Read sango 1 Mbai 9 Bible Online

1 Mbai 9 - sango bible

1 Mbai 9

¹A diko wungo ti azo ti Israel kue si a su ni na ya ti mbeti ti agbia ti Israel na lege ti asewa ti ala. A gbu azo ti Juda ague na ala na Babilone, ngbanga ti so ala ke Nzapa.

²Akozo zo so akiri na ya ti gbata ti ala ti kiri ti mu aye so ayeke lani ti ala ayeke asenge zo ti Israel, awayango-sandaga, azo ti mara ti Lévi na azo ti kua ti kota da ti Nzapa.

³Azo so aga ti sara kodro na Jérusalem ayeke azo ti mara ti Juda, ti Benjamin, ti Efraim na ti Manase.

⁴Na popo ti azo ti mara ti Juda so aga, Utai ayeke daa. Utai ayeke molenge ti Amihud; Amihud ayeke molenge ti Omri; Omri ayeke molenge ti Imri; Imri ayeke molenge ti Bani; Bani ayeke molenge ti Peres; Peres ayeke molenge ti Juda.

⁵Na popo ti azo ti kete mara ti Shela, Asaya na amolenge ti lo ayeke daa. Asaya ayeke kozo molenge ti ya ti sewa ti lo.

⁶Na popo ti azo ti kete mara ti Zera, Yeuel ayeke daa. Wungo ti azo ti Juda so kue aga ti sara kodro na Jérusalem ayeke 690.

⁷Na popo ti azo ti mara ti Benjamin, Salu ayeke daa; Salu ayeke molenge ti Meshulam, Meshulam ayeke molenge ti Hodavia, Hodavia ayeke molenge ti Hasenua;

⁸Ibneya ayeke nga daa. Ibneya ayeke molenge ti Yeroam, Yeroam ayeke molenge ti Ela, Ela ayeke molenge ti Uzi, Uzi ayeke molenge ti Mikri; Meshulam ayeke nga daa. Meshulam ayeke molenge ti Shefatia, Shefatia ayeke molenge ti Reuel si Reuel ayeke molenge ti Ibnia.

⁹Ala kue ayeke amakonzi ti asewa ti ala oko oko kue. Na lege ti molongo ti dungo ala, wungo ti azo ti mara ti Benjamin so asara kodro na Jérusalem ayeke 956.

¹⁰Na popo ti awayango-sandaga, ala so akiri ti sara kodro na Jérusalem ayeke so: Yedaya, Yoyarib, Yakin,

¹¹na Azaria, molenge ti Hilkia, Hilkia ayeke molenge ti Meshulam, Meshulam ayeke molenge ti Sadok, Sadok ayeke molenge ti Merayot, Merayot ayeke molenge ti Ahitub, Ahitub ayeke makonzi ti kota da ti Nzapa;

¹²Adaya ayeke nga daa. Adaya ayeke molenge ti Yeroam, Yeroam ayeke molenge ti Pashehur, Pashehur ayeke molenge ti Malkia; Masai ayeke nga daa. Masai ayeke molenge ti Adiel, Adiel ayeke molenge ti Yazera, Yazera ayeke molenge ti Meshulam, Meshulam ayeke molenge ti Meshilemit, Meshilemit ayeke molenge ti Imer.

¹³Wungo ti awayango-sandaga na amakonzi ti asewa ti ala kue ayeke 1 760. Ala kue ayeke akota zo so ayeke baa lege ti kua ti kota da ti Nzapa.

¹⁴Na popo ti azo ti mara ti Lévi, ala so akiri ti sara kodro na Jérusalem ayeke so: Shemaya, molenge ti Hashub, Hashub ayeke molenge ti Azrikam, Azrikam ayeke molenge ti Hashabia. Hashabia ayeke zo ti kete mara ti Merari.

¹⁵Ambeni zo ni ayeke Bakbakar, Heresh, Galal na Matania. Matania ayeke molenge ti Mika, Mika ayeke molenge ti Zikri, Zikri ayeke molenge ti Asaf.

¹⁶Mbeni zo ni ayeke Obadia, Obadia ayeke molenge ti Shemaya, Shemaya ayeke molenge ti Galal, Galal ayeke molenge ti Yedutun; Berekia ayeke nga daa. Berekia ayeke molenge ti Asaf, Asaf ayeke molenge ti Elkana; Elkana alango na ya ti akete kodro so ayeke na tere ti gbata ti Netofa.

¹⁷Ala so ayeke bata yanga ti kota da ti Nzapa ayeke Shalum, Akub, Talmon, Ahiman na a-ita ti ala. Shalum laa ayeke na li ti azo ni.

¹⁸*Ahale ti ala laa angba ti sara kua na yanga ti gbagba so abaa ndo na mbage so lâ ayeke londo daa ngbii asi laso, so ti tene yanga ti gbagba ti gbia. Akotara ti ala laa ayeke ando azo ti batango yanga ti bâbâ ti azo ti mara ti Lévi.

