Read saamia 1 Yowaana 1 Bible Online

1 Yowaana 1 - saamia bible

1 Yowaana 1

¹ Hubaandiikira ebidiira hu Mboosi y'obulamu, eyaliwo ohutulira elalira hu njaako. Yi hwamala ohuwulira, haandi yi hwamala ohwehaliirisa haandi yi mihono cheefwe chamala ohudiiraho.

² Obulamu buno nibweehola bwaaboneha, hwabubona; sakira hubulomalomaho haandi hwababoolera ebidiira hu bulamu butaakama obwali nibuli ali Seefwe haandi hwaabubona.

³Esyo si hwamala ohubona haandi hwawulira, nisyo syosi si hubayaalira, hu munyale ohutweyambaaniaho ohuba silala naafwe, mu bulala bu huli nabwo neende Seefwe alala neende Omwaana wae Yesu Kristo.

⁴Hwandiika sino hu sangaalo lyeefwe linyale ohuba eliichufu.

⁵Bulaanu, emboosi yi hwamala ohuwulira ohutula hu Mwaana wa Nasaae, niyo yino; Nasaae niye obulafu, haandi abulamo esiirima kata nabudiidi.

⁶Sakira, nihubaboolera huti huli mu bulala nae, nihaandi esiha syeene esyo huli mu siirima, ao huba hubacha mu mboosi cheefwe neende mu biholwa byeefwe.

⁷Nae nihumenya mu bulafu, koti lu mweene ali mu bulafu, ao huba nihuli mu bulala neende abasyeefwe, haandi amabaanga ka Yesu Omwaana wa Nasaae katulabya ohutula mu buli syonoono.

⁸Nae nihuboola huti efwe hubulaho esyonoono syoosi, ao huba hweebacha abeene, haandi haba sihulimo obwadyeeri daawe.

⁹Nae nihweyama ebyonoono by'efwe eyiri Nasaae, achia ohwooseresa siyatusuubisa olwohuba mweesikwa haandi muluungifu. Achia ohutulehera ebyonoono byeefwe byoosi mani atulabye ohutula mu bibi byeefwe byoosi.

¹⁰Nae nihuboola huti husisiiri ohuholaho esyonoono syoosi, ao huba huhola Nasaae ohuba omubacha, haandi emboosi yae haba siyiba yiri mu bulamu bweefwe.