumi, eyichuule obubbaani;

⁶³eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe;

⁶⁴embusi hole ndala hulw'esiyaanwa sy'esyonoono;

⁶⁵haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Abbidaani omwaana wa Gideoni.

⁶⁶Hu ludaalo lw'ehumi, yali Ahieseeri omwaana wa Amisadai, omwiimirisi w'abasaacha ba Daani:

⁶⁷esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu, olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere;

⁶⁸endiisi ndala ey'esaabbu ey'obusito bwoola sekeli ehumi, eyichuule obubbaani;

⁶⁹eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe;

⁷⁰embusi hole ndala hulw'esiyaanwa sy'esyonoono;

⁷¹haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Ahieseeri omwaana w'Amisadai.

⁷²Hu ludaalo lw'ehumi-na-lulala, yali Pagieli omwaana w'Ochirani, omwiimirisi w'abasaacha ba Aseri:

⁷³esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu, olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere;

⁷⁴endiisi ndala ey'esaabbu ey'obusito bwoola sekeli ehumi, eyichuule obubbaani;

⁷⁵eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe;

⁷⁶embusi hole ndala hulw'esiyaanwa sy'esyonoono;

⁷⁷haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Pagieli omwaana w'Ochirani.

⁷⁸Hu ludaalo lw'ehumi-na-habiri, yali Ahira omwaana wa Enani, omwiimirisi w'abasaacha ba Nafutaali:

⁷⁹esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu, olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere;

⁸⁰endiisi ndala ey'esaabbu ey'obusito bwoola sekeli ehumi, eyichuule obubbaani;

⁸¹eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe;

⁸²embusi hole ndala hulw'esiyaanwa sy'esyonoono;

⁸³haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Ahira omwaana wa Enani.

⁸⁴Bulaanu sino syoosi alala nisyo esyali esiyaanwa sy'ohuyaanayo alutaari, hu ludaalo lu yachuhirwaho amafuta mani yaawulwa, ohutula hu beemirisi ba Yisiraeli: esaani ch'efeesa ehumi neende chibiri, ebbeseeni ch'efeesa ehumi neende chibiri, endiisi ch'esaabbu ehumi neende chibiri,

⁸⁵buli lusaani lw'efeesa lwakeraanga obusito bwa sekeli emia ndala neende amahumi kadatu (130) nae buli lubbeseeni sekeli amahumi kataanu-na-kabiri, efeesa yoosi eyachiira hu biindu byehoonyerwa ebyo, yali eyikera obusito bwa sekeli elifu chibiri neende emia chine (2,400) ohweema hu sekeli chalichiingi mu sanduuku ly'emigaati ky'Omwaami,

⁸⁶endiisi ch'esaabbu ehumi-na-chibiri, echiichuule obubbaani, buli ndala niyikera obusito bwa sekeli ehumi ohweema hu sekeli chiri mu sanduuku ly'emigaati ky'Omwaami, esaabbu yosi eyachiira hu ndiisi echio niyikera obusito bwa sekeli emia ndala neende amahumi kabiri (120);

⁸⁷eng'oombe choosi ech'esiyaanwa sy'ohusaamba syaakwa ekohe chali ehumi neende chibiri, amakoondi mamiiku ehumi neende kabiri, amakoondi mayere mamiiku ak'omwaaka mulala obuhuluundu ehumi neende kabiri, alala neende ebiyaanwa byako by'emere; haandi neende embusi ehole ehumi neende chibiri ech'esiyaanwa sy'esyonoono;

⁸⁸haandi neende eng'oombe choosi ech'ebiyaanwa by'omuleembe, chali eng'oombe surusi amahumi kabiri neende chine, amakoondi mamiiku kali amahumi kasaasaba, embusi ehole chali amahumi kasaasaba, amakoondi mayere ak'omwaaka mulala kali amahumi kasaasaba. Sino alala nisyo esyali esiyaanwa sy'ohuyaanayo alutaari, niyali niyimalire ohuchuhwaho amafuta ohwaawulwa.

⁸⁹Musa yeengira mu Yeema ly'Ohubaao hw'Omwaami ohulomaloma neende Omwaami, yeecha yaawulira ekono niliri ohumubooleraanga nilitulira aakulu w'esisaala sy'esisa esyali humukulu w'Esanduuku ly'Endagaano, nilitulira akatikaati wa kerubbimu babiri abo; mani lya alomaloma nae.