¹⁹Shalum ayeke molenge ti Kore, Kore ayeke molenge ti Abiasaf, Abiasaf ayeke molenge ti Kore. Shalum na ambeni zo ti ya ti sewa ti Kore ayeke bata yanga ti da ti bongo, ndo so laa *KOTA GBIA ayeke duti daa. Akotara ti ala ayeke ando azo ti batango yanga ti bâbâ ti KOTA GBIA.

²⁰Pinas, molenge ti Elazar ayeke ando makonzi ti ala, ngbanga ti so KOTA GBIA ayeke na lo.

²¹Zakarii, molenge ti Meshelemia ayeke nga mbeni zo ti batango yanga ti da ti bongo so KOTA GBIA na azo ti lo ayeke wara tere daa.

²²Wungo ti ala so kue a soro ala titene ala ga azo ti batango ayanga ti gbagba ayeke 212. A su iri ti ala na mbeti na ya ti akete kodro ti ala. David na wayanga-Nzapa Samuel laa azia akotara ti ala na kua ni so.

²³Ala na ahale ti ala angba ti sara kua ti batango yanga ti kota da ti Nzapa, so ti tene da ti bongo so KOTA GBIA ayeke duti daa.

²⁴A zia azo ti batango ayanga ti gbagba ni na mbage osio kue: na To, na Do, na Mbongo nga na Banga.

²⁵Ambeni ita ti ala so angba na ya ti akete kodro ti ala, ala yeke ga ngoi na ngoi ti sara kua ti batango yanga ti gbagba na ya ti yenga oko oko.

²⁶Me ambeni makonzi osio ti azo ti batango ayanga ti gbagba ni angba ti ala lakue na ndo ti kua ni. Kua ti azo ti mara ti Lévi ayeke ti baa ndo na ndö ti akubu nga na ndö ti amosoro ti kota da ti Nzapa.

²⁷Ala yeke lango nduru na kota da ti Nzapa, ngbanga ti so ala laa ayeke baa ndo na ndö ni si lakue na ndaperere, ala yeke zi ayanga ti da ni.

²⁸Ambeni na popo ti ala, kua ti ala ayeke ti baa ndo na ndö ti agbakuru ti vorongo na Nzapa. Ala yeke diko ni lakue na ndembe so ala yeke sigigi na ni ti sara na kua wala ala yeke kiri na ni ti bata ni.

²⁹Ambeni zo ni ayeke baa ndo na ndö ti asembe, aye so a zia nde ndali ti Nzapa, farini, vin, mafuta, dukani na yombo.

³⁰Me awayango-sandaga laa ayeke leke yombo titene afun nzoni.

³¹Mbeni zo ti mara ti Lévi oko so iri ti lo ayeke Matitia ayeke sara ti lo agatoo ti mungo na *sandaga na Nzapa. Lo yeke kozo molenge ti Shalum, zo ti kete mara ti Kore.

³²Kua ti ambeni zo ti mara ti Kehat ayeke ti lekengo amapa so a yeke mu na Nzapa lakue na *lango ti wungo tere.

³³Amakonzi ti asewa ti azo ti mara ti Lévi so ayeke baa ndo na ndö ti hengo bia, ala yeke lango na ya ti ada so a sara ni ndali ti ala. Ala yeke sara mbeni kua nde pepe, ngbanga ti so ala yeke sara kua ti ala bi na lâ.

³⁴So ayeke amakonzi ti asewa ti azo ti mara ti Lévi, akota zo na li ti asewa ti ala na lege ti molongo ti dungo ala laa. Ala yeke lango na Jérusalem.

³⁵Yeiel laa asara si gbata ti Gabaon abaa gigi, lo yeke lango gi na ya ti gbata ni. Iri ti wali ti lo ayeke Maaka.

³⁶Kozo molenge ti lo ayeke Abdon; ambeni ita ti Abdon ayeke Sur, Kish, Baal, Ner, Nadab,

³⁷Gedor, Ahio, Zakarii na Miklot.

³⁸Miklot adu Shimam. Ala kue asara kodro na Jérusalem, nduru na a-ita ti ala.

³⁹Ner adu Kish, Kish adu Saul, Saul adu Jonatan, Malkishua, Abinadab na Ishebaal.

⁴⁰Molenge ti Jonatan ayeke Meribaal. Meribaal adu Mika.

⁴¹Amolenge ti Mika ayeke Piton, Melek na Tarea.

⁴²Ahaz adu Yara, Yara adu Alemet, Azmavet na Zimri. Zimri adu Mosa,

⁴³Mosa adu Binea. Refaya ayeke molenge ti Binea, Elasa ayeke molenge ti Refaya si Asel ayeke molenge ti Elasa.

⁴⁴Asel adu amolenge-koli omene: Azrikam, Bokru, Ismael, Shearia, Obadia na Hanan.