Read sango Tongo nda ti aye 36 Bible Online

Tongo nda ti aye 36 - sango bible

Tongo nda ti aye 36

¹Tënë ti sewa ti Ezau, so ayeke Edom ayeke tongaso:

²Ezau amu awali na popo ti awali ti azo ti Kanaan: Ada, molenge ti Elon, zo ti mara ti Het; Oholibama, molenge ti Ana, molenge ti Sibeon, zo ti mara ti Hivi.

³Lo mu nga Basmat, molenge ti Ismael, ita ti Nebayot ti wali ti ga wali ti lo.

⁴Ada adu na Ezau Elifaz; Basmat adu na lo Reuel.

⁵Oholibama adu na lo Yeush, Yalam na Kora. So ayeke amolenge so a du ala na Ezau na sese ti Kanaan laa.

⁶Ezau amu awali ti lo, amolenge ti lo ti koli na ti wali, azo ti sewa ti lo, anyama ti lo kue na aye so kue lo wara na kodro ti Kanaan si lo gue na mbeni kodro yongoro na tere ti ita ti lo Jacob.

⁷Biani, aye ti ala awu ahon ndoni, lege titene ala duti na ndo oko ayeke daa pepe. Sese so ala yeke daa so alingbi pepe titene ala duti daa ti bata anyama ti ala.

⁸Ezau, so ti tene Edom asara kodro na ndö ti hoto ti Seir.

⁹Tënë ti *ahale ti Ezau, kotara ti azo ti mara ti Edom so ayeke na ndö ti hoto ti Seir, ayeke tongaso:

¹⁰Iri ti amolenge ti Ezau ti koli ayeke so: Elifaz, molenge ti Ada, wali ti Ezau; Reuel, molenge ti Basmat, wali ti Ezau.

¹¹Amolenge ti Elifaz ti koli ayeke so: Teman, Omar, Sefo, Gatam na Kenaz.

¹²Timna ayeke mbeni wali ti Elifaz, molenge ti Ezau. Timna adu na Elifaz Amalek. So amolenge ti Ada, wali ti Ezau laa.

¹³Amolenge ti Reuel ti koli ayeke so: Nahat, Zera, Shama na Miza. So amolenge ti Basmat, wali ti Ezau laa.

¹⁴Ti Oholibama, molenge ti Ana ti wali, ata ti Sibeon, lo du na Ezau amolenge-koli tongaso: Yeush, Yalam na Kora.

¹⁵Amakonzi ti amolenge ti Ezau ayeke so: Elifaz, kozo molenge ti Ezau, amakonzi ni ayeke so: makonzi Teman, makonzi Omar, makonzi Sefo, makonzi Kenaz,

¹⁶Kora, Gatam na Amalek. So ayeke amakonzi ti Elifaz na sese ti Edom laa. Ala kue, ala yeke amolenge ti Ada ti koli.

¹⁷Amolenge ti Reuel, molenge ti Ezau ayeke so: makonzi Nahat, makonzi Zera, makonzi Shama na makonzi Miza. Ala yeke amakonzi na sese ti Edom; ala yeke amolenge ti Basmat, wali ti Ezau.

¹⁸Amolenge ti Oholibama, wali ti Ezau ayeke so: makonzi Yeush, makonzi Yalam na makonzi Kora. Ala yeke amakonzi ti Oholibama, molenge ti Ana ti wali, wali ti Ezau.

¹⁹So amolenge ti Ezau ti koli na amakonzi ti ala laa. Ala yeke azo ti mara ti Edom.

²⁰Amolenge ti Seir, zo ti mara ti Hori, akozo zo ti sese ti Edom ayeke so: Lotan, Shobal, Sibeon, Ana,

²¹Dishon, Eser na Dishan. Ala yeke amakonzi ti mara ti Hori, amolenge ti Seir ti koli na sese ti Edom.

²²Amolenge ti Lotan ayeke so: Hori na Hemam. Ita ti Lotan ti wali ayeke Timna.

²³Amolenge ti Shobal ayeke so: Alvan, Manahat, Ebal, Shefo na Onam.

²⁴Amolenge ti Sibeon ayeke so: Aya na Ana. Ana laa awara ngu na ya ti benyama na ndembe so lo yeke bata alele ti babâ ti lo Sibeon.

²⁵Amolenge ti Ana ayeke so: Dishon na Oholibama, molenge ti Ana ti wali.

²⁶Amolenge ti Dishon ayeke so: Hemdan, Esheban, Itran na Keran.

²⁷Amolenge ti Eser ayeke so: Bilehan, Zavan na Akan.

²⁸Amolenge ti Dishan ayeke so: Us na Aran.

²⁹Amakonzi ti azo ti mara ti Hori ayeke so: makonzi Lotan, makonzi Shobal, makonzi Sibeon, makonzi Ana,

³⁰makonzi Dishon, makonzi Eser na makonzi Dishan. So amakonzi ti azo ti mara ti Hori, na lege ti akete mara ti ala, na sese ti Seir laa.

³¹Azo so ale-gbia na sese ti Edom kozo titene mbeni zo ti Israel ale-gbia ayeke so:

³²Bela, molenge ti Beor ale-gbia na ndö ti Edom. Iri ti gbata ti lo ayeke Dinaba.

³³Bela akui si Yobab, molenge ti Zera, zo ti gbata ti Bosra aga gbia na peko ti lo.

³⁴Yobab akui si Husham, zo ti sese ti Teman aga gbia na peko ti lo.

³⁵Husham akui si Hadad, molenge ti Bedad, aga gbia na peko ti lo. Lo laa lo hon ndö ti azo ti Madian na bira na sese ti Moab. Iri ti gbata ti lo ayeke Avit.

³⁶Hadad akui si Samla, zo ti kodro ti Masreka aga gbia na peko ti lo.

³⁷Samla akui si Shaul, zo ti kodro ti Rehobot ti yanga ti ngu aga gbia na peko ti lo.

³⁸Shaul akui si Baal-Hanan, molenge ti Akbor aga gbia na peko ti lo.

³⁹Baal-Hanan, molenge ti Akbor akui si Hadar aga gbia na peko ti lo. Iri ti gbata ti lo ayeke Pau; iri ti wali ti lo ayeke Metabeel, molenge ti Matred ti wali, ata ti Me-Zahab ti wali.

⁴⁰So ayeke iri ti amakonzi ti azo ti mara ti Ezau, na lege ti akete mara ti ala, na asese ti ala laa: Timna, Alva, Yetet,

⁴¹Oholibama, Ela, Pinon,

⁴²Kenaz, Teman, Mibsar,

⁴³Magdiel na Iram. So ayeke amakonzi so ayeke na ndö ti sese ti Edom, na lege ti ando ti dutingo ti ala, na sese so aga ti ala laa. Ezau laa ayeke kotara ti azo ti Edom.