Read sango Abia (Psaumes) 14 Bible Online

Abia (Psaumes) 14 - sango bible

Abia (Psaumes) 14

¹Bia ti David; bia so ayeke ndali ti makonzi-bia. Azo so li ti ala ayeke daa pepe ayeke tene na be ti ala: “Nzapa ayeke daa lawa!” Azo so abuba awe, ala sara sioni ye so akpa titene zo asara pepe; zo oko ti sara nzoni ayeke daa pepe.

²Kâ na yayu, *KOTA GBIA aba tere ti lo na mbage ti azo ti sese ti baa ndo, ti gi zo so li ti lo ayeke daa, zo so ayeke gi Nzapa.

³Ala kue agirisa nzoni lege awe, ala kue aga sioni legeoko; zo oko ti sara nzoni ayeke daa pepe, ataa oko ayeke daa pepe.

⁴KOTA GBIA atene: “Azo so kue ayeke sara sioni so, ala hinga ye oko pepe? Ala yeke te azo ti mbi na mbana tongana ti so ala yeke te kobe ti ala, ala ke ti hunda ye na mbi.”

⁵Tongaso, ala yeke do na kota mbeto, ngbanga ti so Nzapa amu mbage ti azo ti mbirimbiri.

⁶Ala azo ti sioni, ala yeke buba lege ti ye so zo ti mawa azia be ti lo ti ku, me KOTA GBIA ayeke ndo ti batango tere ti lo.

⁷Tongana songo benda ti azo ti Israel alondo fade na hoto ti *Sion si aga, ka ayeke nzoni mingi! Na ngoi so KOTA GBIA ayeke zi azo ti lo ti kiri na ala, azo ti lo so a gbu ala a gue na ala na kodro wande so, fade *ahale ti Jacob ayeke dodo na ngia si azo ti Israel ayeke duti na ngia!