Read sango 1 Mbai 27 Bible Online

1 Mbai 27 - sango bible

1 Mbai 27

¹So ayeke iri ti azo ti Israel so ayeke sara kua na gbia: amakonzi ti asewa, amakonzi ti aturugu 1 000, amakonzi ti aturugu 100 na awakuasu. Kua ti ala ayeke ti baa lege ti abongbi ti aturugu so ayeke sara kua na ya ti nze oko oko, na ya ti ngu oko kue. Bongbi oko oko, aturugu ayeke na ya ni 24 000.

²Bongbi oko oko ayeke sara kua na gbe ti amakonzi tongaso: Na kozo nze ni: Yashobam, molenge ti Zabdiel, zo ti kete mara ti Peres. Lo wani laa lo yeke na ndö ti amakonzi ti aturugu ti kozo nze ni. Na use nze ni: Dodai, zo ti kodro ti Ahoa. Zo so ayeke mu maboko na lo ayeke komanda ti aturugu Miklot. Na ota nze ni: Benaya, molenge ti kota wayango-sandaga Yoyada. Benaya ayeke mbeni oko na popo ti aturugu ti batango gbia. So lo ga makonzi ti aturugu ti batango gbia awe, molenge ti lo Amizabad laa aga komanda ti aturugu na plase ti lo. Na osio nze ni: Asael, ita ti Yoab; na pekoni Zebadia, molenge ti lo. Na oku nze ni: Shamut, zo ti kete mara ti Izra. Na omene nze ni: Ira, molenge ti Ikesh, zo ti kodro ti Tekoa. Na mbarambara nze ni: Heles, zo ti kodro ti Palon, zo ti mara ti Efraim. Na miombe nze ni: Sibkai, zo ti kodro ti Husha, zo ti kete mara ti Zera. Na gumbaya nze ni: Abiezer, zo ti kodro ti Anatot, zo ti mara ti Benjamin. Na nze baleoko ni: Marai, zo ti kodr(...)

¹⁶Na li ti amara ti Israel kue, amakonzi ni ayeke so: Mara ti Ruben: Eliezer, molenge ti Zikri. Mara ti Siméon: Shefatia, molenge ti Maaka.

¹⁷Mara ti Lévi: Hashabia, molenge ti Kemuel. *Hale ti Aaron: Sadok.

¹⁸Mara ti Juda: Elihu, mbeni ita ti David. Mara ti Isakar: Omri, molenge ti Mikael.

¹⁹Mara ti Zabulon: Ishemaya, molenge ti Obadia. Mara ti Neftali: Yerimot, molenge ti Azriel.

²⁰Mara ti Efraim: Osée, molenge ti Azazia. Ndambo ti mara ti Manase so ayeke na mbage ti Do: Joël, molenge ti Pedaya.

²¹Ndambo ti mara ti Manase so ayeke na sese ti Galaad: Ido, molenge ti Zakarii. Mara ti Benjamin: Yasiel, molenge ti Abner.

²²Mara ti Dan: Azarel, molenge ti Yeroam. So ayeke iri ti amakonzi ti amara ti Israel laa.

²³Azo so ngu ti ala ayeke baleuse na ala so ngu ti ala ayeke na gbe ti ngu baleuse, David adiko wungo ti ala pepe. Biani, *KOTA GBIA atene lani atene, fade lo yeke sara titene azo ti Israel awu mingi tongana atongoro ti le ti nduzu.

²⁴Yoab, so iri ti mama ti lo ayeke Seruya ato nda ti diko wungo ti azo ni lani awe; me lo hunzi dikongo ala pepe, ngbanga ti so ngonzo ti Nzapa alondo na ndö ti azo ti Israel. Ndani laa a fa wungo ti azo ni pepe na ya ti “Mbeti ti aye so gbia David asara.”

²⁵Azmavet, molenge ti Adiel ayeke baa ndo na ndö ti amosoro ti gbia. Jonatan, molenge ti Ozias ayeke baa ndo na ndö ti amosoro ti gbia so a bata na ya ti kodro ni, na ya ti agbata ni, na ya ti akete kodro nga na ndo so aturugu ayeke luti daa ti bata ndo.

²⁶Ezri, molenge ti Kelub ayeke baa ndo na ndö ti azo ti fango yaka ti kodro ni.

²⁷Shimei, zo ti kodro ti Rama ayeke baa ndo na ndö ti azo ti batango yaka ti *vinye. Zabdi, zo ti kodro ti Shefam ayeke baa ndo na ndö ti vin so a bata na yaka si a mu aga na ni.

²⁸Baal-Hanan, zo ti kodro ti Bet-Geder ayeke baa ndo na ndö ti azo ti batango yaka ti akeke ti olive na ti sikomor so ayeke na *Kodro-ti-gbeni. Yoash ayeke baa ndo na ndö ti mafuta so a bata ni batango.

²⁹Shitrai, zo ti kodro ti Saron ayeke baa ndo na ndö ti abagara so ayeke te pere na ngonda ti Saron. Shafat, molenge ti Adlai ayeke baa ndo na ndö ti abagara so ayeke te pere na popo-hoto.

³⁰Obil, zo ti mara ti Ismael ayeke baa ndo na ndö ti *azambala. Yedia, zo ti kodro ti Meronot ayeke baa ndo na ndö ti amama ti lele.

³¹Yaziz, zo ti mara ti Hagri ayeke baa ndo na ndö ti ataba na angasa. So ayeke iri ti azo so ayeke baa ndo na ndö ti amosoro ti gbia David laa.

³²Jonatan, ita ti baba ti David ayeke wamungo-wango na gbia. Jonatan ahinga ndo mingi, lo hinga nga mbeti mingi. Yehiel, molenge ti Hakmoni laa ayeke baa lege ti fango ye na amolenge ti gbia.

³³Ahitofel ayeke nga wamungo-wango na gbia. Hushai, zo ti mara ti Arki ayeke zo so David amu be ti lo kue na lo.

³⁴Azo so amu kua na peko ti Ahitofel ayeke Yoyada, molenge ti Benaya nga na Abiatar. Yoab ayeke makonzi ti aturugu ti gbia.