Read sango 1 Mbai 7 Bible Online

1 Mbai 7 - sango bible

1 Mbai 7

¹Isakar adu amolenge-koli osio: Tola, Puva, Yashub na Shimron.

²*Ahale ti Tola ayeke Uzi, Refaya, Yeriel, Yamai, Ibsam na Shemuel. Ala yeke amakonzi na li ti asewa ti kete mara ti Tola, ala yeke nga akpengba turugu. Na ngoi ti gbia David, wungo ti ahale ti ala kue ayeke 22 600.

³Molenge ti Uzi ayeke Izrahia. Amolenge ti Izrahia ayeke so: Mikael, Obadia, Joël na Isia. Izrahia na amolenge ti lo, ala oku kue ayeke amakonzi ti sewa.

⁴Na ya ti asewa ti ala, awali na amolenge-koli ayeke mingi si na lege ti molongo ti ahale ti ala, wungo ti angangu koli so kue alingbi ti tiri bira ayeke 36 000.

⁵Ambeni ita ti ala so ayeke na ya ti akete mara ti Isakar si ala yeke nga angangu koli, wungo ti ala kue ayeke 87 000.

⁶Benjamin adu amolenge-koli ota: Bela, Beker na Yediael.

⁷Ahale ti Bela ayeke so: Esbon, Uzi, Uziel, Yerimot na Iri. Ala yeke akpengba turugu so ayeke amakonzi ti asewa ti ala oko oko kue. Wungo ti azo ti asewa ni kue ayeke 22 034.

⁸Ahale ti Beker ayeke Zemira, Yoash, Eliezer, Eliohenai, Omri, Yeremot, Abia, Anatot na Alemet. Ala so kue ayeke ahale ti Beker.

⁹Ala yeke akpengba turugu si ala yeke amakonzi ti asewa ti ala oko oko kue. Wungo ti ala kue na lege ti molongo ti ahale ti ala ayeke 20 200.

¹⁰Bilehan ayeke molenge ti Yediael. Amolenge ti Bilehan ayeke so: Yeush, Benjamin, Ehud, Kenaana, Zetan, Tarsis na Ahishahar.

¹¹Ahale ti Yediael kue ayeke akpengba turugu si ala yeke amakonzi ti asewa ti ala oko oko kue. Wungo ti ala kue ayeke 17 200 so alingbi ti tiri bira.

¹²Shupim na Hupim ayeke amolenge ti Ir, Hushim ayeke molenge ti Aher.

¹³Amolenge ti Neftali ayeke Yasiel, Guni, Yeser na Shalum. Iri ti mama ti Neftali ayeke Bila.

¹⁴Amolenge ti Manase ayeke Asriel na Makir; mbeni wali ti lo so ayeke zo ti Sirii laa adu ala. Makir ayeke babâ ti Galaad.

¹⁵Makir amu wali na Hupim nga na Shupim. Makir ayeke na ita ti lo ti wali so iri ti lo ayeke Maaka. Makir adu mbeni molenge so iri ti lo Selofad; Selofad adu gi amolenge-wali.

¹⁶Maaka, wali ti Makir akiri adu na lo amolenge-koli use: Peresh na Sheresh. Amolenge ti Sheresh ayeke Ulam na Rekem;

¹⁷molenge ti Ulam ayeke Bedan. So ayeke ahale ti Galaad, molenge ti Makir, molenge ti Manase laa.

¹⁸Ita ti Galaad ti wali so iri ti lo Hamoleket adu Ishod, Abiezer na Mala.

¹⁹Amolenge ti Shemida ayeke Ahian, Shekem, Liki na Aniam.

²⁰*Ahale ti Efraim ayeke so: Shutela ayeke molenge ti Efraim, Bered ayeke molenge ti Shutela, Tahat ayeke molenge ti Bered, Elada ayeke molenge ti Tahat, Tahat ayeke molenge ti Elada,

²¹Zabad ayeke molenge ti Tahat, Shutela ayeke molenge ti Zabad. Ezer na Elad ayeke ambeni molenge ti Efraim. Azo ti sese ti Gat so a du ala na ya ti kodro ni afâ Ezer na Elad, ngbanga ti so ala gi lege ti mu anyama ti azo ti sese ti Gat ni.

²²Efraim atoto kuâ ti ala lango mingi si asewa ti lo aga ti de be ti lo.

²³Na pekoni, Efraim aduti na wali ti lo, wali ni amu ngo si adu na lo molenge-koli. Lo di iri ti molenge ni Beria, ngbanga ti so ye ti mawa ayeke na ya ti da ti lo.

²⁴Efraim adu nga molenge-wali so iri ti lo Shera. Shera laa aleke agbata tongana: Bet-Horon-ti-gbeni, Bet-Horon-ti-nduzu nga na Uzen-Shera.

²⁵Ahale ti Beria ayeke so: Refa ayeke molenge ti Beria, Reshef ayeke molenge ti Refa, Tela ayeke molenge ti Reshef, Tahan ayeke molenge ti Tela,

²⁶Ladan ayeke molenge ti Tahan, Amihud ayeke molenge ti Ladan, Elishama ayeke molenge ti Amihud,

²⁷Nune ayeke molenge ti Elishama si Josué ayeke molenge ti Nune.

²⁸Sese so a mu na azo ti mara ti Efraim titene ala duti daa ayeke Betel na akete kodro so ayeke na tere ni. Na mbage ti To ayeke Naaran, na mbage ti Do ayeke Gezer na akete kodro so ayeke na tere ni, nga na ndo so ayeke na popo ti Sishem na ti Aya na akete kodro so ayeke na tere ni.

²⁹Agbata so ahale ti Manase awara ayeke so: Bet-Shean na akete kodro so ayeke na tere ni, Taanak na akete kodro so ayeke na tere ni, Megido na akete kodro so ayeke na tere ni nga na Dor na akete kodro so ayeke na tere ni. So ayeke agbata so amolenge ti Joseph, molenge ti Jacob aduti daa laa.

³⁰Amolenge ti Aser ayeke Imna, Isheva, Ishevi na Beria; ita ti ala ti wali ayeke Sera.

³¹Amolenge ti Beria ayeke Heber na Malkiel; Malkiel laa asara si kodro ti Birzait abaa gigi.

³²Heber adu Yaflet, Shemer na Hotam nga na ita ti ala ti wali Shua.

³³Amolenge ti Yaflet ayeke Pasak, Bimal na Asevat.

³⁴Amolenge ti Shemer ayeke Ahi, Roga, Huba na Aram.

³⁵Amolenge ti Hotam, ita ti Shemer ayeke Sofa, Imna, Shelesh na Amal.

³⁶Amolenge ti Sofa ayeke Sua, Harnefer, Shual, Beri, Imra,

³⁷Beser, Hod, Shama, Shilesha, Itran na Beera.

³⁸Amolenge ti Itran ayeke Yefune, Pishepa na Era.

³⁹Amolenge ti Ula ayeke Ara, Haniel na Risia.

⁴⁰Azo so kue ayeke amolenge ti Aser; ala yeke anzoni makonzi ti asewa, akpengba turugu nga anzoni zo ti li ni. A su iri ti ala na mbeti si ala yeke azo so alingbi ti tiri bira; wungo ti ala kue ayeke 26 000.