Read sango Esdras 2 Bible Online

Esdras 2 - sango bible

Esdras 2

¹Nabukodonosor, gbia ti Babilone agbu ando azo si ague na ala na Babilone. Fadeso, mingi ti azo ni akiri na Jérusalem nga na Juda. Zo oko oko akiri na ya ti gbata ti lo wani.

²Ala na Zorobabel, Yeshua, Nehemia, Seraya, Relaya, Mordokai, Bileshan, Mispar, Bigvai, Rehum na Baana laa akiri. Wungo ti akoli ti Israel na lege ti kete mara ti ala ayeke tongaso:

³akoli ti kete mara ti Parosh ayeke 2 172;

⁴akoli ti kete mara ti Shefatia ayeke 372;

⁵akoli ti kete mara ti Ara ayeke 775;

⁶akoli ti kete mara ti Pahat-Moab, so ti tene ala ti *ahale ti Yeshua na ti Yoab, ayeke 2 812;

⁷akoli ti kete mara ti Elam ayeke 1 254;

⁸akoli ti kete mara ti Zatu ayeke 945;

⁹akoli ti kete mara ti Zakai ayeke 760;

¹⁰akoli ti kete mara ti Bani ayeke 642;

¹¹akoli ti kete mara ti Bebai ayeke 623;

¹²akoli ti kete mara ti Azgad ayeke 1 222;

¹³akoli ti kete mara ti Adonikam ayeke 666;

¹⁴akoli ti kete mara ti Bigvai ayeke 2 056;

¹⁵akoli ti kete mara ti Adin ayeke 454;

¹⁶akoli ti kete mara ti Ater, so ti tene ala ti ahale ti Yehizkia, ayeke 98;

¹⁷akoli ti kete mara ti Besai ayeke 323;

¹⁸akoli ti kete mara ti Yora ayeke 112;

¹⁹akoli ti kete mara ti Hashum ayeke 223;

²⁰akoli ti kete mara ti Gibar ayeke 95;

²¹akoli ti kodro ti Betlehem ayeke 123;

²²akoli ti kodro ti Netofa ayeke 56;

²³akoli ti kodro ti Anatot ayeke 128;

²⁴akoli ti kodro ti Azmavet ayeke 42;

²⁵akoli ti kodro ti Kiriat-Yearim, ti Kefira na ti Beerot ayeke 743;

²⁶akoli ti akodro ti Rama na ti Geba ayeke 621;

²⁷akoli ti kodro ti Mikmas ayeke 122;

²⁸akoli ti kodro ti Betel na ti Ai ayeke 223;

²⁹akoli ti kodro ti Nebo ayeke 52;

³⁰akoli ti kete kodro ti Magbish ayeke 156;

³¹akoli ti kete mara ti mbeni Elam ayeke 1 254;

³²akoli ti kete mara ti Harim ayeke 320;

³³akoli ti kodro ti Lod, ti Hadid na ti Ono ayeke 725;

³⁴akoli ti gbata ti Jéricho ayeke 345;

³⁵akoli ti gbata ti Senaa ayeke 3 630.

³⁶Awayango-sandaga so akiri ayeke tongaso: akoli ti kete mara ti Yedaya, so ti tene ala ti ahale ti Yeshua, ayeke 973;

³⁷akoli ti kete mara ti Imer ayeke 1 052;

³⁸akoli ti kete mara ti Pashehur ayeke 1 247;

³⁹akoli ti kete mara ti Harim ayeke 1 017.

⁴⁰Azo ti mara ti Lévi so akiri ayeke tongaso: akoli ti akete mara ti Yeshua, ti Kadmiel, ti Binui na ti Hodavia ayeke 74.

⁴¹Azo ti hengo bia na ya ti kota da ti Nzapa so akiri ayeke tongaso: akoli ti kete mara ti Asaf ayeke 128.

⁴²Asanziri so akiri ayeke tongaso: akoli ti kete mara ti Shalum, ti Ater, ti Talmon, ti Akub, ti Hatita na ti Shobai ayeke 139.

