Read sango Abia (Psaumes) 132 Bible Online

Abia (Psaumes) 132 - sango bible

Abia (Psaumes) 132

¹A yeke he bia so na ndembe ti guengo ni na Jérusalem. *KOTA GBIA, dabe ti mo na David, dabe ti mo na pasi so kue lo baa.

²David laa adeba yanga ti lo na KOTA GBIA; lo mu zendo na ngangu Nzapa ti Jacob, lo tene:

³“Da ti bongo so mbi yeke lango daa so, mbi yeke li na ya ni oko pepe, mbi yeke lango na ndö ti gbogbo ti mbi oko pepe,

⁴mbi yeke zia lango agbu le ti mbi oko pepe, mbi yeke kanga le ti mbi pepe,

⁵ngbii mbi wara mbeni ndo ndali ti KOTA GBIA, mbeni da ndali ti ngangu Nzapa ti Jacob si!”

⁶E ma a tene, sanduku ti *mbuki ayeke na Efrata; e wara ni nduru na Yaar.

⁷Ala ga, e gue na ya ti da ti KOTA GBIA, e kuku na dawa ti mbata ti gere ti lo, e voro lo.

⁸KOTA GBIA, londo mo ga na ndo ti duti ti mo, mo na sanduku ti mbuki ti mo so ngangu ti mo ayeke daa so!

⁹Ayeke nzoni awayango-sandaga ti mo amu tënë ti songo zo na kuâ, ala yu ni tongana bongo; ayeke nzoni azo ti mo adekongo na ngia.

¹⁰Zo so mo soro lo si mo zia lo gbia so, mo tumba lo pepe; sara tongaso ndali ti David, zo ti kua ti mo.

¹¹KOTA GBIA adeba yanga ti lo na David, lo tene taa-tënë, lo yeke kiri ti tene mbeni tënë nde pepe: “Mbeni molenge ti mo laa mbi yeke zia lo na ndö ti mbata ti mo ti gbia.

¹²Tongana amolenge ti mo asara ye alingbi na tënë ti mbuki ti mbi si ala sara nga aye so mbi hunda na ala si mbi fa na ala, fade amolenge ti ala ayeke duti na ndö ti mbata ti mo ti gbia kpu na kpu.”

¹³Biani, KOTA GBIA asoro hoto ti Sion awe, lo ye titene hoto ni aga ndo ti duti ti lo.

¹⁴Lo tene: “So ayeke ndo ti wungo tere ti mbi kpu na kpu; ndo ti dutingo ti mbi laa, ndo so mbi ye laa.

¹⁵Mbi yeke sara si agogoro ti Sion asi singo na kobe, mbi yeke mu kobe na azo ti mawa ti lo, ala te kobe alingbi na ala.

¹⁶Mbi yeke mu tënë ti songo zo na kuâ ti yu na awayango-sandaga ti lo tongana bongo, tongaso azo ti lo ayeke dekongo na ngia.

¹⁷Na Sion, mbi yeke sara si mbeni ngangu gbia abaa gigi. Na ya ti sewa ti gbia so mbi soro lo so, mbi yeke zia wâ na ya ti lamba si wâ ni ayeke mingo pepe.

¹⁸Mbi yeke sara si kamene ahon ndö ti awato ti lo si kpoto ti lo ti gbia ayeke za zango na li ti lo.”