Read sango 1 Mbai 5 Bible Online

1 Mbai 5 - sango bible

1 Mbai 5

¹Ruben ayeke kozo molenge ti Jacob. Me na peko ti so lo lango na mbeni wali ti babâ ti lo, a mu ndo ti lo ti kozo molenge na Joseph so ayeke nga molenge ti Jacob. A kiri abaa Ruben tongana kozo molenge pepe.

²Juda laa ayeke ngangu zo ahon a-ita ti lo; mbeni *hale ti lo aga gbia ti azo ti Israel, me ndo ti kozo molenge aga ti Joseph.

³Amolenge ti Ruben ayeke Hanok, Palu, Hesron na Karmi.

⁴Ahale ti Joël ayeke so: Shemaya ayeke molenge ti Joël, Gog ayeke molenge ti Shemaya, Shimei ayeke molenge ti Gog,

⁵Mika ayeke molenge ti Shimei, Reaya ayeke molenge ti Mika, Baal ayeke molenge ti Reaya,

⁶Beera ayeke molenge ti Baal. Beera ayeke mbeni makonzi ti azo ti mara ti Ruben so gbia ti Asirii, Teglat-Falasar, agbu lo si ague na lo na Babilone.

⁷A-ita ti Beera so ayeke amakonzi ti akete mara wala ti asewa, a su iri ti ala na mbeti. Kozo zo ni ayeke Yeiel; use ni ayeke Zakarii,

⁸ota ni ayeke Bela, molenge ti Azaz. Azaz ayeke molenge ti Shema, Shema ayeke molenge ti Joël. Azo ti mara ti Ruben alango kodro, ti londo na Aroer ngbii asi na hoto ti Nebo nga na gbata ti Baal-Meon, na mbage ti Banga.

⁹Na mbage ti To, ala sara kodro ngbii asi na yanga ti benyama so ayeke na popo ti ala na *bale ti Efrate. Ala lango na sese ti Galaad, ngbanga ti so anyama ti ala ayeke mingi.

¹⁰Na ngoi ti Saul, azo ti mara ti Ruben asara bira na azo ti Hagri si ahon ndö ti ala. Na pekoni, azo ti mara ti Ruben asara kodro na sese so kue ayeke na To ti Galaad.

¹¹*Ahale ti Gad asara kodro nduru na azo ti mara ti Ruben na mbage ti Banga, ti londo na sese ti Bashan ngbii asi na Salka, na mbage ti To.

¹²Kete mara ti Joël laa ayeke na li ni, use ni ayeke kete mara ti Shafan; akete mara ti Yanai na ti Shafat aga na peko, ala duti na Bashan.

¹³Ambeni ita ti ala na lege ti asewa ti ala ayeke: sewa ti Mikael, ti Meshulam, ti Sheba, ti Yorai, ti Yakan, ti Zia na ti Eber.

¹⁴Ala kue ayeke amolenge ti Abihail. Abihail ayeke molenge ti Huri, Huri ayeke molenge ti Yaroa, Yaroa ayeke molenge ti Galaad, Galaad ayeke molenge ti Mikael, Mikael ayeke molenge ti Yeshishai, Yeshishai ayeke molenge ti Yado si Yado ayeke molenge ti Buz.

¹⁵Ahi ayeke makonzi ti akete mara ni so. Lo yeke molenge ti Abdiel, Abdiel ayeke molenge ti Guni.

¹⁶Ahale ti Gad asara kodro na sese ti Galaad, ti Bashan nga na akodro so ayeke na tere ni. Ala sara nga kodro na Saron, ndo so anzoni pere ayeke daa ndali ti anyama, ngbii asi na nda ti kodro ni.

¹⁷Na ngoi ti Yotam, gbia ti Juda nga na Yeroboam, gbia ti Israel, a su iri ti azo ti mara ni so kue na mbeti.

¹⁸Na popo ti azo ti mara ti Ruben, ti Gad nga na ndambo ti mara ti Manase, angangu zo ayeke daa so alingbi ti yo *vala na yongoro zeme, ala lingbi ti pika kokora, ala manda ti sara bira si ala yeke nduru ti gue na bira; wungo ti ala kue ayeke 44 760.

¹⁹Ala sara bira na azo ti mara ti Hagri nga na ahale ti Yetur, ti Nafish na ti Nodab.

²⁰Na ngoi ti bira ni, ala toto na Nzapa; lo yeda na sambela ti ala si lo mu maboko na ala, ngbanga ti so ala zia be ti ala na lo. Tongaso ala hon ndö ti azo ti mara ti Hagri nga na asongo ti ala.

²¹Ala gbu anyama ti ala: *azambala 50 000, ataba na angasa 250 000, alele 2 000; ala gbu nga azo ti kanga 100 000.

²²Ala fâ awato ti ala mingi, ngbanga ti so bira ni ayeke ti Nzapa. Ala sara kodro na sese ti azo ti mara ti Hagri, ala duti na ndo ni ngbii asi na ngoi so a gbu ala a gue na ala na kodro wande.

²³Azo ti ndambo ti mara ti Manase asara kodro, ti londo na sese ti Bashan, na mbage ti Mbongo ngbii asi na Baal-Hermon, na Senir nga na hoto ti Hermon, na mbage ti Banga. Ala yeke lani mingi.

²⁴So ayeke iri ti amakonzi ti asewa ti ala: Efer, Ishei, Eliel, Azriel, Irmeya, Hodavia na Yadiel. Ala kue ayeke angangu koli, iri ti ala awu mingi.

²⁵Me azo ti mara ti Ruben, ti Gad na ndambo ti mara ti Manase ake Nzapa ti akotara ti ala; ala voro anzapa ti amara so Nzapa afâ ala na dawa ti ala so.

²⁶Nilaa Nzapa ti Israel azia na be ti agbia ti Asirii, Pul na Teglat-Falasar titene ala ga amu sese ti amara ni si ala gbu azo ni ague na ala na Hala, Habor nga na Hara, nduru na *bale ti Gozan. Ala ngba kâ ngbii asi laso.

²⁷Amolenge ti Lévi ayeke Gershon, Kehat na Merari.

²⁸Amolenge ti Kehat ayeke Amram, Isar, Hebron na Uziel.

²⁹Amolenge ti Amram ti koli ayeke use: Aaron na Moïse, na molenge-wali oko so ayeke Miriam. Amolenge ti Aaron ayeke Nadab, Abihu, Elazar na Itamar.

³⁰Elazar adu Pinas, Pinas adu Abishua,

³¹Abishua adu Buki, Buki adu Uzi,

³²Uzi adu Zeraya, Zeraya adu Merayot,

³³Merayot adu Amaria, Amaria adu Ahitub,

³⁴Ahitub adu Sadok, Sadok adu Ahimaas,

³⁵Ahimaas adu Azaria, Azaria adu Yohanan,

³⁶Yohanan adu Azaria so ayeke lani wayango-sandaga na ya ti kota da ti Nzapa so Salomon asara na Jérusalem.

³⁷Azaria adu Amaria, Amaria adu Ahitub,

³⁸Ahitub adu Sadok, Sadok adu Shalum,

³⁹Shalum adu Hilkia, Hilkia adu Azaria,

⁴⁰Azaria adu Seraya si Seraya adu Yosadak.

⁴¹Na ngoi so KOTA GBIA azia azo ti Jérusalem na azo ti kodro-gbia ti Juda na maboko ti Nabukodonosor titene lo gue na ala na kodro wande, Yosadak ayeke na popo ti ala.