⁴³Azo ti kua ti kota da ti Nzapa so akiri ayeke tongaso: azo ti ahale ti Siha, ti Hasufa, ti Tabaot,

⁴⁴ti Keros, ti Siaha, ti Padon,

⁴⁵ti Lebana, ti Hagaba, ti Akub,

⁴⁶ti Hagab, ti Shamlai, ti Hanan,

⁴⁷ti Gidel, ti Gahar, ti Reaya,

⁴⁸ti Resin, ti Nekoda, ti Gazam,

⁴⁹ti Uza, ti Pasea, ti Besai,

⁵⁰ti Asna, ti Meunim, ti Nefusim,

⁵¹ti Bakbuk, ti Hakufa, ti Harur,

⁵²ti Baslut, ti Mehida, ti Harsha,

⁵³ti Barkos, ti Sisra, ti Tema,

⁵⁴ti Nesia na ti Hatifa.

⁵⁵Ahale ti azo ti kua ti Salomon so akiri ayeke tongaso: ahale ti Sotai, ti Soferet, ti Peruda,

⁵⁶ti Yala, ti Darkon, ti Gidel,

⁵⁷ti Shefatia, ti Hatil, ti Pokeret-Hasebaim na ti Ami.

⁵⁸Ti azo ti kua ti kota da ti Nzapa na azo ti ahale ti azo ti sarango kua ti Salomon, wungo ti akoli kue ayeke 392.

⁵⁹Ambeni zo alondo na Tel-Mela, Tel-Harsha, Kerub, Adan na Imer si akiri; me ala lingbi ti fa tënë mbirimbiri na ndö ti asewa ti akotara ti ala pepe; ala lingbi ti fa nga pepe atene, mara ti ala ayeke biani ti azo ti Israel.

⁶⁰Wungo ti ala kue ayeke 652 si ala yeke azo ti ahale ti Delaya, ti Tobia na ti Nekoda.

⁶¹Ambeni wayango-sandaga ayeke nga lani na ya ti oko kpale so: awayango-sandaga ti ahale ti Hobaya, ti Hakos na ti Barzilai. A di iri ti koli so Barzilai, ngbanga ti so lo mu mbeni molenge ti Barzilai, zo ti sese ti Galaad, ti ga wali ti lo.

⁶²Azo ni so agi mbeti so a su iri ti akotara ti ala na ya ni gbaa, ala wara ni pepe. Tongaso a baa ala tongana azo so aga *sioni awe, nilaa a tumba ala na kua ti wayango-sandaga.

⁶³Govoronere agbanzi lege na ala ti te kobe so a zia ni nde gi ndali ti Nzapa. Ala yeke ku ngbii mbeni wayango-sandaga aga atene tënë na ndö ti ala na lege ti Urim na Tumim si.

⁶⁴Wungo ti bongbi ti azo ti Israel so kue alondo na kodro wande akiri ayeke 42 360.

⁶⁵Na tere ti ala, azo ti kua ti ala ti koli na ti wali ayeke 7 337; azo ti hengo bia ti koli na ti wali ayeke 200;

⁶⁶ambarata ayeke 736, *apâkârâ ayeke 245;

⁶⁷azambala ayeke 435, alele ayeke 6 720.

⁶⁸So ala si na Jérusalem, gbata ti kota da ti KOTA GBIA, ambeni zo ti li ti asewa amu ambeni ye na be ti ala wani ndali ti kota da ti KOTA GBIA. Ala mu aye ni titene a kiri a leke na kota da ti KOTA GBIA na ndo so a leke ni ando daa kozoni so.

⁶⁹Ala mu ye so kue ala lingbi ti mu ndali ti kua ti da ni. Wungo ti aye so kue ala mu ayeke ale ti lôro 61 000, wen ti nginza so nengo ni kue ayeke kilo 2 500. Ala mu nga abongo ti awayango-sandaga 100.

⁷⁰Awayango-sandaga, azo ti mara ti Lévi, ambeni senge zo ti Israel, azo ti hengo bia, asanziri na azo ti kua ti kota da ti Nzapa aduti na ya ti agbata so a mu na ala. Tanga ti azo ti Israel kue aduti na ya ti agbata ti akotara ti ala.